Ὑμνολογικά/Ἀναστάσιμα Ἀπολυτίκια μετά τῶν Θεοτοκίων

'ΑΝΑΣΤΑΣΙΜΑ ΑΠΟΛΥΤΙΚΙΑ ΜΕΤΑ ΤΩΝ ΘΕΟΤΟΚΙΩΝ , ΟΛΩΝ ΤΩΝ ΗΧΩΝ 

ΑΠΟΛΥΤΙΚΙΟΝ       Ἦχος α'

Τοῦ λίθου σφραγισθέντος ὑπ τῶν Ἰουδαίων, καί στρατιωτῶν φυλασσόντων τό ἄχραντόν σου σῶμα, ἀνέστης τριήμερος Σωτήρ, δωρούμενος τῷ κόσμωῳ τήν  ζωήν. Διά τοῦτο αἱ Δυνάμεις τῶν οὐρανῶν, ἐβόων σοι  Ζωοδότα. Δόξα τῇ  Ἀναστάσει σου, Χριστέ, δόξα τῇ βασιλείᾳ σου, δόξα τῇ οἰκονομίᾳ σου, μόνε Φιλάνθρωπε.                      

                                ΘΕΟΤΟΚΙΟΝ

Τοῦ Γαβριήλ φθεγξαμένου Σοι  ΠΑΡΘΕΝΕ  τὀ Χαῖρε, σύν τῇ φωνῇ  ἐσαρκοῦτο ὁ τῶν ὅλων Δεσπότης, ἐν Σοί τῇ Ἁγίᾳ κιβωτῷ, ὡς ἔφη ὁ δίκαιος Δαυϊδ, ἐδείχθης πλατυτέρα τῶν οὐρανῶν, βαστάσασα τόν Κτίστην Σου. Δόξα τῶ ἐνοικήσαντι ἐν Σοί, δόξα τῷ προελθόντι ἐκ Σοῦ, δόξα τῷ ἐλευθερώσαντι ἡμᾶς διά τοῦ τόκου Σου.

 'ΑΠΟΛΥΤΙΚΙΟΝ   Ἦχος β

Ὅτε κατῆλθες πρός τόν  θάνατον, ἡ Ζωή ἡ ἀθάνατος, τότε τόν Ἅδην ἐνέκρωσας τῇ ἀστραπῇ τῆς θεότητος, ὅτε δέ καί τούς τεθνεῶτας ἐκ τῶν καταχθονίων ἀνέστησας, πᾶσαι αἱ Δυνάμεις τῶν ἐπουρανίων ἐκραύγαζον, Ζωοδότα Χριστέ ὁ Θεός ἡμῶν , δόξα σοι.

                           ΘΕΟΤΟΚΙΟΝ 

Πάντα ὑπέρ ἔννοιαν, πάντα ὑπερένδοξα, τά Σά ΘΕΟΤΟΚΕ  μυστήρια,  τῇ ἁγνείᾳ ἐσφραγισμένη, καί Παρθενία φυλαττομένη, Μήτηρ ἐγνώσθης ἀψευδής, Θεόν τεκοῦσα ἀληθινόν, αὐτόν ἱκέτευε σωθῆναι τάς ψυχάς ἡμῶν.

ΑΠΟΛΥΤΙΚΙΟΝ      Ἦχος γ'

Εὐφραινέσθω τά οὐράνια, ἀγαλλιάσθω τά ἐπίγεια, ὅτι ἐποίησε κράτος, ἐν βραχίονι αὐτοῦ, ὁ Κύριος, ἐπάτησε τῷ θανάτῳ τόν θάνατον, πρωτότοκος τῶν νεκρῶν ἐγένετο, ἐκ κοιλίας ἄδου ἐρρύσατο ἡμᾶς, καί παρέσχε τῷ κόσμῳ τό μέγα ἔλεος.

                                   ΘΕΟΤΟΚΙΟΝ

Σέ τήν μεσιτεύσασαν τήν σωτηρίαν τοῦ γένους ἡμῶν, ἀνυμνοῦμεν ΘΕΟΤΟΚΕ ΠΑΡΘΕΝΕ , ἐν τῇ σαρκί γάρ τῇ ἐκ Σοῦ προσληφθείση, ὁ Υἱός Σου καί Θεός ἡμῶν τό διά Σταυροῦ καταδεξάμενος πάθος, ἐλυτρώσατο ἡμᾶς, ἐκ φθορᾶς ὡς φιλάνθρωπος.

ΑΠΟΛΥΤΙΚΙΟΝ    Ἦχος δ'

Τό  φαιδρόν τῆς Ἀναστάσεως κήρυγμα, ἐκ τοῦ Ἀγγέλου μαθοῦσαι αἱ τοῦ Κυρίου Μαθήτριαι, καί τὴν προγονικήν ἀπόφασιν ἀπορρίψασαι, τοῖς Ἀποστόλοις καυχώμεναι ἔλεγον, Ἐσκύλευται ὁ θάνατος, ἡγέρθη Χριστός ὁ Θεός, δωρούμενος τῷ κόσμῳ τό μέγα ἔλεος.

                                       ΘΕΟΤΟΚΙΟΝ

Τό ἀπ' αἰῶνος ἀπόκρυφον, καί Ἀγγέλοις ἄγνωστον μυστήριον, διά Σοῦ ΘΕΟΤΟΚΕ , τοῖς ἐπί γῆς πεφανέρωται, Θεός ἐν ἀσυγχύτῳ ἑνώσει σαρκούμενος, καί Σταυρόν ἑκουσίως ὑπέρ ἡμῶν καταδεξάμενος, δι' οὗ ἀναστήσας τόν πρωτόπλαστον, ἔσωσεν ἐκ θανάτου τάς ψυχάς ἡμῶν.

ΑΠΟΛΥΤΙΚΙΟΝ   Ἦχος πλ. α'

Τόν συνάναρχον Λόγον Πατρί καί Πνεύματι, τόν ἐκ ΠΑΡΘΕΝΟΥ τεχθέντα εἰς σωτηρίαν ἡμῶν, ἀνυμνήσωμεν πιστοί καί προσκυνήσωμεν, ὅτι ηὐδόκησε σαρκί, ἀνελθεῖν ἐν τῷ σταυρῷ, καί θάνατον ὑπομεῖναι, καί ἐγεῖραι τούς τεθνεώτας, ἐν τῇ ἐνδόξῳ Ἀναστάσει αὐτοῦ.

                                     ΘΕΟΤΟΚΙΟΝ

Χαῖρε πύλη Κυρίου ἡ ἀδιόδευτος, χαῖρε τεῖχος καί σκέπη τῶν προστρεχόντων εἰς Σέ, χαῖρε ἀχείμαστε λιμήν καί Ἀπειρόγαμε, ἡ τεκοῦσα ἐν σαρκί τόν Ποιητήν Σου καί Θεόν, πρεσβεύουσα μή ἐλλείπης, ὑπέρ τῶν ἀνυμνούντων, καί προσκυνούντων τόν Τόκον Σου.

ΑΠΟΛΥΤΙΚΙΟΝ    Ἦχος πλ. β'

Ἀγγελικαί Δυνάμεις ἐπί τό μνῆμά σου, καί οἱ φυλάσσοντες ἀπενεκρώθησαν, καί  ἵστατο  Μαρία ἐν τῷ τάφω, ζητοῦσα τό ἄχραντόν σου σῶμα. Ἐσκύλευσας τόν Ἅδην, μή πειρασθείς ὑπ' αὐτοῦ, ὑπήντησας τῇ ΠΑΡΘΕΝῼ δωρούμενος τήν ζωήν, ὁ ἀναστάς ἐκ των νεκρῶν, Κύριε δόξα σοί.

                              ΘΕΟΤΟΚΙΟΝ

Ὁ τήν εὐλογημένην καλέσας σου Μητέρα ἦλθες ἐπί τό πάθος ἑκουσίᾳ βουλήῇ λάμψας ἐν τῷ Σταυρῷ, ἀναζητῆσαι θέλων τόν Ἀδάμ, λέγων τοῖς Ἀγγέλοις. Συγχάρητέ μοί, ὅτι εὑρέθη ἡ ἀπολομένη δραχμή, ὁ πάντα σοφῶς οἰκονομήσας, δόξα σοί.

ΑΠΟΛΥΤΙΚΙΟΝ    Ἦχος βαρύς

Κατέλυσας τῷ Σταυρῷ σου τόν θάνατον, ἠνέῳξας τῷ Λῃστῇ τόν Παράδεισον, τῶν Μυροφόρων τόν θρῆνον μετέβαλες, καί τοῖς σοῖς Ἀποστόλοις κηρύττειν ἐπέταξας· ὅτι ἀνέστης Χριστέ ὁ Θεός, παρέχων τῷ κόσμῳ τό μέγα ἔλεος.

                                       ΘΕΟΤΟΚΙΟΝ

Ὡς τῆς ἡμῶν θησαύρισμα, τούς ἐπί Σοί πεποιθότας Πανύμνητε , ἐκ λάκκου καί βυθοῦ πταισμάτων ἀνάγαγε · Σύ γάρ τούς ὑπευθύνους τῇ ἁμαρτίᾳ, ἔσωσας τεκοῦσα τήν σωτηρίαν,ἡ πρό τόκου ΠΑΡΘΕΝΟΣ , καί ἐν τόκῳ ΠΑΡΘΕΝΟΣ ,καί μετά τόκον , πάλι οὖσα ΠΑΡΘΕΝΟΣ. 

ΑΠΟΛΥΤΙΚΙΟΝ     Ἦχος πλ. δ'

Ἐξ ὕψους κατῆλθες ὁ εὔσπλαγχνος, ταφήν καταδέξω τριήμερον, ἵνα ἡμᾶς ἐλευθερώσῃς τῶν παθῶν. ἡ ζωὴ καί ἡ Ἀνάστασις ἡμῶν, Κύριε δόξα σοι.

                                     ΘΕΟΤΟΚΙΟΝ

Ὁ δι' ἡμᾶς γεννηθείς ἐκ ΠΑΡΘΕΝΟΥ , καί σταύρωσιν ὑπομείνας ἀγαθέ, ὁ θανάτῳ τόν θάνατον σκυλεύσας, καί Ἔγερσιν δείξας ὡς Θεός, μή παρίδῃς οὓς ἔπλασας τῇ χειρί σου, δεῖξον τήν φιλανθρωπίαν σου ἐλεῆμον, δέξαι τήν Τεκοῦσάν σε ΘΕΟΤΟΚΟΝ  πρεσβεύουσαν ὑπέρ ἡμῶν καί σῶσον Σωτήρ ἡμῶν, λαόν ἀπεγνωσμένον.