Θεομητορικά/Θεοτοκία εἰς Α΄ ἦχο

ΘΕΟΤΟΚΙΑ 

                ψαλλόμενα εἰς α΄ ἦχον , ὡς : Τόν προφήτην Ἰωνᾶν 

                  πρό ἑκάστου ψαλλουμένου , προτάσσωμεν τό :

               ὙΠΕΡΑΓΙΑ ΘΕΟΤΟΚΕ σῶσον ἡμᾶς .

Νὐμφη ΠΑΝΑΓΝΟΣ  Πατρός , Μήτηρ Ἀφθορος Υἱοῦ , 

ἀνεδείχθης ἀληθῶς, ἡ καλή ἐν γυναιξί , τῷ Πνεύματι , προαγνισθεῖσα , ΠΑΡΘΕΝΕ ἌΧΡΑΝΤΕ .

               ὙΠΕΡΑΓΙΑ ΘΕΟΤΟΚΕ σῶσον ἡμᾶς .  

Ὁ ἐκλάμψς ἐκ Πατρός , πρό αἰώνων ὡς Υἱός , ἐπ ᾿ ἐσχάτων ἡμερῶν , ἐκ γστρός Σου προελθών ,ἐθέωσε , ΠΑΡΘΕΝΟΜΗΤΟΡ , βροτῶν τό φύραμα .

                ὙΠΕΡΑΓΙΑ ΘΕΟΤΟΚΕ σῶσον ἡμᾶς . 

Μυστηρίων θεϊκῶν , θησαυρός ὑπερφυής , οὐρανίων δωρεῶν , κιβωτός χρυσοειδής , ΠΑΝΑΜΩΜΕ , σαφῶς ἐδείχθης , Χριστόν κυήσασα.

                    ὙΠΕΡΑΓΙΑ ΘΕΟΤΟΚΕ σῶσον ἡμᾶς 

Ἐργαστήριον φρικτόν , καί παστάς φωτοειδής , τῆς σαρκώσεως ΑΓΝΗ , καθωράθης τοῦ θεοῦ , μορφώσαντος , ἡμῶν τήν σάρκα , ἐκ τῶν αἱμάτων Σου .

                         ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Ἡ Τεκοῦσα ἐν σαρκί , τόν τῶν ὅλων ποιητήν , καί τήν πάλαι τοῦ Ἀδάμ , ἀφανίσασα ἀράν , ΠΑΝΑΜΩΜΕ , τῆς τῶν παθῶν με , ρῦσαι ζοφώσεως .

                           ὙΠΕΡΑΓΙΑ ΘΕΟΤΟΚΕ σῶσον ἡμᾶς
 

Συνετρίβη τά ὀστᾶ , τῆς ἀθλίας μου ψυχῆς, καί τῷ βάρει τῶν πολλῶν , κατεκάμφθην ἡδονῶν , βοήθει μοι, ΠΑΡΘΕΝΟΜΗΤΟΡ , ἡ ἀδιάψευστος ἐλπίς .

                          ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Ἁγιάσματος σκηνή , δεδεγμένη ΜΑΡΙΑΜ , μιανθεῖσαν ἡδοναῖς  , τήν ἀθλίαν μου ψυχήν , ἁγίασον , καί θείας δόξης , μέτοχον ποίησον

                            .ὙΠΕΡΑΓΙΑ ΘΕΟΤΟΚΕ σῶσον ἡμᾶς 

Τἠν Μητέραν τοῦ Θεοῦ , καί καλήν ἐν γυναιξίν , δυσωπῶ Σε ἐκτενῶς , μή παρίδης με ΑΓΝΗ , ἀλλ ᾿ οἴκτειρον , καί πάσης βλάβης , σῶον συντήρησον .

                             ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Μεγαλεῖα Σοι Χριστός, ἐποιήσατο ΑΓΝΗ , ὅν ἱκέτευε ἀεί , μεγαλῦναι ἐν ἐμοί , τά πλούσια , αὐτοῦ ἐλέη ΘΕΟΧΑΡΙΤΩΤΕ .

                               ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Τάς αἰτίας τῶν παθῶν , οὐκ ἐκκόπτω πατελῶς , καί ἀπάθειαν ζητῶ , ἐν εὐχαῖς διηνεκῶς , ΠΑΝΥΜΝΗΤΕ , τήν πώρωσιν μου , λῦσον καί σῶσον με .

                           ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Ὑπερέβην ἀληθῶς Σοδομῖτας αἰσχρουργῶν , καί πτοοῦμαι μή τό πῦρ , δαπανήση με ἐκεῖ , ΘΕΟΝΥΜΦΕ , τῆς τούτων πείρας ῥῦσαι καί σῶσον με .

                                ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Στένω τρέμω καί βοῶ , μή παρίδης με ΑΓΝΗ , τόν εἰς πάθη ὁλικῶς , ἐμπεσόντα χαλεπά, ἀλλ ᾿ οἴκτειρον , καί πρός μετάνοιαν χειραγώγησον .

                          ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Ζῶντα φρούρει με ἀεί , λυτρουμένη πειρασμῶν , ἐκχωροῦντα σέ τῆς γῆς , πρός αἰώνιον ζωήν , ὁδήγησον , ΠΑΡΘΕΝΟΜΗΤΟΡ , τῇ εὐσπλαγχνίᾳ Σου .

                            ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Οὐ ρημάτων εὐπορῶ, ἀρετῶν δέ ἀπορῶ , οὐ γάρ στέργω προσευχήν  , καί νηστείαν ἐκτελεῖν , ΘΕΟΝΥΜΦΕ , καί διά τοῦτο , πρό Σέ κατέφυγον .

                              ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Σύνες εὔσπλαγχνε Υἱέ  , Σῆς Μητρός ἐκδυσωπῶ , ὁ προστρέχων εἰς ἐμέ, χρηστῶν ἔργων ἀπορεῖ , καί κράζει μοι , οὐκ ἔχω πλήν σου , ἐλπίδα ΔΕΣΠΟΙΝΑ .

                             ὙΠΕΡΑΓΙΑ ΘΕΟΤΟΚΕ σῶσον ἡμᾶς        

Λιτανεύουσα θερμῶς , παῦσαι Μῆτερ τοῦ λαλεῖν , καί γάρ οὗτος ἀφορῶν , ὅτι εὔσπλαγχνος εἰμί , μολύνεται , μή ἐπιβλέπων πρός τήν ὀργήν τήν ἐμήν .

                                ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Ἱκετεύω ὑπέρ σοῦ , τόν Υἱόν Μου καί Θεόν , ἵνα τύχεις ἱλασμοῦ , ἀλλ ᾿ αὐτός μοι ἐκβοᾶ, τοῦ παύσασθαι , καί μή πρεσβεύειν τοῦ σωθῆναι σε. 

                               ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Χαῖρε λύχνε φαεινέ , χαῖρε φῶς ἀειλαμπές , χαῖρε πλοῦτε νοητέ , χαῖρε , ΜΗΤΕΡ τοῦ Θεοῦ , ΠΑΝΑΜΩΜΕ , χαῖρε ἡ μόνη , Θεόν κυήσασα .

                               ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Χαῖρε βάσις ἀσφαλής , χαῖρε στάσις ἀστραπῆς , χαῖρε Νύμφη τοῦ Πατρός , χαῖρε Μήτηρ τοῦ Χριστοῦ , ΠΑΝΥΜΝΗΤΕ , τοῦ κόσμου σκέπη , χαῖρε , ἡ πάντων ἐλπίς .

                       ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Χαῖρε λύσις τῆς ἀρᾶς , χαῖρε φύλαξ εὐσεβῶν , χαῖρε σπάθη κατ ᾿ ἐχθρῶν ,χαῖρε τεῖχος ἀσκητῶν , Ἀκήρατε , Θεοῦ τοῦ Λόγου , Μήτηρ Ἀνύμφευτε .

                          ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Χχαῖρε κλῖμαξ νοητή , ἀπό γῆς πρός οὐρανόν , χαῖρε πύλη τοῦ φωτός , χαῖρε καύχημα πιστῶν , ΠΑΝΑΧΡΑΝΤΕ , πάντων κτισμάτων ὡς ὑπερέχουσα . 

                   ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Μολυνθέντα με πολλαῖς ,ἁμαρτίαις τήν ψυχήν , δυσωπῶ Σε ἐκτενῶς , τήν ἀμόλυντον σκηνήν , ἀπόπλυνον , παντοίου ρύπου τῇ μεσιτείᾳ Σου .

                         ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Κυβερνῆτις μοι γενοῦ , θαλαττεύοντι ΑΓΝΗ , ἐν πελάγει χαλεπῷ , τῶν τοῦ βίου πειρασμῶν , καί ἴθυνον , πρός σωτηρίας ὁδόν καί σῶσον με .

                            ὙΠΕΡΑΓΙΑ ΘΕΟΤΟΚΕ σῶσον ἡμᾶς   

Σοί Μητέρα τοῦ Θεοῦ ,  τήν ἀμώμητον σκηνήν , τήν τοῦ Λόγου φαεινήν , λυχνίαν ἄναψον μοι, τόν λύχνον , τῆς ψυχῆς ἐσβεσμένον δυσωπῶ .

 ὙΠΕΡΑΓΙΑ ΘΕΟΤΟΚΕ σῶσον ἡμᾶς , καί τόν κόσμον Σου ἅπαντα ·

 δύνασαι γάρ άντα · 

ἀδυνατοῖ Σοι δέ , οὐδέ ἕν .  

διό προσκυνοῦμεν Σε.

Χαῖρε , χαῖρε , χαῖρε , ὦ !! χαῖρε , Νύμφη Ἀνύμφευτε ...