Μία Ποίμνη,Μία Ἐκκλησία,Μία ἀποστολή..Μοναχικός ἀπόπλους εἰς τήν Ν.Ἀφρικήν..Ἃγ.Νεκτάριος-Ὃσ.Παΐσιος: Θεομητορικά/Ἀκολουθία Συλλήψεως καί Κοιμήσεως Ἁγίας Ἂννης

☦

ΜΡ ΘΥ

☦

Τῌ Θ ΄ ΤΟΥ ΑΥΤΟΥ ΜΗΝΟΣ ΔΕΚΕΜΒΡΙΟΥ ,

Ἡ ΣΥΛΛΗΨΙΣ ΤΗΣ ΑΓΙΑΣ ΑΝΝΗΣ, ΤΗΣ ΜΗΤΡΟΣ ΤΗΣ ΘΕΟΤΟΚΟΥ

Ἕνα τροπάριον εἰς τήν ἱεράν ακολουθίαν τῶν Ἀχράντων Παθῶν τοῦ Κυρίου μας , λέγει :...«...ἔθος γάρ τοῖς ἀνόμοις , ῥίπτειν τά ἅγια ...» ·

Εἰς ἡμᾶς δέ τούς πιστούς καί εὐσεβεῖς , ...« ..ἔθος κραταιόν , τιμᾶν τά ἁγια καί ἁγίοις ...» ` καί τί προσφιλέστερον νά τιμῶμεν τούς γεννήτορας τῆς ΘΕΟΤΟΚΟΥ , τῆς Μητρός τοῦ Θεοῦ ;τά ὑπερφυῆ γεγονότα , τά σηματοδοτήσαντα τήν πορείαν τοῦ κόσμου , καί προετοιμάσαντα τήν θείαν οἰκονομίαν , τά λίαν παράδοξα τῆς θείας χάριτος, θαυμάζοντες ἐν τούτοις τήν ἀγάπην , καί φιλάνθρωπα σπλάγχνα, τοῦ Δημιουργοῦ , πρός τό δημιούργημα , καί τά ἐξαίσια , δι ᾿ ὧν προετοιμάζετο ἡ φύσις, ἡ κτίσις , διά τήν ὑποδοχήν τοῦ Κτίστου .

Οὕτως τιμῶμεν θεοπρεπῶς , καί προσκυνοῦμεν τιμητικῶς, τήν ῥίζαν καί ἀρχήν , καί αἰτίαν τῆς ὑπάρξεως τῆς ΘΕΟΤΟΚΟΥ , μέ τήν σύλληψιν τῆς Ἁγίας Ἄννης, ἡ ὁποία φύσεως νόμοις, ἀλλά, ὑπέρ τῶν νόμων τῆς φύσεως , ἔτεκε, τήν Τεκοῦσαν τόν Δημιουργόν , δι ᾿Ἦς ὁ Πλάστης , πλάσμα ὁρᾶται πλάσματος .

Τιμῶντες οὖν τήν Σύλληψιν τῆς ΠΑΝΑΓΙΑΣ ὑπό τὴς Ἁγίας Ἄννης , εἰς τήν παροῦσαν ἐργασίαν , ἀπολαμβάνωμεν πνευματικῶς καί συμψάλλομεν μετά τῶν οὐρανίων Νοῶν , τό μέγα θαῦμα, καί γεγονός αὐτό ·

καθώς καί τήν τελευταίαν πράξην , τῆς Ἁγίας Ἄννης , τήν Κοίμησιν Αὐτῆς , δι ἧς μεταβᾶσα εἰς οὐρανοῖς, δἐεται , μετά τῆς ΠΑΝΑΓΙΑΣ ΘΕΟΤΟΚΟΥ, ὑπέρ τοῦ σύμπαντος κόσμου , καί διά τήν σωτηρίων μας ..

Εὐλόγησον ΔΕΣΠΟΙΝΑ ...

☦

Ἡ ΣΥΛΛΗΨΙΣ ΤΗΣ ΑΓΙΑΣ ΑΝΝΗΣ .

Α. ΕΝ Τῼ ΕΣΠΕΡΙΝῼ

Είς τό :.... Κύριε ἐκέκραγα ...., ἱστῶμεν εἰς στίχους στ ΄καί ψάλλομεν , τά προσόμοια τῆς Ἁγίας , τά γ , εἰς στ΄, δευτεροῦντες αὐτά .

ἦχος δ΄. Ὁ ἐξ ᾿ Ὑψίστου κληθείς .

Καρπογονοῦσα ἡ στεῖρα παρ ᾿ ἐλπίδα , ΠΑΡΘΕΝΟΝ τήν μέλλουσαν τίκτειν Θεόν ἐν σαρκί , ἀγαλλιάσει φαιδρύνεται , χορεύει χαίρει , μεγαλοφώνως Ἄννα κραυγάζουσα · φυλαί μοι συγχάρητε , ἅπασαι τοῦ Ἰσραήλ , κυοφορῶ καί τό ὄνειδος , τῆς ἀπαιδείας ἐναποτίθεμαι , ὡς εὐδόκησεν ὁ εὐεργέτης ἐπακούσας μου , τῆς προσευχῆς καί κατώδυνον , θεραπεύσας καρδίαν , δι ᾿ ὠδίνων ὡς ὑπέσχετο .

Ὁ ἐξ ᾿ ἀνίκμου πηγάσας ὕδωρ πάλαι , καρπόν τῇ κοιλίᾳ Σου Ἄννα χαρίζεται , τήν ΑΕΙΠΑΡΘΕΝΟΝ ΔΕΣΠΟΙΝΑΝ , ἐξ ᾿ Ἧς τό ὕδωρ τῆς σωτηρίας μέλλει προέρχεσθαι · οὐκέτι ὡς ἄκαρπος γῆ παροικεῖς ἐπί γῆς , ὀνειδισμοῦ ἠλλοτρίωσαι · γῆν γάρ βλαστάνεις καρποφοροῦσαν , ζωῆς τόν ἄσταχυν , τόν τά ὀνείδη καθαιρούμενον , πάντων βροτῶν ὡς ηὐδόκησεν , διά σπλάγχνα ἐλέους, μορφωθῆναι τό ἀλλότριον .

Τῶν Προφητῶν αἱ προῤῥήσεις ἐκπληροῦνται · Ὄρος γάρ τό Ἅγιον , λαγόσι ἵδρυται · Κλῖμαξ ἡ θεία φυτεύεται · Θρόνος ὁ μέγας , τοῦ Βασιλέως προετοιμάζεται · Τόπος εὐπρεπίζεται ὁ θεοβάδιστος , Βάτος ἡ ἄφλεκτος ἄρχεται , ἀναβλαστάνειν · ἡ Μυροθήκη τοῦ ἁγιάσματος, ἤδη πηγάζει τῆς στειρώσεως , τούς ποταμούς ἀναστέλλουσα , τῆς θεόφρονος Ἄννης , ἥν ἐν πίστει μακαρίσωμεν .

Δόξα ...Καί νῦν .... ἦχος α ΄Γερμανοῦ

Τό ἀπόῤῥητον τοῖς Ἀγγέλοις , καί ἀνθρώποις μεγαλεῖον , καί ἀπ ᾿ αἰῶνος χρησμοδοτούμενον , μυστήριον παράδοξον , σήμερον τοῖς ἐν λαγόσι τῆς σώφρονος Ἄννης βρεφουργεῖται , ΜΑΡΙΑ ἡ ΘΕΟΠΑΙΣ , ἑτοιμαζομένη εἰς κατοικίαν , τοῦ παμβασιλέως τῶν αἰώνων , καί εἰς ἀνάπλασιν τοῦ γένους ἡμπῶν · ἥν ἐν καθαρῷ συνειδότι καθικετεύωμεν ἀναβοῶντες πρός Αὐτήν · πρέσβευε τῷ Σῷ Υἱῷ καί Θεῷ ὡς προστασία ὑπάρχουσα ἡμῶν τῶν χριστιανῶν , τοῦ σωθῆναι τάς ψυχάς ἡμῶν .

☦

Εἴσοδος ...Φῶς ἱλαρόν.... προκείμενον τῆς ἡμέρας ,΄Εκτενής ,

Καταξίωσον ..Πληρωτικά...

καί ἐν ἀποστίχοις , στιχηρά προσόμοια :

ἦχος πλ.α ΄. Χαίροις ἀσκητικῶν .

Ἄννα , ἡ θεία χάρις ποτέ , προσευχομένη ὑπέρ τέκνου ἐβόησεν , τῷ πάντων Θεῷ καί Κτίστῃ · Ἀδωναΐ Σαβαώθ , τό τῆς ἀπαιδίας οἶδας ὄνειδος · αὐτός τήν ὀδύνην μου τῆς καρδίας διάλυσον , καί τούς τῆς μήτρας , καταῤῥάκτας διάνοιξον , καί τήν ἄκαρπον , καρποφόρον ἀνάδειξον , ὅπως τό γεννησόμενον , δοτόν σοι προσάξωμεν , ἐπευλογοῦντες , ὑμνοῦντες καί ὁμοφρόνως δοξάζοντες , τήν σήν εὐσπλαγχνίαν , δι ᾿ἧς δίδοται τῷ κόσμῳ , τό μέγα ἔλεος .

Στίχος : Ὤμοσε Κύριος τῷ Δαυίδ ἀλήθειαν , καί οὐ μή ἀθετήσει αὐτήν .

Πάλαι προσευχομένη πιστῶς , Ἄννα ἡ σώφρων καί Θεῷ ἱκετεύουσα , Ἀγγέλου φωνῆς ἀκούει , προσβεβαιοῦντος αὐτῇ , τήν τῶν αἰτουμένων θείαν ἔκβασιν · πρός ἥν ὁ Ἀσώματος , ἐμφανῶς διαλέγεται , ἡ δέησις σου πρός τόν Κύριον ἤγγικεν , μή σκυθρώπαζε , τῶν δακρύων ἀπόστηθι · εὔκαρπος χρηματίσεις γάρ ἐλαία βλαστάνουσα , κλάδον ὡραῖον ΠΑΡΘΕΝΟΝ , πάγκαλον ἄνθος ἀνθήσουσαν · Χριστόν κατά σάρκα , παρεχόμενον τῷ κόσμῳ τό μέγα ἔλεος .

Στίχ : Ἐκ καρποῦ τῆς κοιλίας Σου θήσομαι ἐπί τοῦ θρόνου μου .

Ζεῦγος καρπογονεῖν τό σεπτόν , τήν θείαν Δάμαλιν , ἐξ ᾿ ἧς προελεύσεται , ὁ Μόσχος ἀῤῥήτῳ λόγῳ , ὁ σιτευτός ἀληθῶς , ὑπέρ ὅλου τοῦ κόσμου προθυόμενος · διό γεγηθότες , ἐξομολόγησιν ἄπαυστον , ἐν κατανύξει , τῷ Κυρίῳ προσάγουσιν , καί τήν σύμπασαν , ἐποφείλουσαν ἔχουσι · τούτους οὖν μακαρίσωμεν , καί πίστει χορεύσωμεν , ἐν τῇ Συλλήψει ἐνθέως , τῆς ἐξ ᾿ αὐτῶν τοῦ Θεοῦ ἡμῶν , Μητρός τικτομένης , δι ᾿ ἧς δίδοται πλουσίως τό μέγα ἔλεος .

Δόξα ....Καί νῦν .... ἦχος β΄

Σήμερον ἐκ ῥίζης τοῦ Δαυίδ , βασιλική πορφυρίς ἐκβλαστήσασα τοῦ Ἱεσσαί βλαστάνεις ἁπάρχεται , τό ἄνθος τό μυστικόν , ἐν ᾧ Χριστός ὁ Θεός ἡμῶν ἐξήνθησεν , ὁ σώζων τάς ψυχάς ἡμῶν .

☦

Νῦν ἀπολύεις ... Ἅγιος ὁ Θεός ....

καί ἀπολυτίκιον ἦχος δ΄

Σήμερον , τῆς ἀτεκνίας δεσμά διαλύονται · τοῦ Ἰωακείμ γάρ καί τῆς Ἄννης , εἰσακούων Θεός , παρ ᾿ ἐπλίδα τεκεῖν αὐτούς σαφῶς , ὑπισχνεῖται ΘΕΟΠΑΙΔΑ ἐξ ᾿ ἧς αὐτός ἐτέχθη ὁ ἀπερίγραπτος , βροτός γεγονός , δι ᾿ Ἀγγέλου κελεύσας βοῆσαι Αὐτῇ · χαῖρε ΚΕΧΑΡΙΤΩΜΕΝΗ , ὁ Κύριος μετά Σοῦ . Δίς

Τά λοιπά τῆς ἀκολουθίας , καί

Ἀπόλυσις .

☦

Β. ΕΝ Τῼ ΟΡΘΡῼ

Μετά τόν ἑξάψαλμον , Εἰρηνικά, καί εἰς τό : Θεός Κύριος...

Ἀπολυτίκιον τρίς.

☦

Μετά τήν α ΄στιχολογίαν , κάθισμα

ἦχος α΄. Χορός Ἀγγελικός .

Ὁ νέος οὐρανός , ἐν κοιλίᾳ τῆς Ἄννης , τεκταίνεται Θεοῦ , παντουργοῦ ἐπινεύσει · ἐξ ᾿ οὗ καί ἐπέλαμψεν , ὁ ἀνέσπερος ἥλιος , κόσμον ἅπαντα , φωταγωγῶν ταῖς ἀκτῖσι , τῆς Θεότητος ὑπερβολῇ εὐσπλαγχνίας , ὁ μόνος φιλάνθρωπος .

Δόξα ...Καί νῦν .... ἦχος ὁ αὐτός .

Χορός προφητικός , προεκήρυξε πάλαι , τήν Ἄμωμον ΑΓΝΗΝ , καί ΘΕΟΠΑΙΔΑ ΚΟΡΗΝ , ἥν Ἄννα συνέλαβε , στεῑρα οὖσα καί ἄγονος , ταύτην σήμερον , ἀγαλλιάσει καρδίας , μακαρίσωμεν , οἱ δι ᾿ Αὐτῆς σεσωσμένοι , ὡς Μόνην ΠΑΝΑΜΩΜΟΝ .

☦

Μετά τήν β ΄στιχολογίαν , κάθισμα :

ἦχος δ΄ Ταχύ προκατάλαβε .

Ἀδάμ ἀνακαινίσθητι , καί Εὔα σκίρτησον · ξηρά γάρ καί ἄνικμος , γῆ ἀνεβλάστησεν , καρπόν εὐθαλέστατον , τήν ἀνθήσασαν κόσμῳ , στάχυν ἀθανασίας , καί τό ὄνειδος ἅπαν , ἤρθη τῆς ἀτεκνίας · μεθ ᾿ ὧν συνεφρανθῶμεν , χαίροντες σήμερον .

Δόξα ...Καί νῦν ..... τό αὐτό

☦

Μετά τόν πολυέλεον , κάθισμα :

ἦχος δ ΄. Κατεπλάγη Ἰωσήφ

Ἀναβόησον Δαυίδ , τί ὤμοσε σοι ὁ Θεός ; ἅ μοι ὤμοσε φησί , καί ἐκπεπλήρωκεν ἰδού , ἐκ τοῦ καρποῦ τῆς κοιλίας μου δούς τήν ΠΑΡΘΕΝΟΝ · ἐξ ᾿ ἧς ὁ πλαστουργός ὁ νέος Ἀδάμ , ἐτέχθη Βασιλεύς ἐπί τοῦ θρόνου μου , καί βασιλεύει σήμερον , ὁ ἔχων τήν βασιλείαν ἀσάλευτον · ἡ στεῖρα τίκτει,τήν ΘΕΟΤΟΚΟΝ , καί τροφόν τῆς ζωῆς ἡμῶν .

Δόξα ....... Καί νῦν ... τό αὐτό

☦

Ὁ Ν Ψαλμός , καί οἱ δύο κανόνες τῆς Ἁγίας Ἄννης , ὁ μέν πρῶτος εἰς η ΄ , ὁ δέ δεύτερος εἰς στ ΄.

Κανών α΄.ἦχος α΄. ᾨδήν ἐπινίκιον .

Τήν σύλληψιν σήμερον θεόφρον Ἄννα , τήν Σήν ἑορτάζομεν · ὅτι τήν χωρήσασαν , τόν μηδαμοῦ χωρητόν , συνέλλαβες στειρωτικῶν , ἀπολυθεῖσα δεσμῶν .

Δικαίων ἐπήκουσας τάς ἱκεσίας , Ἄννα ἐπλήρωσας , τάς ἐντεύξεις Κύριε , τῶν Προπατόρων σου , καί τούτοις δέδωκας καρπόν , τήν σέ τεκοῦσαν ΑΓΝΗΝ .

Ἡ Ἄννα ἡ ἔνδοξος , νῦν συλλαμβάνει , ΑΓΝΗΝ τήν τόν ἄσαρκον , συλλαβοῦσαν Κύριον , τόν ὑπεράγαθον , καί τίκτειν μέλλει ἐν σαρκί , μέλλουσαν τίκτειν Χριστόν .

ΘΕΟΤΟΚίΟΝ

Τό Ὄρος τό ἅγιον , ὅπερ προεῖδεν , Προφήτης ἐν Πνεύματι , ἐξ ᾿ οὗ λίθος τέτμηται , τούς τῶν εἰδώλων βωμούς , συντρίψας σθένει θεϊκῷ , Σύ εἶ , ΠΑΡΘΕΝΕ ΑΓΝΗ .

Κανών β΄, μέ ἀκροστιχίδα :

Ἡ τήν χαράν τέξουσα , τίκτεται ΚΟΡΗ

ᾠδή α΄ἦχος β΄. Ἐν βυθῷ κατέστρωσε ποτέ .

Ἡ τοῦ κόσμου σήμερον χαρά , λόγῳ προκηρύττεται , καί μητρικάς ὀδύνας εἰς εὐφρόσυνον , χαρμονήν μεθίστησι , καί πολύτεκνον , τήν τῆς φύσεως στείρωσιν , ἔσεσθαι μηνύει , ἔργοις τοῖς τῆς χάριτος πληθύνουσαν .

Τό τερπνόν παλάτιον Χριστοῦ , ὁ εὑρυχωρότατος, τῶν οὐρανῶν οὐρανός ὁ ὑπέρτερος , σήμερον εἰσδέχεται , δι ᾿ ἐντεύξεως , τήν βάσιν τῆς ὑπάρξεως , τῆς ἐπαγγελίας ἐχούσης , ἀσάλευτον τήν ἔκβασιν .

Ἡ πορφύρα σήμερον Χριστοῦ , λαμπρῶς καταγγέλεται , ἐκ στειρευούσης ὑφανθήσεσαθαι χάριτι , ἡ Ἄσπιλος , ἐξ ᾿ ἧς φορέσας , ὁ Βασιλεύς τῆς κτίσεως , φύσιν τήν βροτείαν , κόσμῳ ὡραιότητος ὀφθήσεται .

ΘΕΟΤΟΚίΟΝ

Νῦν βροτῶν ἡ φύσις ἐπί Σοί , Μόνη Πανυπέρτατε , Θεοπρεπῶς ἐγκαυχωμένη ΔΕΣΠΟΙΝΑ , χαίρει καί κηρύττει Σου , τά παράδοξα τῆς ἀγνείας τεράστια , καί ἐν εὐφροσύνη ἅδουσα , δοξάζει σε ΘΕΟΝΥΜΦΕ .

Καταβασία : ... Χριστός γεννᾶται δοξάσατε ...

☦

ᾨδή γ , α ΄κανών . Στερεωθήτω ἡ καρδία μου

Καρπόν κοιλίας εἰ παράσχοις μοι , ἀνεβόα Ἄννα πρός Κύριον , μεγαλλυνθήσομαι καί σοί , τοῦτον προσαναθήσομαι · διά τοῦτο συλλαμβάνει , τήν ΑΓΝΗΝ ΘΕΟΜΗΤΟΡΑ .

Ἐν παραδείσῳ εὐχομένης σου , τῆς φωνῆς ἀκούει ὁ Ὕψιστος , Ἄννα θεόφρον , καί καρπόν τῇ κοιλίᾳ σου δίδωσι · Παραδείσου τήν ἀνοίξασαν , τήν θύραν τῆς χάριτος ·

Τά κατ΄νόμον ἐκτελέσασα , καί Θεῷ ἀμέμπτως δουλεύσασα , κυοφορεῖς τήν ἀληθῆ , νομοδότην κυήσασαν , Ἄννα Πάνσεμνε · διό σε οἱ πιστοί μακαρίζομεν .

ΘΕΟΤΟΚίΟΝ

Τῆς στειρευούσης διανοίας μου , ἀκαρπίαν πᾶσαν απέλασον , καί καρποφόρον ἀρεταῖς , τήν ψυχήν μου ανάδειξον , ΠΑΝΑΓΙΑ ΘΕΟΤΟΚΕ , τῶν πιστῶν ἡ βοήθεια .

β΄κανών ᾠδή γ ΄ Ἐξήνθησεν ἡ ἔρημος .

Ῥανάτωσαν εὐφρόσυνον αἱ νεφέλαι σήμερον , τόν γλυκασμόν τοῖς πέασιν · ἡ Νεφέλη γάρ ίδού τίκτεται , ἐξ ᾿ ἧς τό τῆς ζωῆς μου ὕδωρ , βρύσει Χριστός .

Ἀνοίγονται τῆς χάριτος τά ταμεῖα σήμερον , ὁ προκηρύσσων Ἄγγελος ἀνεβόα τῆς Ἄννης τήν σύλληψιν · ἰδού γάρ Σύ τήν Πόλιν ἀποτίκτεις Θεοῦ .

Νενέκρωται ἡ φύσις μέν , τῶν ἀνθρώπων πρότερον · νῦν δέ ζωῆς τά σύμβολα , τῇ συλλήψει τῆς Ἄννης δέχεται · ἐξ ᾿ ἀκάρπου γάρ ῥιζης ἄρτι φύεται .

ΘΕΟΤΟΚίΟΝ

Ὡς ἄνθρακα φλογίζοντα , ἁμαρτίας ἌΧΡΑΝΤΕ , τόν σαρκωθέντα Κύριον , ὑπέρ φύσιν ἐκ Σοῦ δεχόμενοι , τοῦ πλήθους τῶν πταισμάτων καθαιρούμεθα .

Καταβασία .Τῷ πρό τῶν αἰώνων .

☦

Συναπτή καί κάθισμα ἦχος δ΄. Κατεπλάγη Ἰωσήφ .

Εὐλογίας ἁπαρχήν , τῆς ἀκαρπίας τῶ καρπῶ , ἐδωρήσω Ἀγαθέ , Ἄννῃ βοώση δι ᾿ εὐχῆς · σύ μεταπλάττεις τάς φύσεις τῶν ἐν γενέσει · διό μου ὦ Σωτήρ , νενεκρωμένην αὐτήν , τήν φύσιν ὡς Θεός , πάλιν καινούργηον · ἵνα καρπόν προσάξω σοι βοῶσα , τῷ παντεπόπτῃ καί Κτίστῃ μου · σοί δόξα πρέπει , Θεέ τῶν ὅλων , καί Μόνε φιλάνθρωπε .

Δόξα ...Καί νῦν ... ἦχος δ ΄ . Ὁ ὑψωθείς ἐν τῶ Σταυρῶ .

Ἰωακείμ ὁ ἱερός καί ἡ Ἄννα , δῶρα προσήγαγον τοῖς πρίν ἱερεῦσι , καί μή δεχθέντες ἄγονοι τυγχάνοντες , δέησιν προσηύξαντο τῷ Δεσπότῃ τῶν ὅλων · καί τῆς προσευχῆς αὐτῶν , ἐπακούσας δωρεῖται , τούτοις , τήν ὄντως Πύλιν τῆς ζωῆς , ἧς τήν ἁγίαν τημήσωμεν σύλληψιν .

☦

Συνέχεια κανόνων · δ΄ᾠδή , ἀ κανών .Ἐν Πνεύματι

Ὤ θείας ἀγγελίας !!!ὤ ξένης λαλιᾶς!!! εἰ καγώ συλλήψομαι Ἀγγέλου πρός αὐτήν ἀποσταλλέντος , ἡ Ἄννα ἐκπληττομένη , μεγαλοφώνως ἀνεβόα · τῷ Θεῷ μου δόξατῷ ποιοῦντι παράδοξα .

Συγχάρητέ μοι πᾶσαι φυλαί τοῦ Ἰσραήλ , ἐν γαστρί συνέλαβον , τόν νέον οὐρανόν , ἐξ ᾿ οὗ τό ἄστρον ἀνατελεῖ μετ ᾿ ὁλίγον , τῆς σωτηρίας , Ἰησοῦς ὁ φωτοδότης , Ἄννα γηθομενη ἐκραύγαζεν .

Ὑπήκουσε τῆς Ἄννης Θεός τούς στεναγμούς , καί προσέσχε Κύριος δεήσει τῇ αὐτῇ · καί ἀτεκνίας τό νέφος σιασκεδάσας , φωτί αὐγάζει εὐτεκνίας παραδόξως · ὅθεν συλλαμβάνει τήν μόνην ΑΓΝΗΝ .

ΘΕΟΤΟΚίΟΝ

ΠΑΡΘΕΝΕ ΘΕΟΤΟΚΕ ΑΜΟΛΥΝΤΕ Σκηνή , μολυθέντα πταίσμασι καθάρισόν με νῦν , Σῶν οἰκτιρμῶν καθαρωτάραις ῥανίσι , καί δός μοι χεῖρα βοηθείας , ἵνα κράζω · δόξα Σοι ΑΓΝΗ Θεοδόξαστε .

β΄κανών .Ἐλήλυθας ἐκ ΠΑΡΘΕΝΟΥ .

Τό κάλυμμα τοῦ σκιώδους διαίρεται σήμερον , νόμου καί τῆς χάριτος , ἡ εὐλογία προκύπτουσα , λάμπει τηλαυγέστατα , τῇ προκηρύξει τοῦ τόκου τῆς Θεόπαιδος .

Ἐλήλυθεν , οὐρανόθεν μηνύων ὁ Ἄγγελος , Ἄννῃ τά προοίμια , τῆς παγκοσμίου χαρᾶς , ἐμφανῶς λέγων · τῆς δεήσεως , ὑπέρ ἐλπίδα , εἰσδέχου τήν ἐκπλήρωσιν .

Ξηραίνεσθαι , τῆς κακίας τά ῥεύματα ἄρχεται · καί βρύειν τῆς χάριτος , οἱ ποταμοί διευθύνονται , σήμερον τοῦ τόκου Σου , κηρυττομένου ΠΑΡΘΕΝΕ Πανυπέρτατε .

ΘΕΟΤΟΚίΟΝ

Ῥητόρων Σε , κατ ᾿ ἀξίαν γεραίρειν ΠΑΝΥΜΝΗΤΕ , γλῶσσαι αἱ πολύφθογγοι , ἀμηχανοῦσαι συστέλλονται · φόβῳ δέ τά θαύματα , καί σιωπῇ , εὐφημοῦσαι μεγαλύνουσι .

Καταβασία . Ῥάβδος ἐκ τῆς ῥίζης Ἰεσσαί .

☦

ᾨδή ε΄ ,κανών α΄. Τήν σήν εἰρήνην δός ἡμῖν .

Ἐκ ῥίζης ἡ βλαστήσασα Δαυίδ καί Ἰεσσαί , Ἄννα νῦν βλαστάνειν ἀπάρχεται , τήν θείαν ῥάβδον τήν βλαστήσασαν , τό μυστικό ἄνθος , Χριστόν τόν πάντων Κτίστην .

Μητέρα γενομένην με , Ἄννα ἐκβοᾷ , ὄψονται λαοί καί θαυμάσουσιν · ἰδού γάρ κύω ὡς ηὐδόκησεν , ὁ τά δεσμά λύσας , τά τῆς στειρώσεώς μου .

Νεᾶνιν ἥν συνέλαβον , ἐγώ προφητικαί , πόῤῥωθεν φωναί προκατήγγειλαν , Ὄρος καί Πύλην ἀδιόδευτον , περιχαρῶς Ἄννα ἐβόα ,τοῖς παροῦσιν .

β΄κανών . Μεσίτης Θεοῦ .

Ὁ τόμος Θεοῦ , δι ᾿ Ἀγγέλου σήμερον κηρύττεται, ἐν ᾧ περ ὁ σύνθρονος Λόγος τοῦ Πατρός , νῦν ἐγγραφήσεται , καί πιστούς ἐν τῇ βίβλῳ , ἐγγράψει τῆς χρηστότητος .

Ὑμνοῦσι νυνί , τοῦ ξένου μηνύματος , τήν δόξαν τρανῶς , οἱ Δίκαιοι πλέκοντες , τήν εὐχαριστήριον Σοι αἴνεσιν, τῷ τήν χάριν , τοῦ τόκου , δι ᾿ εὐχῆς ἐκπληρώσαντι .

Σοφίας Θεοῦ , κεκρυμμένης σήμερον δηλοῦνται ἡμὶν , ἀληθῶς μυστήρια , καταγγελλομένης τῆς συλλήψεως , τῆς ΑΧΡΑΝΤΟΥ ΠΑΡΘΕΝΟΥ , καί Μόνης ΘΕΟΜΗΤΟΡΟΣ .

ΘΕΟΤΟΚίΟΝ

Γαλήνην πιστοί , καί λιμένα ἔχοντες ΠΑΡΘΕΝΕ , ΑΓΝΗ , τήν Σκέπην Σου πάντοτε , τάς ἐπαναστάσεις τάς τῶν θλίψεων , ἀποφεύγομεν πάσας , ἐπί Σοί ὁρμιζόμενοι .

Καταβασία . Θεός ὤν εἰρήνης

☦

ᾨδή στ ΄. κανών α΄. Τόν Προφήτην Ἰωνᾶν .

Πῶς χωρεῖται ἐν γαστρί , ἡ χωρήσασα Θεόν ; πῶς γεννᾶται τόν Χριστόν , ἡ γεννήσασα σαρκί ; θηλάζει δέ , πῶς ἡ τόν Κτίστην , γάλα θηλάσασα ;

Τῆς δεήσεως ὑμῶν , ἐπακούσας ὁ Θεός , γονιμώτατον καρπόν , νῦν δεδώρηται ἡμῖν , πανεύφημοι , Ἰωακείμ τε καί Ἄννα σήμερον .

Τήν ΑΓΝΗΝ Περιστεράν , συλλαβοῦσα ἐν γαστρί , χαρμονῆς πνευματικῆς , ἐπληρώθη ἀληθῶς , προσάγουσα , χαριστηρίους , ὠδάς ἡ Ἄννα Θεῷ .

ΘΕΟΤΟΚίΟΝ

Τρικυμίαι λογισμῶν καί παθῶν ἐπαγωγαί , καί βυθός ἁμαρτιῶν , τήν ἀθλίαν μου ψυχήν , χειμάζουσιν · βοήθησόν μοι Ἁγία ΔΕΣΠΟΙΝΑ .

β΄κανών . Ἐν ἀβύσσῳ πταισμάτων .

Ἀγαλλέσθῳ φαιδρῶς , ἡ Προμήτωρ ἡμῶν ` σήμερον γάρ δέχεται χαρᾶς μηνύματα , τήν λύπην ἀποθούμενα , τῇ συλλήψει τῆς Μόνης ΘΕΟΜΗΤΟΡΟΣ .

Τό τῆς δόξης διάδημα πλέκεται , καί ἡ ἁλουργίς ἡ βασίλειος σήμερον , παρ ᾿ ἐλπίδα ἅπασαν , ἐν νηδύϊ ἀκάρπῳ ὑφαίνεται .

Ἰδού πᾶσα ἡ κτίσις γεραίρει Σου , τά ὑπερφυῆ καί μεγάλα μυστήρια , Σύ γάρ ὑπάρχεις ΔΕΣΠΟΙΝΑ , καί βροτῶν καί Ἀγγέλων τεράστιον .

Ἰδού θείων χαρίτων Πηγή νοητή , δι ᾿ ἐπαγγελίας τοῦ Κτίστου καί χάριτος , ἀναστομοῦσθαι ἄρχεται ,ἐν ἀνίκμῳ νηδύι ἐκβλύζουσα.

Καταβασία . Σπλάγχνων Ἰωνᾶν .

Συναπτή μικρά , καί τό

Κοντάκιον

ἦχος δ ΄. Ἐπεφάνης σήμερον .

Ἑορτάζει σήμερον ἡ οἰκουένη , τήν τῆ;ς Ἄνης σύλληψιν , γεγενημένην ἐν Θεῷ · καί γάρ Αὐτή ἀπεκύησε , τήν ὑπέρ λόγον τόν Λόγον κυήσασαν .

Ὁ Οἶκος

Σύ ὁ τῆ Σάρρᾳ δούς ποτέ , ἐν γήρᾳ βαθυτάτῳ , τῇ σῇ ἐπιστασίᾳ , καί ἐν ἐπαγγελίᾳ , υἱόν τόν μέγαν Ἰσαάκ · σύ ὁ διανοίξας τήν στειρεύουσαν νηδύν τῆς Ἄννης , Παντοδύναμε , μητρός Σαμουήλ τοῦ Προφήτου σου · καί νῦν ἐπιδών ἐπ ᾿ ἐμέ , δέξαι μου τάς δεήσεις , καί πλήρωσόν μου τάς αἰτήσεις , ἐβόα ἐν κλαυθμῷ , ἡ σώφρων Ἄννα καί στεῖρα , καί ἐπήκουσεν αὐτῆς ὁ Εὐεργέτης · ὅθεν ἐν χαρᾷ συνέλαβεν , τήν ΠΑΡΘΕΝΟΝ , τήν ὑπέρ λόγον τόν Λόγον κυήσασαν .

Συναξάριον

Τῇ Θ΄τοῦ αὐτοῦ μηνός Δεκεμβρίου , ἡ Σύλληψις τῆς Ἁγίας Ἄννης , Μητρός τῆς ὙΠΕΡΑΓΙΑΣ ΘΕΟΤΟΚΟΥ καί ΑΕΙΠΑΡΘΕΝΟΥ ΜΑΡΙΑΣ .

Στίχοι : Οὐχ ὥσπερ Εὔα , καί σύ τίκτεις ἐν λύπαις ,

χαράν γάρ Ἄνναἔνδον κοιλίας φέρεις .

Τῇ δ ᾿ἐνάτῃ , ΜΑΡΙΗΝ ΘΕΟΜΗΤΟΡΑ , σύλλαβεν Ἄννα .

Ὁ Κύριος ἡμῶν καί Θεός θέλων νά ἑτοιμάσῃ δι᾽ ἑαυτόν ναόν ζωντανόν καί οἶκον ἅγιον διά νά κατοικήσῃ ἀπέστειλε τόν Ἄγγελον αὐτοῦ Γαβριήλ , πρός τούς δικαίους Ἰωακείμ καί Ἄνναν , ἀπό τούς ὁποίους ηὐδόκησε νά γεννηθῇ ἡ κατά σάρκα Μήτηρ αὐτοῦ.

Καί τοῦτον ἀποστείλας προεμήνυσεν ὅτι θέλει συλλάβει ἡ στεῖρα καί γηραλαία Ἄννα, ἵνα μέ τήν σύλληψιν τῆς στείρας βεβαιώσῃ τήν ἐκ τῆς ΠΑΡΘΕΝΟΥ ἄσπορον αὐτοῦ σύλληψιν καί ἄφθορον γέννησιν.

Καί συνελήφθη ἡ ΥΠΕΡΑΓΙΑ ΘΕΟΤΟΚΟΣ ΜΑΡΙΑ ἐν τῇ κοιλίᾳ τῆς Ἄννης ἐξ σπέρματος τοῦ Ἰωακείμ καί ἐγεννήθη ὄχι καθώς λέγουσί τινες ἑπτά μηνῶν ἤ χωρίς ἀνδρός , ἀλλ᾽ ἐννέα τελείων μηνῶν καί ἐκ συναφείας ἀνδρός, πλήν ἐξ ἐπαγγελίας καί Ἀγγέλου προρρήσεως καί ὑπέρ τούς νόμους τῆς φύσεως, διά τό ἄγονον τῆς Ἄννης καί διά τό γηραλέον αὐτῆς.

Μόνος ὁ Κύριος ἡμῶν Ἰησοῦς Χριστός συνελήφθη καί ἐγεννήθη χωρίς συνάφειαν ἀνδρός καί χωρίς σποράν ἐκ τῆς ΑΓΝΗΣ ΘΕΟΠΑΙΔΟΣ ΚΑΙ ΠΑΡΘΕΝΟΥ ΜΑΡΙΑΣ , ἀπορρήτως καί ἀνερμηνεύτως, καθώς ἠξεύρει μόνος αὐτός. Καί ἐπειδή ἦτο τέλειος Θεός, διά τοῦτο καί ὅλα τά τῆς κατά σάρκα αὐτοῦ οἰκονομίας προσέλαβε τέλεια, καθώς καί τήν τῶν ἀνθρώπων φύσιν τελείαν αὐτός ἐδημιούργησε καί ἔπλασε κατ᾽ ἀρχάς.

Ταύτην λοιπόν τήν ἡμέραν πανηγυρίζομεν σήμερον, εἰς ἐνθύμησιν τῶν θείων χρησμῶν καί χαροποιῶν μηνυμάτων τῶν δοθέντων ὑπό Ἀγγέλου εἰς τούς δικαίους Θεοπροπάτορας, περί τῆς συλλήψεως τῆς ΑΓΝΗΣ ΘΕΟΜΗΤΟΡΟΣ . Διότι τούτους τούς διά λόγου χρησμούς τοῦ Ἀγγέλου ἔργα καί πράγματα ποιῶν ὁ ἐκ τοῦ μηδενός ὑποστήσας τά πάντα Θεός ἐκίνησε τήν στειρεύουσαν καί γηραλέαν μήτραν τῆς Ἄννης εἰς καρποφορίαν. Καί τήν διανύσασαν τήν ζωήν της μέ ἀπαιδίαν παραδόξως παιδοτόκον μητέρα ἐργάζεται σήμερον καί χαρίζει εἰς τούς δικαίους ἄξιον καρπόν τῆς αὐτῶν αἰτήσεως. Διότι ηὐδόκησεν, ὥστε οἱ σώφρονες γονεῖς νά γεννήσωσι θυγατέρα τήν πρό τῶν αἰώνων προορισθεῖσαν καί ἐκλεχθεῖσαν ἐκ πασῶν τῶν γενεῶν, ἀπό τήν ὁποίαν αὐτός ἔμελλε νά γεννηθῇ .

Προσευχόμενος ὁ μέν Ἅγιος 'Ιωακείμ εἰς τό ὄρος , ἡ δέ σώφρων Ἄννα εἰς τόν κῆπον , ἔλαβον τήν πληροφορήσαν τῆς συλλήψεως καί γεννήσεως τῆς ΚΥΡΙΑΣ τῶν Ἀγγέλων , καί οὕτως ὁ τάς αἰτήσεις πάντων πληρῶν , δέχεται τάς αἰτήσεις , καί πληρεῖτάς δεήσεις τῶν αἰτούντων , καί παράσχη καρπόν κοιλίας , τήν μόνην ΑΓΝΗΝ ΑΕΙΠΑΡΘΕΝΟΝ .

Ταῖς τῶν Δικαίων σου προπατόρων πρεσβείαις Χριστέ ὁ Θεός ἡμῶν , ἐλέησον καί σῶσον ἡμᾶς .

☦

ᾠδή ζ΄ , α΄κανών . Τούς ἐν καμίνῳ Παῖδας σου Σωτήρ .

Τῆς ἀπαιδίας ὄνειδος φυγεῖν , ἱκέτευε Ἄννα τόν Δεσπότην τοῦ παντός · καί τῆς αὐτοῦ ὁ συμπαθής φωνῆς ἀκούσας , τήν αὐτόν κυήσασαν , καρπόν παρέσχε αὐτῇ , καθώς ηὐδόκησεν .

Βασιλική πορφύρα ἐν τῇ σῆ , ἀπάρχεται Ἄννα ἐξυφαίνησθαι γαστρί · ἥν ὁ Θεός καί Βασιλεύς πάντων φορέσας , τοῖς βροτοῖς ὀφθήσεται , καί ταπεινώσει ἐχθρούς , τούς πολεμοῦντας ἡμᾶς .

Τό μῦρον τό εὐῶδες ἐν γαστρί , συνέλαβες Ἄννα τήν τό μῦρον τῆς ζωῆς , ὑπερφυῶς εἰσδεξαμένην τόν Δεσπότην , ταὶς πνοαῖς τῆς χάριτος , τάς διανοίας ἡμῶν εὐωδιάσαντα .

ΘΕΟΤΟΚίΟΝ

Ὡς τῆς Τριάδος ἕνα σε Χριστέ , δοξάζομεν ὄτι ἐκ ΠΑΡΘΕΝΟΥ σαρκωθείς , δίχα τροπῆς , ἀνθρωπικῶς πάντα ἠνέσχου , μή ἐκστάς τῆς φύσεως , τῆς πατρικῆς Ἰησοῦ , εἰ καί ἠνώθης ἡμῖν .

β΄κανών .Ἀντίθεον πρόσταγμα .

Κρηπίς ὑποστήρικται τῆς σωτηρίας , καί βάσις τῆς χάριτος , ἡ τῆς ΠΑΡΘΕΝΟΥ σύλληψις · ἐν ᾗ ὑπέρ ἔννοιαν γεννήσεται , τῶν γηγενῶν ἡ ἐλπίς , μελπόντων Χριστῷ διηνεκῶς · εὐλογητός εἶ καί ὑπερένδοξος .

Τό Ὄρος τό ἅγιον ἐπαγελίᾳ , τοῦ Κτίστου τήν ὕπαρξιν , σήμερον προμηνύεται , λαμβάνον καί ἅπασαν , κατακαλύπτον τήν γῆν , τρόπῳ τῆς γεννήσεως · διό τόν εὐεργέτην Χριστόν δοξάζομεν .

Ἐλύθησαν χάριτι τῆς ἀτεκνίας , οἱ δίκαιοι σήμερον , καί Εὔας τῶν τῆς λύπης δεσμῶν , μηνύματα ἔλαβον , ἀπολυτρώσεως , ὅθεν καί τήν ἔκβασιν Χριστόν ἐπεκαλοῦντο τόν τῆς ζωῆς χορηγόν .

ΘΕΟΤΟΚίΟΝ

Ὁ ὤν ἀπερίγραπτος ἐν ταῖς ἀχράντοις, κόλποις τοῦ Γεννήτορος , ἐν Σοί ΠΑΡΘΕΝΕ ΑΧΡΑΝΤΕ , σαρκί περιφέρεται , δι ᾿ οἶκτον ἄφατον · ὅθεν καί προσίεται γραφήν , ἐν τῇ εἰκόνι ὁ Ὑπεράγαθος .

Καταβασία : Οἱ Παῖδες εὐσεβείᾳ .

☦

ᾨδή η΄ . κανών α΄. Ὅν φρίττουσιν Ἄγγελοι .

Δαυίδ ἥν προέφησεν Βασίλισσαν ἰδού , γαστρί ὑποδέχομαι , ἡ Ἄννα ἐκβοᾷ , καί τέξω τήν πάντων προστασίαν πιστῶν , τήν τόν Βασιλέα Χριστόν μέλλουσαν τίκτειν .

Ἡ γῆ ἥν κατῴκησεν ἡ γῆς Δημιουργός , τό σκῆπτρον τό ἅγιον , ἡ νέα Κιβωτός , ἡ Στάμνα τοῦ μάννα , ἐν νηδύι μητρός , τῆς αὐτόν τεκούσης , ἀπάρχεται βλαστάνειν .

Ἡ Βάτος ἡ ἄφλεκτος , Λυχνία ἡ χρυσῆ , ὁ ἔμψυχος θάλαμος , Κυρίου τοῦ Θεοῦ ἡμῶν , ἡ ἔντιμος Ῥάδος , ἐν γαστρί τῆς μητρός , τῆς αὐτόν τεκούσης , ἀπάρχεται βλαστάνειν .

ΘΕΟΤΟΚίΟΝ

Ἀνάστησον κείμενον , εἰς βάθη με κακῶν · τούς νῦν πολεμοῦντας με , πολέμησον ἐχθρούς , τρωθέντα ἀτόποις , ἡδοναῖς τήν ψυχήν , ΑΓΝΗ μή παρίδης , ἀλλ ᾿ οἴκτειρον καί σῶσον .

β΄κανών .Κάμινος ποτέ .

Τύπον τηλαυγῆ , τῆς φύσεως τοῦ γένους , ἡ τῆς στειρώσεως ὑπέφηνεν , Ἄννης ἀπολύτρωσις · Θεοῦ γνῶσιν γάρ στειρεύουσαν , ὑπέρ ἐλπίδα λέλυται , ἔγνω γάρ τόν Δεσπότην , καί εὐσεβείας πληθύνει καρπούς .

Ἅρμα τό φρικτόν τοῦ μόνου Βασιλέως , ἐπί τῆς γῆς κατασκευάζεται , ἐξ ᾿ Ἄννης λαμβάνον τήν ἀρχήν · ἐν ᾧ μέλλει ἐποχούμενος , ὁ Κτίσης παραγίνεσθαι , ὅπως με πρός ὔψος , ἀναβιβάση τῆς χάριτος .

Ἴδεν ἐπί Σοί παράδοξα ἡ κτίσις , ΘΕΟΓΕΝΝΗΤΟΡ ΥΠΕΡΕΝΔΟΞΕ · ξένη Σου ἡ σύλληψις , καί ἡ πρόοδος ἐξαίρετος , τοῦ Σώματός τε ἅπασα , αὔξησιν γνωρισμάτων , τῆς ἀφθαρσίας ἐμφαίνουσα .

Ὕδωρ τό τῆς ζωῆς , ἐκ Σοῦ ΠΑΡΘΕΝΕ βλύσαν , ὁ Ποιητής καί συνοχεύς τοῦ παντός , τῆς πλάνης τῷ καύσωνι , τό ἀνθρώπινον φλεγόμενον , ἐδρόσισεν ἡγίασεν , ἔδειξεν καρποφόρον , υἱοθετήσας χάριτι .

Καταβασία :Αἰνοῦμεν εὐλογοῦμεν ...Θαύματος ὑπερφοῦς .

☦

Ἡ τάξις τῆς :...Τήν Τιμιωτέραν τῶν Χερουβίμ .

καί αὖθις :

ᾨδή θ΄. α΄κανών . Τήν Ζωοδόχον Πηγήν .

Τήν Ζωοδόχον πηγήν συλλαμβάνουσα , Ἄννα θεόφρον χαράν νῦν ἀνάλαβε , τόν Ναόν τόν Ἅγιον ἔνδον ἐν κοιλίᾳ Σου είσδεχομένη φωτί δικαιοσύνης , ἀστραπτομένη , τόν Κτίστην μεγάλυνον .

Ἡ ξυνωρίς ἡ σεπτή καί ἀοίδιμος τοῦ πρό αἰῶνος Υἱοῦ οἱ προπάτορες , οἱτοῦ Νόμου φύλακες , ἀκριβεῖς γενόμενοι , οἱ ἁπαρχήν τῆς χαρᾶς γεγεννηκότες , Ἰωακείμ τε καί Ἄννα τιμάσθωσαν .

Ἥν Δανιήλ Ὄρος μέγα τεθέαται , καί Ἰωήλ Γῆν ἁγίαν ἑώρακε , Πύλην ἀδιόδευτον ἄλλος ἥν προέφησεν , ἐσφραγισμένην Πηγήν καί θεῖον Πόκον , τήν ΘΕΟΤΟΚΟΝ ΠΑΡΘΕΝΟΝ ὑμνήσωμεν .

Ἡ Πορφυρίς ἡ τό ἔριον βάψασα , τῆς ἀποῤῥήτου τοῦ Λόγου σαρκώσεως , το Θυμιατήριον τό χρυσοῦν , ἡ Τράπεζα , ἐν ᾗ ὁ Ἄρτος , Χριστός ἐναπετέθη , ἡ ΘΕΟΤΟΚΟΣ ΠΑΡΘΕΝΟΣ δοξάζεται .

β΄κανών . Ἀνάρχου Γεννήτορος .

Κροτείτωσαν σήμερον , τῶν Προφητῶν οἱ πρόκριτοι , ἰδού γάρ αἱ προῤῥήσεις αὐτῶν τῆς χάριτος , ἄρχονται πληροῦσθαι ἀξίως , ἐν τῇ σεπτῇ συλλήψει τῆς Μόνης ΑΓΝΗΣ ΘΕΟΜΗΤΟΡΟΣ , ἐν ᾗ πάντες ἀγαλλόμεθα .

Ὁ Θρόνος ὁ ἔνδοξος , προτίθεται τοῦ Κτίσαντος · ἡ σωτήριος Πύλη νῦν εὐτρεπίζεται , μόνῳ τῷ Δεσπότῃ καί κτίστῃ , διαβατή μόνῳ τηρουμένη , δι ᾿ ἧς εἰσαγόμεθα , εἰς ζωήν τήν ἀτελεύτητον .

Ῥημάτων δεήσεως , Ἰωακείμ σύν Ἄννῃ βοᾶ , σύ ἐπήκουσας μόνος ὁ Ποιητής καί Θεός · καί τῆς ἀτεκνίας τήν λύσιν , σύ παρασχών ῥίζαν ἀφθαρσίας , ἐδωρήσω Κύριε , καί ἡμῖν τοῖς σέ δοξαζουσιν .

Ἡ Κλῖμαξ στηρίζεται , δι ᾿ ἧς ὁ Κτίστης Κύριος , καταβάς ἀνελκύσει ἄνω τήν φύσιν ἡμῶν , χαίροις οὐρανέ σύν τοῖς Ἀγγέλοις , χαῖρε Θεοῦ ἡ σύμπασα Κτίσις · χαίροις τό ἀνθρώπινον γένος , χάριτι θεούμενον .

ΘΕΟΤΟΚίΟΝ

Ὑμνῶ Σου τήν ἄφατον , φιλανθρωπίαν ΔΕΣΠΟΙΝΑ · Σύ γάρ εἶ φωτισμός μου , Σύ μου τό καύχημα , Σύ μου χορηγός τῆς σοφίας , Σύ μου χαρά , Σύ μου προσδοκία , Σύ μου τό ὀχύρωμα , τό κραταίωμα καί στήριγμα .

Καταβασία : Μεγαλυνον ψυχή μου ...Μυστήριον ξένον .

☦

Μικρά συναπτή . Ἐξαποστειλάριον . Ἐν Πνεύματι τ«»ω ἱερῷ

Εἰσήκουσε τοῦ στεναγμοῦ , τοῦ τῆς σώφρονος Ἄννης , ὁ Κύριος ὡς εὐσπλαγχνος , καί παρέσχετο ταύτῃ , ἈΠΕΙΡΟΓΑΜΟΝ τήν Μόνην , τήν τό φῶς ἐκλάμψασαν , τοῖς πέρασιν ἀποῤῥήτως , ἥν ὁ θεῖος καί κλεινός , καθορῶν Ἰωακείμ , ἠγάσθη και ἐγεγήθει .

ἔτερον . Ὁ οὐρανόν τοῖς ἄστροις

Ἡ τοῦ Θεοῦ σοφία , οἰκοδομεῖ τόν ἑαυτῆς , οἶκον ἐκ στείρας νηδύος , τήν ΘΕΟΤΟΚΟΝ ΜΑΡΙΑΜ · ἥν μακαρίσωμεν πᾶσαι , αἱ γενεαί κατά χρέος .

☦

Εἰς τούς αἴνους , ἱστῶμεν εἰς στίχους στ ΄.καί ψάλλομεν στιχηρά προσόμοια .

ἦχος β΄Οἶκος τοῦ Ἐφραθᾶ .

Ἀπόθεσθε Ἀδάμ καί Εὔα πᾶσαν λύπην , ἡ Μήτηρ τῆς χαρᾶς γάρ , ἐν στείρᾳ παραδόξως , καρπογονεῖται σήμερον .

Προπάτωρ Ἀβραάμ καί πάντες Πατριάρχαι , εὐφραίνεσθε ὁρῶντες , τοῦ Θεοῦ τήν Μητέρα , ἐκ ῥίζης ὑμῶν φύουσαν .

Χαῖρε Ἰωακείμ καί Ἄννα χαῖρε · ὅτι , χαρᾶς καί σωτηρίας , τήν πρόξενον τῶ κόσμῳ , καρπογονεῖτε σήμερον .

Χορός τῶν Προφηττῶν , ἀγάλλεσθε · ἰδού γάρ , Ἄννα καρπόν ἐκφύει , δι ᾿ οὗ αἱ προφητεῖαι , ὑμῶν περαιωθήσονται .

Συγχάρηται φυλαί , πᾶσαι τῇ στείρᾳ Ἄννῃ · ὅτι καρπόν κοιλίας , ἐκφύει παρ ᾿ ἐλπίδα , ζωῆς ἡμῖν τήν πρόξενον .

Τά πέρατα τῆς γῆς , εὐφραίνεσθε · ἰδού γάρ , τοῦ Κτίστου τῶν ἁπάντων , ἡ Μήτηρ ἐξ ἀάρπου , γαστρός φύεται σήμερον .

Δόξα ...Καί νῦν ... ἦχος β΄

Σήμεον ἐκ ῥίζης τοῦ Δαυίδ , βασιλική Πορφυρίς ἐκβλαστήσασα , τοῦ Ἰωακείμ βλαστάνεις ἁπάρχεται , τό ἄνθος τό μυστικόν , ἐν ᾧ Χριστός ὁ Θεός ἡμῶν ἐξήνθησεν , ὁ σώζων τά;ψυχάς ἡμῶν .

☦

Δοξολογία μεγάλη καί ἀπολυτίκιον .

ἦχος δ΄

Ἐκτενής ...Πληρωτικά..Ὥραι..Ἀπόλυσις .

☦

ΕΝ ΤΗ ΘΕΙᾼ ΛΕΙΤΟΥΡΓΙᾼ.

Τυπικά.Μακαρισμοί , καί δ΄τροπάρια ἐν τῆς γ ΄ᾠδῆς τοῦ πρώτου κανόνος , καί δ ΄τροπάρια ἐκ τῆς Ϛ ΄ᾠδῆς τοῦ β΄κανόνος τῆς ἀκολουθίας ...

Εἴσοδος , ἀπολυτίκιον , καί κοντάκιον : Δόξα ...τῆς Ἁγίας ..Καί νῦν..τό προεόρτιον : Ἡ ΠΑΡΘΕΝΟΣ σήμερον .

☦

Ἀποστολικόν ἀνάγνωσμα

Προκείμενον ἦχος δ ΄ ψαλμός ξζ ΄ 36 ΄

Θαυμαστός ὁ Θεός ἐν τοῖς Ἁγίοις αὐτοῦ .

Στιχος : Ἐν Ἐκκλησίαις εὐλογεῖτε τόν Θεόν .

Πρός Γαλάτας ἐπιστολῆς Παύλου τό Ἀνάγνωσμα (κεφ.δ΄22-27)

Ἀδελφοί , ὁ Ἀβραάμ δύο υἱούς ἔσχεν , ἕνα ἐκ τῆς παιδίσκης , καί ἕνα ἐκ τῆς ἐλευθέρας · ἀλλ ᾿ ὁ μέν ἐκ τῆς παιδίσκης κατά σάρκα γενέννηται , ὁ δέ ἐκ τῆς ἐλευθέρας , ἐξ ᾿ ἐπαγγελίας · ἅτινα ἐστίν ἀλληγορούμενα · αὗται γάρ εἰσίν αἱ δύο διαθῆκαι · μία μέν ἀπό ὄρους Σινᾷ εἰς δουλείαν γεννῶσα, ἥτις ἔστίν Ἄγαρ · τό γάρ Ἄγαρ Σινᾷ ὄρος ἐστίν , ἐν τῇ Ἀραβίᾳ , συστοιεῖ δέ τῇ νῦν Ἰερουσαλήμ , δουλεύει δέ μετά τῶν τέκνων αὐτῆς · ἡ δέ ἄνω Ἰερουσαλήμ ἐλευθέρα εστίν , μήτηρ πάντων ἡμῶν · γέγραπται γάρ , · εὐφράνθητι στεῖρα ἡ οὐ τίκτουσα , ῥῆξον καί βόησον ἡ οὐκ ὠδίνουσα · ὅτι πολλά τά τ[εκνα τῆς ερήμου μᾶλλον , ἤ τῆς ἐχούσης τόν ἄνδρα .

Ἀλληλοίϊα , Ἀλληλοὐϊα , ἀλληλούϊα .

☦

Εὐαγγελικόν Ἀνάγνωσμα ἐκ τοῦ κατά Λουκᾶν Εὐαγγελίου

Κεφ η ΄ 16-21

Εἶπεν ὁ Κύριος · οὐδείς λύχνον ἅψας καλύπτει αὐτόν σκεύει , ἤ ὑποκάτω κλίνης τίθησιν , ἀλλ ᾿ ἐπί τῆς λυχνίας , ἵνα οἱ εἰσπορευόμενοι βλέπωσιν τό φῶς · οὐ γάρ ἔστιν κρυφόν ὅ οὐ φανερόν γένησεται , οὐδέ ἀπόκρυφον ὅ οὐ γνωσθήσεται καί εἰς φανερόν ἔλθῃ · βλέπετε οὖν πῶς ἀκούετε · ὅς γάρ ἄν ἔχῃ , δοθήσεται αὐτῷ , καί ὅς ἐάν μή ἔχῃ , καί ὅ δοκεῖ ἔχειν ἀρθήσεται ἀπ ᾿ αὐτοῦ · παρεγένοντο δέ πρός αὐτόν ἡ Μήτηρ αὐτοῦ , καί οἱ ἀδελφοί αὐτοῦ , καί οὐκ ἠδύναντο συντυχεῖν αὐτῷ διά τόν ὄχλον · καί ἀπηγγέλῃ αὐτῷ λεγόντων · ἡ Μήτηρ σου καί οἱ ἀδελφοί σου , ἑστήκασιν ἔξω ἰδεῖν σε θέλοντες · ὁ δέ ἀποκριθείς εἶπεν πρός αὐτούς · Μήτηρ μου κα΄ἀδελφοί μου , οὗτοι εἰσίν , οἱ ἀκούοντες τόν λόγον τοῦ Θεοῦ καί φυλάσσοντες αὐτόν .

☦

Ἡ καθ ᾿ ἑξῆς λειτουργία τοῦ Ἁγίου Χρυσοστόμου .

Κοινωνικόν .

Ψαλμός λβ . 1

Ἀγαλλιᾶσθε δίκαιοι ἐν Κυρίῳ , τοῖς εὐθέσι πρέπει αἴνεσις .

☦☦☦

Β. ΚΟΙΜΗΣΙς ΤΗΣ ΑΓΓΙΑΣ ΑΝΗΣ.

Τῌ ΚΕ ΄ΤΟΥ ΑΥΤΟΥ ΜΗΝΟΣ ΙΟΥΛΙΟΥ . Η ΚΟΙΜΗΣΙΣ ΤΗΣ ΑΓΙΑΣ ΑΝΝΗΣ , ΜΗΤΡΟΣ ΤΗΣ ΥΠΕΡΑΓΙΣ ΘΕΟΤΟΚΟΥ .

Εἰς τήν προῦσαν ἐργασίαν , ἀναφέρεται , καταγραφεται , καί ἀπολαμβάνομεν πνευματικῶς τήν ακολουθίαν τῆα Κοιμήσεως τῆς Ἁγίας ἌΝΝΗΣ , Μητρός τῆς ΘΕΟΤΟΚΟΥ .

Τίθεται εἰς μίαν ἑνότητα , μέ την ἑορτήν τῆς Συλλήψεως τῆς Ἁγίας Ἄννης .

Ἄς ἀδολεσχήσωμεν εἰς τά ἱεράς ακολουθίας ,δοξαζοντες τόν Θεόν , καί Εξαίροντες τούς Θεοπάτορας, καί τόν καρπόν αὐτῶν , τήν ΠΑΝΑΓΙΑΝ ΑΓΝΗΝ ΠΑΡΘΕΝΟΝ .

Εὐλόγησον ΔΕΣΠΟΙΝΑ .

☦

ΕΝ Τῼ ΕΣΠΕΡΙΝῼ.

Εἰς τό : Κύριε ἐκέκραξα ...ἱστῶμεν εἰς στίχου;ς στ ΄, καί ψάλλομεν στιχηρά προσόμοια :

ἦχος α΄. Τῶν οὐρανίων ταγμάτων .

Μνήμην τελοῦντες δικαίων τῶν Προπατόρων Χριστοῦ , Ἰωακείμ καί Ἄννης , τῶν φαιδρῶν καί Ἁγίων , δοξάζομεν ἀπαύστως ᾠδαῖς μυστικαῖς , τόν οἰκτίρμονα Κύριον , τόν ἀναδείξαντα τούτους εἰς τήν ἡμῶν , σωτηρίαν , ἀκλινεῖς πρεσβευτάς .

Ἡ πρῴην ἄγονος στεῖρα , ἡ ἐκβλαστήσασα , τήν ἁπαρχήν τοῦ γένους , τῆς ἡμῶν σωτηρίας , σήμερον μετέστη πρός τήν ζωήν , τήν ἐκεῖθεν αἰτοῦσα Χριστόν , τοῦ δωρηθῆναι πταισμάτων τόν ἱλασμόν , τοῖς ἐν πίστει ἀνυμνοῦσιν αὐτόν .

Μνήμην Δικαίων τελοῦντες , σέ ἀνυμνοῦμεν Χριστέ , τόν παραδόξως Ἄνναν , ἐκ ζωῆς τῆς προσκαίρου , πρός ἄληκτον καί θείαν μεταστήσαντα νῦν , ὡς Μητέραν ὑπάρχουσαν τῆς σέ τεκούσης ἀσπόρως ὑπερφυῶς , ΘΕΟΤΟΚΟΥ καί ΠΑΡΘΕΝΟΥ Μητρός .

Ἕτερα προσόμοια ,ἦχος ὁ αὐτός .Ὤ τοῦ παραδόξου θαύματος

Ἴδε φωταυγής πανήγυρις , καί φαιδρά ἡμέρα καί κοσμο χαρμόσυνος , ἡ κοίμησις ἡ σεπτή , καί ἀξιέπαινος , τῆς Ἄννης τῆς εὐκλεοῦς , ἐξ ᾿ ἧς ἐτέχθη ζωήν ἡ κυήσασα , ἡ ἔμψυχος κιβωτός , ἡ τόν ἀχώρητον Λόγον χωρήσασα , ἡ τῆς ἀθυμίας λύσις , καί χαρᾶς ἡ πρόξενος , ἡ παρέχουσα πᾶσι , τοῖς πιστοῖς τό μέγα ἔλεος .

Ὤ τοῦ παραδόξου θαύματος !!! ἡ ζωῆς τήν πηγήν , θαυμαστῶς κυήσασα , τήν μόνην ἐν γυναιξίν Εὐλογημένην ΑΓΝΗΝ , μεθίσταται ἐκ ζωῆς , τῆς ἐπικήρου πρός τήν ἀτελεύτητον , ἡ Ἄννα ἡ εὐκλεής , γῆθεν ἀρθεῖσα πρός τά οὐράνια , συνευφραινομένη δήμοις , τῶν Ἀγγέλων σήμερον , ἧς περ νῦν τήν ἁγίαν , ἑορτάζομεν πανήγυριν .

Σήμερον φαιδράν πανήγυριν , τῶν πιστῶν χορεῖαι , τῇ σεπτῇ κοιμήσει σου τελοῦμεν πανευλαβῶς , ἐν θείῳ Πνεύματι · ἐφέστηκε γάρ ἡμῖν , τῶν ἰαμάτων ἀστράπτουσα χάριτας , καί φλέγουσα πονηρά , ἐναερίων πνευμάτων συστήματα , καί φωταγωγοῦσα φρένας , τῶν πιστῶν ὑμνούντων σου , ἀξιάγαστε Ἄννα , τήν σεβάσμιον μετάστασιν .

Δόξα ...Καί νῦν .... ἦχος πλ. δ ΄. Ἀνατολίου

Οἱ ἐξ ᾿ ἀκάρπων λαγόνων , ῥάβδον Ἁγίαν τήν ΘΕΟΤΟΚΟΝ βλαστήσαντες , ἐξ ᾿ ἧς ἡ σωτηρία τῷ κόσμῳ ἀνέτειλε Χριστός ὁ Θεός · τό ζεῦγος τό ἄμωμον , ἡ ξυνωρίς ἡ ἁγία , Ἰωακείμ καί Ἄννα · οὗτοι μεταστάντες πρός αἰωνίους σκηνάς , σύν τῇ αὐτῶν Θυγατρί , ΥΠΕΡΑΧΡΑΝΤῼ ΠΑΡΘΕΝῼ , μετ ᾿ Ἀγγέλων χορεύουσιν , ὑπέρ τοῦ κόσμου , πρεσβείαν ποιούμενοι · οὕς καί ἡμεῖς συνελθόντες, εὐσεβῶς ὑμνοῦντες λέγομεν · οἱ διά τῆς ΘΕΟΠΑΙΔΟΣ , καί ΠΑΝΑΓΝΟΥ ΜΑΡΙΑΣ , Προπάτορες Χριστοῦ χρηματίσαντες , πρεσβεύσατε υπέρ τῶν ψυχῶν ἡμῶν .

☦

Εἴσοδος . Φῶς ἱλαρόν ...τό προκείμενον τῆς ἡμέρας , και τά Ἀναγνώσματα

Α . Σοφίας Σολομῶντος τό Ἀνάγνωσμα .(Κεφ. ε ΄15-

Δίκαιοι εῖς τόν αἰῶνα ζῶσιν , καί ἐν Κυρίῳ ὁ μισθός αὐτῶν , καί ἡ φροντίς αὐτῶν παρά τῷ Ὑψίστῳ · διά τοῦτο λήψονται τό βασἰλειον τῆς εὐπρεπείας , καί τό διάδημα τοῦ κάλλους , ἐκ χειρός Κυρίου · ὅτι τῇ δεξιᾷ σκεπάσει αὐτούς , καί τῷ βραχίονι ὑπερασπιεῖ αὐτῶν · λήψεται πανιπλίαν , τόν ζῆλον αὐτοῦ , καί ὁπλοποιήσει τήν κτίσιν εἰς ἄμυναν ἐχθρῶν . ἐνδύσεται θώρακα δικαιοσύνην · καί περιθήσεται κόρυθα , κρίσιν ἀνυπόκριτον · λήψεται ἀσπίδα ἀκαταμάχητον , ὁσιότητα · ὀξυνεῖ δέ ἀπότομον ὀργήν εἰς ῥομφαίαν · συνεκπολεμήσει δέ αὐτῶ ὁ κόσμος ἐπί τούς παράφρονας · πορεύσονται εὔστοχοι βολίδες ἀπό τόξου , τῶν νεφῶν , ἐπί σκοπόν ἁλοῦνται , καί ἐκ πετροβόλου θυμοῦ πλήρεις ῥιφήσονται χάλαζαι · ἀγανακτήσει κατ ᾿ αὐτῶν ὕδωρ θαλάσσης , ποταμοί δέ συγκλύσουσιν ἀποτόμως · ἀντιστήσεται αὐτοῖς πεῦμα δυνάμεως , καί ὡς λαῖλαψ ἐκλικμήσει αὐτούς καί ἐρημώσει πᾶσαν τήν γῆν ἀνομία , καί ἡ κακοπραγία , περιτρέψει θρόνους δυναστῶν · ἀκούσατε οὖν βασιλεῖς , καί σύνετε · μάθετε δικασταί περάτων γῆς · ἐνωτίσασθαι οἱ κρατοῦντες πλήθους καί γεγαυρωμένοι ἐπί ὄχλοις ἐθνῶν · ὅτι ἐδόθη παρά Κυρίου ἡ κρήτησις ἡμῖν , καί ἡ δυναστεία παρά Ὑψίστου .

Σοφίας Σολομῶντος τό Ἀνάγνωσμα ( κεφ. γ ΄1 ...)

Δικαίων ψυχαί ἐν χειρί Θεοῦ , καί μή ἄψηται αὐτῶν βάσανος · ἔδοξαν ἐν ὀφθαλμοῖς ἀφρόνων τεθνᾶναι , καί ἐλογίσθη κάκωσις ἡ ἔξοδος αὐτῶν , καί ἡ ἀφ ᾿ ἡμῶν πορεία σύντριμμα · οἱ δέ εισίν ἐν εἰρήνη · καί γάρ ἐν ὄψει ἀνθρώπων ἐάν κολασθῶσιν , ἡ ἐλπίς αὐτῶν , ἀθανασίας πλήρης · καί ὁλίγα παιδευθέντες , μεγάλα εὐεργετηθήσονται · ὅτι ὁ Θεός ἐπείρασεν αὐτούς , καί εὗρεν αὐτούς ἀξίους ἑαυτοῦ · ὡς χρυσόν ἐν χωνευτηρίῳ ἐδοκίμασεν αὐτούς , καί ὁλοκάρπωμα θυσίας ποσεδέξατο αὐτούς · καί ἐν καιρῷ ἐπισκοπῆς αὐτῶν ἀναλάμψουσιν , καί ὡς σπινθῆρες ἐν καλάμῃ διαδραμοῦνται · κρινοῦσιν ἔθνη , καί κρατήσουσιν λαῶν , καί βασιλεύσει αὐτῶν Κύριος εἰς τούς αἰῶνας · οἱ πεποιθότες ἐπ ᾿ αὐτόν , συνήσουσιν ἀλήθειαν , καί οἱ πιστοί ἐν ἀγάπῃ προσμενοῦσιν αὐτῷ · ὅτι χάρις καί ἔλεος ἐν τοῖς ὁσίοις αὐτοῦ , καί ἐπισκοπή ἐν τοῖς ἐκλεκτοῖς αὐτοῦ .

Σοφίας Σολομῶντος τό Ἀνάγνωσμα ( κεφ. δ ΄ 7 ..)_

Δίκαιος ἄν φθάσῃ τελευτῆσαι , ἐν ἀναπαύσει ἔσται · γῆρας γάρ τίμιον , οὐ τό πολυχρόνιον , οὐδέ ἀριθμῷ ἐτῶν μεμέτρηται · πολιά δέ ἐστί , φρόνησις ἀνθρώπων · καί ἡλικία γήρως , βίος ἀκηλίδωτος · εὐάρεστος Θεὼ γενόμενος , ἠγαπήθη · καί ζῶν μεταξύ ἁμαρτωλῶν μετετέθη · ἡρπάγη , μή κακίᾳ αλλάξῃ σύνεσιν αὐτοῦ , ἤ δόλος ἀπατήση τήν ψυχήν αὐτοῦ ·βασκανία γάρ φαυλότητος , ἀμαυροῖ τά καλά , καί ῥεμβασμός ἐπιθυμίας , μεταλλεύει νοῦν ἄκακον · τελειωθείς ἐν ὁλίγῳ , ἐπλήρωσε χρόνους μακρούς · ἀρεστή γάρ Κυρίῳ ἡ ψυχή αὐτοῦ · διά τοῦτο ἔσπευσεν ἐκ μέσου πονηρίας · οἱ δέ λαοί ἰδόντες , καί μή νοήσαντες , μηδέ θέντες ἐν διανοίᾳ τό τοιοῦτον , ὅτι χάρις και ἔλεος ἐν τοῖς ὁσίοις αὐτοῦ , καί ἐπισκοπή ἐν τοῖς ἐκλεκτοῖς αὐτοῦ .

☦

Ἐκτενής... Καταξίωσον ..Πληρωτικά... καί διά τήν Λιτήν .

Ἰδιόμελο ἦχος α ΄

Τήν ἁπαρχήν τῆς ἡμῶν σωτηρίας , φαιδρῶς ἡ γεννήσασα , σήμερον ἐκ γῆς μεθίσταται , Ἄννα ἡ πανσεβάσμιος · δεῦτε οὖν φιλέορτοι καί φιλόχριστοι , τά τῶν ἀσμάτων ἄνθη ἀναλαβόντες , πρός αὐτήν ἀνακράξωμεν · Σῶφρον Ἄννα , μακαρία ἡ κοιλία σου , ἡ τήν Μητέρα του Θεοῦ Λόγου βαστάσασα · καί οἱ μαστοί σου ὡραῖοι , οἷς ΕΚΕΙΝΗ ἐθήλασας · καί γάρ ΕΚΕΙΝΗ τεκοῦσα ἀσπόρως τόν ζωοδότην , σύν αὐτῷ ἠξίωται βασιλεύειν · καί σέ νῦν μεταστήσας πρός ἄλληκτον καί θείαν ζωήν , τῇ Μητρί αὐτοῦ οἰκεῖν , καί συναγάλλεσθαι κατηξίωσεν ` ὅθεν δυσωποῦμεν σε , οἱ τελοῦντες τήν μνήμην σου πιστῶς , σύν ΕΚΕΙΝῌ πρεσβεύειν , τοῦ σωθῆναι τάς ψυχάς ἡμῶν .

ἕτερον ἦχος β΄

Δεῦτε φιλοπάρθενοι πάντες , καί τῆς ἁγνείας ἐρασταί · δεῦτε ἑορτάσωμεν Ἄννης τήν σεβάσμιον Κοίμησιν · καί γάρ ἔτεκεν ὑπερφυῶς , τήν πηγήν τῆς ζωῆς · ΜΑΡΙΑΝ τήν ΘΕΟΠΑΙΔΑ , ἐξ ᾿ ἧς ἐτέχθη ὁ Λυτρωτής ὁ φωτίζων καί ἁγιάζων τάς ψυχάς ἡμῶν .

ἕτερον ὅμοιον .

Τίς ὁ δῆμος τῶν συναθροισθέντων παραγίνεται , ἐν τῷ πανσέπτῳ ναῶ τῶν προπατόρων εὐλαβῶς ; συγχάρητε κραυγάζοντες , μερόπων γένος σήμερον · ὅτι ἡ Ἄννα ἀπό γῆς μεθίσταται , πρός Κύριον , αὐτῷ πρεστῶσα , καί ἡμῖν αἰτοῦσα , τοῦ δοθῆναι ἱλασμόν , τοῖς πίστει τελοῦσιν , ταύτης τήν κοίμησιν .

ἦχος δ ΄

Δεῦτε ἅπαντες πιστοί , τήν τῶν δικαίων μνήμην , φαιδρῶς ἑορτάσωμεν , Ἰωακείμ καί Ἄννης τῶν Προπατόρων σήμερον · ὅτι ἔτεκον ἡμῖν , τήν Μητέρα τοῦ Σωτῆρος , ΜΑΡΙΑΝ τήν Ἀμώμητον · ὅθεν πρός αὐτούς ἀνακράξωμεν , ζεῦγος ἁγιόλεκτον , ξυνωρίς ἁγία καιί θεοτίμητε , τόν ἐκ τῆς ὀσφύος ὑμῶν ἀνατείλαντα Χριστόν τόν Θεόν , αὐτόν ἱκετεύσατε , ἐλεηθῆναι τάς ψυχάς ἡμῶν .

Δόξα ...Καί νῦν .... ἦχος πλ. α ΄

Ὦ !!! μακαρία δυάς !!! ὑμεῖς πάντων τῶν γεννητόρων ὑπερήρθητε , ὅτι τήν τῆς κτίσεως πάσης , ὑπερέχουσαν ἐβλαστήσατε · ὄντως μακάριος εἶ Ἰωακείμ , τοιαύτης παιδός χρηματίσας πατήρ · μακαρία ἡ μήτρα σου Ἄννα , ὅτι τήν Μητέρα τῆς ζωῆς ἐβλάστησας · μακάριοι οἱ μαστοί , οἷς ἐθήλασας τήν γαλακτοτροφήσασαν τόν τρέφοντα πᾶσαν πνοήν · ὅν δυσπεῖν ὑμᾶς , παμμακάριστοι αἰτούμεθα , ἐλεηθῆναι τάς ψυχάς ἡμῶν .

☦

Ἀπόστιχα , στιχηρά προσόμοια

ἦχος πλ. α΄. Χαίροις ἀσκητικῶν ἀληθῶς .

Χαίροις ἡ νοητή χελιδών , ἔαρ τῆς χάριτος ἡμῖν ἡ γνωρίσασα , ἀμέμπτως ἐν σωφροσύνῃ βιωσαμένη καλῶς , καί τῆς παρθενίας τό κειμήλιον , σεμνῶς ὠδινίσασα , ΘΕΟΤΟΚΟΝ τήν ἄμωμον · Ἀμνάς τιμία , ἡ κυήσασα Δάμαλιν , τόν ἐξαίροντα , ἀμνόν κόσμου τά παίσματα· Λόγον λόγῳ γεννήσασαν , τήν Μόνην Ἀπείρανδρον , Ἄννα Προμῆτορ Κυρίου , τοῦ σέ ἐκ γῆς μεταστήσαντος · ὅν νῦν εκδυσώπει , ταῖς ψυχαῖς ἡμῶν δοθῆναι τό μέγα ἔλεος .

Στίχ . Ἀγαλλιᾶσθε δίκαιοι ἐν Κυρίῳ , τοῖς εὐθέσι πρέπει αἴνεσις .

Χαίροις πεποθημένη Θεῷ , ἐκλελεγμένη ἁγιότητος λάμψεσι , τοῦ νόμου δυάς τιμία , ἡ τάς ἐμφάσεις καλῶς , ἐν τῇ θείᾳ χάριτι μεθαρμόσασα , Χριστόν τήν Τεκοῦσαν , τόν ἀρχηγόν τῆς ζωῆς ἡμῶν , αὐτοί τεκόντες , Ἰωακείμ ὁ θεόληπτος , καί ἡ ἔνθεος Ἄννα ἡ πανσεβάσμιος · λύχνοι οἱ ἀνατείλαντες , λαμπάδα τήν ἄσκιον · οἱ εὐθυνοῦντες τήν χάριν , τήν ΘΕΟΤΟΚΟΝ τήν ἌΧΡΑΝΤΟΝ · μεθ ᾿ ἧς δυσωπεῖτε , ταῖς ψυχαῖς ἡμῶν δοθῆναι τό μέγα ἔλεος .

Στιχ. Μακάριοι πάντες οἱ φοβούμενοι τόν Κύριον .

Χαίροις εὐλογημένη ἡ γῆ , ἡ τή θεόβλαστον τῶ κόσμῳ ἀνθήσασα , ἡ νόμῳ ἀδιαλείπτως ἐμμελετῶσα Θεοῦ , καί τήν χάριν πᾶσιν ὑπογράψασαν · δεσμά τῆς στειρώσεως , ἡ φυγοῦσα τῷ τόκῳ σου , καί τῷ θανάτῳ τήν φθοράν ἀνταμείψασα , καί πρός ἔνθεον μεταστᾶσα λαμπρότητα · Ἄννα θεομακάριστε , Προμῆτορ Χριστοῦ τοῦ Θεοῦ , ἡ φωτοφόρον Λυχνίαν , τήν ΘΕΟΤΟΚΟΝ , κυήσασα · μεθ ᾿ἧς ἐκδυσώπει , ταῖς ψυχαῖς ἡμῶν δοθῆναι τό μέγα ἔλεος .

Δόξα ...Καί νῦν .... ἦχος πλ. δ ΄

Δεῦτε πᾶσα ἡ κτίσις , ἐν κυμβάλις ψαλμικοῖς , εὐφημήσωμεν Ἄνναν τήν θεόφρονα , τήν τό θεῖο ὄρος , ἀποκυήσασαν , ἐκ λαγόνων αὐτῆς , καί πρός ὄρη νοητά , καί Παραδείσου σκηνώματα , σήμερον μεταβεβηκυῖαν , καί πρός αὐτήν βοήσωμεν · μακαρία ἡ κοιλία σου , ἡ βαστάσασα ἀληθῶς , τήν τό φῶς τοῦ κόσμου , ἔνδον ἐν κοιλίᾳ βαστάσασαν · καί οἱ μαστοί σου ὡραῖοι , οἱ θηλάσαντες, τήν θηλάσασαν Χριστόν , τόν τροφέα τῆς ζωῆς ἡμῶν · ὅν ἱικέτευε , τοῦ ῥυσθῆναι ἡμᾶς ἀπό πάσης θλίψεως ,καί προσβολῆς τοῦ ἐχθροῦ , καί σωθῆναι τάς ψυχάς ἡμῶν .

☦

Νῦν απολύεις ...κτλ..καί

Ἀπολυτίκιον ἦχος δ ΄

Ζωήν τήν κυήσασαν ἐκυοφόρησας , ΑΓΝΗ ΘΕΟΜΗΤΟΡΑ θεόφρον Ἄννα · διό πρός λῆξιν οὐράνιον , ἔνθα εὐφραινομένων , κατοικίᾳ ἐν δόξῃ , χαίρουσα νῦν μετέστης , τοῖς τιμῶσιν σε πόθῳ , πταισμάτων αἰτουμένη , ἱλασμόν Ἀειμακάριστε . (Δίς )

Ἀπολυσις

☦

ΕΝ Τῼ ΟΡΘΡῼ

Τό Ἀπολυτίκιον τρίς , καί μετά τήν α ΄στιχολογίαν , κάθισμα .

ἦχοςγ ΄. Τήν ὡραιότητα

Ἡ εὐκλεέστατος καί ἀξιέπαινος , Ἄννα ἡ ἔνθεος , καί πανσεβάσμιος , γῆθεν ἀρθεῖσα ἐκ ζωῆς , προσκαίρου διαιωνίζει , εἰς ζωήν ἀθάνατον , μετ ᾿ Ἀγγέλων χορεύουσα , σύν τῇ Θυγατρί Αὐτῆς , καί ἈΧΡΑΝΤῼ Μητρί τοῦ Θεοῦ , πρεσβεύουσα ἀπαύστως , σωθῆναι τούς πίστει ταύτην μακαρίζοντας .

Δόξα ...Καί νῦν ... τό αὐτό .

☦

Μετά τήν β΄στιχολογίαν , κάθισμα

ἦχος α ΄ . Τόν τάφον σου Σωτήρ .

Τάς νόμου ἐντολάς , θεαρέστως τηροῦσα , μητέρας Ἰσραήλ ὑπερῆρας ἁπάσας , τήν Μόνη ΑΕΙΠΑΡΘΕΝΟΝ ΘΕΟΤΟΚΟΝ κυήσασα , ἁγιόλεκτε , Ἄννα Προμῆτορ Κυρίου , μεταστᾶσα δέ ἐκ γῆς πρός θεῖον νυμφῶνα , δικαίων ὑπέρκεισαι .

Δόξα ... Καί νῦν ... τό αὐτό .

☦

Ὁ Ν΄Ψαλμός , καί κανών ΘΕΟΤΟΚΟΥ , ἐκ τοῦ ΘΕΟΤΟΚΑΡΙΟΥ , δ ΄ ἤχου , ἤτοι ὁμοήχου μέ τόν κανόνα τῆς Ἁγίας , καί κατά τήν ἡμέραν τῆς ἑβδομάδος , εἰς στ ΄, καί ὁ παρακάτω τῆς Ἁγίας εἰς η ΄.

Καταβασίας : Ἀνοίξω τό στόμα μου ...

κανών , ἀ ᾠδή τῆς ΘΕΟΤΟΚΟΥ , ἐκ τοῦ ΘΕΟΤΟΚΑΡΙΟΥ

κανών , α΄ᾠδή τῆς Ἁγίας , ἦχος δ ΄Ἀνοίξω τό στόμα μου .

Πταισμάτων συγχώρησιν , καί τῶν κακῶν ἀπολύτρωσιν , καί βίου διόρθωσιν , καί θείαν ἔλαμψιν , νῦν μοι αἴτησαι , τήν σήν φωσφόρον μνήμην , γεραίροντι σήμερον , Ἄννα πανεύφημε .

Ζωήν τήν κυήσασαν , θεοπρεπῶς ἀπεκύησας , διό πρός ἀείζωον , ζωήν μεθἐστηκας , ἀπολαύουσα χαρᾶς ἀνεκλαλήτου , φωτός ἀνεσπέρου τε , Ἄννα θεόληπτε .

Ἡ χάρις ἡ ἔνθεος , πρός τήν χαράν μεταβέβηκεν , ἀσπόρως ἥν ἔτεκε , Θυγάτηρ ταύτης ΑΓΝΗ · καί παρίσταται πολλῇ σύν παῤῥησίᾳ , Κυρίῳ πρεσβεύουσα , σωθῆναι πάντας ἡμᾶς .

ΘΕΟΤΟΚίΟΝ

Ἐκ Σοῦ ἡμῖν ἔλαμψε , δικαιοσύνης ὁ Ἥλιος , καί πᾶσαν κατηύγασεν , θεογνωσίᾳ τήν γῆν , καί διέλυσεν ἀχλύν τῆς ἀθεΐας , ΑΓΝΗ ΠΑΝΑΜΩΜΗΤΕ καί ΠΑΜΜΑΚΑΡΙΣΤΕ .

Καταβασία : Ἀνοίξω τό στόμα μου ...

☦

γ΄ ᾠδή τῆς ΘΕΟΤΟΚΟΥ

γ ΄ᾠδή τῆς Ἁγίας . Ὅτι στεῖρα ἔτεκεν .

Τήν συλλαβοῦσαν , τόν συνέχοντα πάντα συνέλαβες · καί ἐκύησας Χριστόν , τήν ὑπέρ λόγον κυήσασαν · διό σου τήν Κοίμησιν Ἄννα γεραίρομεν .

Μετ ᾿ ἐγκωμίων , ἐκτελεῖται ἡ ἔνδοξος μνήμη σου · ὅτι ἔτεκες ἡμῖν , τήν ἐγκωμίων ἐπέκεινα , ΑΓΝΗΝ ΘΕΟΜΗΤΟΡΑ , Ἄννα θεόληπτε .

Ἥλιος ὥσπερ , τῇ σελήνῃ τῇ Ἄννῃ ἐνούμενος , ὁ κλεινός Ἰωακείμ , τῆς Παρθενίας ἀκτῖνα γεννᾷ , δι ᾿ ἧς τῆς θεότητος , αὐγή ἐπέλαμψεν .

ΘΕΟΤΟΚίΟΝ

Σέ προστασίαν , ἀσφαλῆ ΘΕΟΜΗΤΟΡ κεκτήμεθα , · τάς ἐλπίδας ἐπί Σοί , ἀνατιθέντες σῳζόμεθα , πρός Σέ καταφεύγοντες , περιφρουρούμεθα .

Καταβασία : Τούς Σούς ὑμνολόγους ΘΕΟΤΟΚΕ

☦

Συναπτή καί καθισμα .

ἦχος πλ. δ ΄. Τήν Σοφίαν καί Λόγον .

Τῆς Μητρός τοῦ Δεσπότου καί Ποιητοῦ , μήτηρ γέγονας Ἄννα πανευκλεής , αὐτοῦ τά προστάγματα , ἀνενδότως φυλάττουσα · διά τοῦτο θανοῦσα , ζωήν πρός ἀθάνατον , μετετέθης ὄντως , καί φῶς πρός ἀνέσπερον · ὅθεν τήν φωσφόρον , καί Ἁγίαν σου μνήμην , τελοῦντες ἐν Πνεύματι , φωτιζόμεθα πάντοτε , καί συμφώνως βοῶμεν σοι · πρέσβευε Χριστῷ τῷ Θεῷ , τῶν πταισμάτων ἄφεσιν δωρήσασθαι , τοῖς ἑορτάζουσι πόθῳ , τήν ἁγίαν μνήμην σου .

Δόξα ...Καί νῦν ... (τό αὐτό )

☦

ᾠδή δ ΄τῆς ΘΕΟΤΟΚΟΥ

ᾠδή δ΄τῆς Ἁγίας . Ὁ καθήμενος ἐν δόξῃ

Τά ἐν νόμῳ γεγραμμένα , μελετῶσα ἐτέλεσας , καί τοῦ νομοθέτου , μήτηρ τῆς Μητρός ἐχρημάτισας · διό νῦν πᾶσα ἡ κτίσις ἐποφείλει σοι , ἐκτελοῦσα σου , χαρμονικῶς τό μνημόσυνον .

Μακαρία ἡ κοιλία , ἀληθῶς ἡ βαστάσασα , τήν τό φῶς τοῦ κόσμου , ἔνδον ἐν κοιλίᾳ βαστάσασαν · καί οἱ μαστοί σου ὡραῖοι , ὡς θηλάσαντες , τήν θηλάσασαν Ἄννα , Χριστόν τήν τροφήν ἡμῶν .

Ὡς βιώσασα ἀμέμπτως , τήν ἀμέμπτως κυήσασαν , ΚΟΡΗΝ ΘΕΟΤΟΚΟΝ , Λόγον τοῦ Πατρός ἀπεκύησας , καί πρός αὐτόν μετά δόξης προσεχώρησας , θεουμένη , σεπταῖς μετοχαῖς ἀληθέστατα .

ΘΕΟΤΟΚίΟΝ

Τῆς ΠΑΡΘΕΝΟΥ ἡ κοιλία , θημωνία ὡς ἅλωνος , ἀληθῶς εδείχθη , στάχυν ἀγεώργητον ἔχουσα , δι ᾿ οὗ ἐκτρέφεται πᾶσα ἡ κτῖσις κράζουσα · Παντοδύναμε , δόξα Χριστέ τῇ δυνάμει σου .

Καταβασία : Ὁ καθημένος ἐν δόξῃ.

☦

ᾠδή ε ΄κανών τῆς ΘΕΟΤΟΚΟΥ

ᾠδή ε ΄κανών τῆς Ἁγίας .Ἀσεβεῖς οὐκ ὄψονται .

Οὐρανόν ἐκυησας ἐπί γῆς ὡς ἀληθῶς , τήν τεκοῦσαν τόν ουρανοῦ ποητήν τήν σήμερον , σέ μεταθέμενον , πρός τά ἐπουράνια , μετά δόξης Ἄννα ἔνδοξε .

Ταῖς ἀΰλοις τάξεσιν , ἀΰλῳ τῷ νοΐ , συγχορεύεις περιχαρῶς , πληρουμένη λάμψεως , τῆς πλουτιδότιδος · ἀλλ ᾿ ἡμῶν μνημόνευε , τῶν ἐν πίστει μεμνημένων σου .

Ἰεσσαί βλαστήσασαν , ἐκ ῥίζης ἐμφανῶς , εὐθαλῆ ῥάβδον τήν ΑΓΝΗΝ , ἐκβλαστάνεις ἔνδοξε τήν ἐκβλαστήσασαν , ἄνθος τό ἀμάραντον , Ἰησοῦν τόν Λυτρωτήν ἡμῶν .

ΘΕΟΤΟΚίΟΝ

Ἐπί Σέ κατέφυγον τήν μόνην κραταιάν , τῶν πιστῶν Σκέπην · ἐπί οί τήν ἐλπίδα θέμενος τῆς σωτηρίας μου · ΠΑΝΑΓΙΑ ΔΕΣΠΟΙΝΑ ΘΕΟΤΟΚΕ , μή παρίδης με .

Καταβασία : Ἐξέστη τά σύμπαντα .

☦

ᾠδή στ ΄κανών τῆς ΘΕΟΤΟΚΟΥ .

ᾠδή στ ΄κανών τῆς Ἁγίας . Θύσω σοι , μετά φωνῆς αἰνέσεως

Κυρίου Ἰησοῦ Χριστοῦ οἱ προπάτορες , Ἰωακείμ τε καί Ἄννα , οἱ δικαιοσύνη κεκοσμημένοι , ἐπαξίως ἐν ᾠδαῖς εὐφημείσθωσαν σήμερον .

Ἁπάντων ἐγκωμίων ἡ Ἄννα ὑπέρκειται · ὅτι τήν παντός ἐγκωμίου ὑπερκειμένην ἐκύησε · διά τοῦτο ἐν χορῷ τῶν ἁγίων αὐλίζεται .

Φωτοφόρος καί λαμπρότητος πλήρης , ἡ μνήμη σου , μαρμαρυγάς τοῖς ἐν κόσμῳ τάς σωτηιώδους ἐκπέμπουσα , σώφρων Ἄννα χαρισμάτων παντοίων ανάπλεων .

ΘΕΟΤΟΚίΟΝ

Ἐξ ᾿ Ἄννης ἡ τοῦ κόσμου ἐτέχθη Βασίλισσα , τόν τοῦ παντός Βασιλέα , καί τεκοῦσα καί παρθενεύουσα , μετά τόκον , Χερουβίμ ἀνωτέρα ΠΑΝΑΜΩΜΕ

Καταβασία :Τήν θείαν ταύτην καί πάντιμον

☦

Συναπτή καί Κοντάκιον

ἦχος β ΄. Τά ἄνω ζητῶν .

Προγόνων Χριστοῦ , τήν μνήμην ἑορτάζομεν , τήν τούτων πιστῶς αἰτούμενοι βοήθειαν , τοῦ ῥυσθῆναι ἅπαντας ἀπό πάσης θλίψεως τούς κραυγάζοντας · ὁ Θεός γενοῦ μεθ ᾿ ἡμῶν , ὁ τούτους δοξάσας ὡς ηὐδόκησας .

Ὁ Οἶκος

Προφητικῶς συνέλθωμεν πάντες , τοῦ ἀξίως ὑμνῆσαι , τῆς προγόνου Χρισοῦ τήν παναγίαν μετάστασιν · σήμρον γάρ ἐκ τῆς προσκαίρου μεταστᾶσα ζῆς , ἐν τοῖς οὐρανοῖς μετά χαρᾶς , τήν πορείαν ποιουμένη ἀγάλλεται · καί ὡς οὖσα μήτηρ τῆς ὄντως ἀληθοῦς ΘΕΟΤΟΚΟΥ , κραυγάζει πιστῶς · μεγαλύνει ἡ ψυχή μου τόν Κύριον , ὄτι ἔτεκον τήν Μητέρα αύτοῦ , ἐν τῇ γῇ ` γένοιτο οὖν μεθ ᾿ ἡμῶν , ὁ τούτους δοξάσας ὡς ηὐδόκησεν .

Συναξάριον

Τῆ ΚΕ΄ τοῦ αὐτοῦ μηνός Ἰουλίου , μνήμη τῆς Κοιμήσεως τῆς Ἁγίας Ἄννης , Μητρός τῆς ΥΠΕΡΑΓΙΑΣ ΘΕΟΤΟΚΟΥ .

Στιχ. : Μήτηρ τελευτᾶ ΜΗΤΡΟΠΑΡΘΕΝΟΥ ΚΟΡΗΣ ,

ἡ τῶνκυουσῶν μητέρων σωτηρία .

Πέμπῃ ἐξεβίωσε , μογοστόκος , εἰκάδι Ἄννα .

Αὕτη ἡ Προμήτωρ τοῦ Κυρίου ἡμῶν Ἰησοῦ Χριστοῦ , κατά σάρκα γενομένη , ἦν εκ τῆς φυλῆς Λευΐ , θυγάτηρ Ματθάν τοῦ ἱερέως , καί Μαρίας τῆς αὐτοῦ γυναικός · ὁ δέ Ματθάν ὑπῆρχε ἱερατεύων ἐπί τῆς βασιλείς Κλεοπάτρας καί Σαπώρου , ἤ Σαβωρίου τῶν βασιλέων , Περσῶν , πρό τῆς βασιλείας Ἡρώδου τοῦ Ἀντιπάτρου · Οὗτος ὁ Ματθάν εἶχε τρεῖς θυγατέρας , Μαρίαν Σοβήν καί Ἄνναν . Ἔγημε , δέ ἡ πρώτη ἐν Βηθλεέμ καί ἔτεκεν Σαλώμην τήν μαῖαν . Ἔγημε δέ καί ἡ δευτέρα ἐν Βηθλεέμ , καί ἔτεκεν τήν Ἐλισάβετ · Ἔγημε δέ και ἡ τρίτη , ἡ Ἄννα εἰς τήν γῆν τῆς Γαλιλαίς καί ἐγέννησεν ΜΑΡΙΑΝ Τήν ΘΕΟΤΟΚΟΝ · ὥστε εἶναι τήν Σαλώμην , καί τήν Ἐλισάβετ καί τήν Ἁγίαν ΜΑΡΙΑΝ τήν ΘΕΟΤΟΚΟΝ , θυγατέρες μέν τριῶν θηλειῶν , πρωτεξαδέλφους δέ μεταξύ των · Ἡ δέ Ἄννα μετά τό γεννῆσαι τήν παντός τοῦ κόσμου τήν σωτηρίαν , καί ἀπογαλακτῆσαι , ἀναθεῖναι ταύτην ἐν τῷ ναῷ ὡς ἄμωμον δῶρον τῷ παντοκράτορι Θεῷ, νηστείαις καί δεήσεσιν καί προσευχαῖς καί ταῖς τῶν δεομένων εὐποιίαις ταύτης χρόνον διατελέσασα , ἐν εἰρήνη πρός Κύριον ἐξεδήμησεν , ἐν βαθυτάτῳ γῆρᾳ , μή συντιχοῦσα ἔτι πλέον τήν ΘΕΟΠΑΙΔΑ ΜΑΡΙΑΝ .

Ταῖς τῶν προπατόρων σου , καί τῆς ΑΧΡΑΝΤΟΥ ΜΗΤΡΟΣ σου πρεσβείαις Χριστέ ὁ Θεός ἡμῶν , ἐλέησον , καί σῶσον ἡμᾶς . ἀμήν .

☦

ᾠδή ζ΄τῆς ΘΕΟΤΟΚΟΥ

ᾠδή ζ΄τῆς Ἁγίας . Ὁ διασώσας ἐν πυρί .

Ὡς τῆς ζωῆς τῆς ἀληθοῦς , Ἄννα τήν Μητέρα τεκοῦσα , πρός τήν ζωήν τήν ἀληθῆ , μετετέθης πιστῶς ἀνακράζουσα · ὑπερύμνητε Κύριε , Εὐλογημένη ἡ σέ κυήσασα .

Ἡ τῆς Μητρός τοῦ Λυτρωτοῦ , Μήτηρ χρηματίσασα Ἄννα , ἀπό τῆς γῆς πρός οὐρανόν , ἀρεταῖς κοσμουμένη ἀνέδραμες , ἐν αἰνέσει κραυγάζουσα · Εὐλογημένη ἡ Θεόν σαρκί κυήσασα .

Πρός ἀτελεύτητον ζωήν , πρός εὑρυχωρότατον πλάτος , τοῦ παραδείσου τῆς τρυφῆς , πρός ἀνέσπερον φῶς ἐξεδήμησας , θεοφόρε κραυγάζουσα · Εὐλογημένη ΠΑΝΑΓΝΕ , ἡ θεόν σαρκί κυήσασα .

ΘΕΟΤΟΚίΟΝ

Ὡραϊσμένη καλλοναῖς , ταῖς τῶν ἀρετῶν τον ὡραῖον , ὑπέρ υἱούς τῶν γηγενῶν , ἀπεκύησας Λόγον ΠΑΝΑΜΩΜΕ , τόν τερπναῖς ὡραιότησι , τούς αὐτόν ὑμνολογοῦντας κατακοσμοῦντα .

Καταβασία : Οὐκ ἐλάτρευσαν .

☦

ᾠδή η ΄ τῆς ΘΕΟΤΟΚΟΥ .

ᾠδή η ΄τῆς Ἁγίας . Παῖδας εὐαγεῖς ἐν τῇ καμίνῳ .

Ἡ Μήτηρ τῆς Μόνης ΘΕΟΤΟΚΟΥ , ἡ στεῖρα τό πρίν , νῦν δέ Προμήτωρ Χριστοῦ , ὥσπερ τῆς στειρώσεως οὕτω τῆς νεκρώσεως , ἐκδυσαμένη ἔνδυμα ἐν χώρᾳ ζώντων βοᾶ · τήν ΚΥΡΙΑΝ ὑμνοῦμεν εἰς πάντας τούς αιῶνας .

Χριστός σοι τάς πύλας ἐκπετάσας , τάς ἄνω περιχαρῶς καθυπεδέξατο · Πύλην ὄτι ἔτεκες , ἥν αὐτός διώδευσεν , καί κεκλεισμένην ἔδειξεν μετά τήν πάροδον , θεόφρον ἀξιάγαστε Ἄννα · ὅθεν σέ τιμῶμεν εἰς πάντας τούς αἰῶνας .

Ἁγίως τόν βίον ἐκτελοῦσα , Ἁγίας ΑΕΙΠΑΡΘΕΝΟΥ Μήτηρ γέγονας , ἥτις τόν Πανάγιον , Λόγον ἀπεκύησεν , ἁγιασμόν καί λύτρωσιν , ἡμῖν παρέχοντα , θεόφρον ἀξιάγαστε Ἄννα , ὅθεν σέ τιμῶμεν εἰς πάντας τούς αἰῶνας .

ΘΕΟΤΟΚίΟΝ

Πολλοὶς συνεχόμενος κινδύνοις , καί σάλῳ τῆς ἁμαρτίας κινδυνεύοντα , ὅρμον πρός ἀκύμαντον , αὔραις ταῖς τοῦ Πνεύματος , ΘΕΟΓΕΝΝΗΤΟΡ ΔΕΣΠΟΙΝΑ , νῦν καθοδήγησον · λιμήν γάρ τῶν χριστιανῶν ὑπάρχεις , ὅθεν Σέ ὑμνοῦμεν εἰς πάντας τούς αἰῶνας .

Καταβασία : Αἰνοῦμεν ... Παὶδας εὐαγεῖς ἐν τῆ καμίνῳ .

☦

Ἡ τάξις , τῆς :.. Τήν Τιμωτέραν ....

ᾠδή θ ΄τῆς ΘΕΟΤΟΚΟΥ .

ᾠδή θ ΄τῆς Ἁγίας . Εὔα μέν τῶ τῆς παρακοῆς νοσήματι .

Εὔα μέν τῷ τῆς παρακοῆς νοσήματι τήν κατάραν εἰσῴκίσατο · σύ δέ στειρώσεως κατάρας , λυθεῖσα εὐλογίαν τήν τέξασαν , ἐκύησας ΑΓΝΗΝ ΘΕΟΜΗΤΟΡΑ · ᾗ συγχορεύεις ἀξιάγαστε .

Ἐκ τῆς γαστρός σου ἀληθῶς γεγέννηται , Γῆ Ἁγία ἀγεώργητος , , στάχυν βλαστήσασα ἀσπόρως , τοῦ κόσμου τόν τροφέα Κύριον ,τόν σέ πρός τήν τρυφήν τήν ἀδάπανον , Ἄννα πανσόφως μεταστήσαντι .

Ἐδέξατο ἄλυπος ζωή καί ἄφθαρτος , μετά τέλος σέ πανεύφημε , ξύλου ζωῆς νυνί μετέχεις , δικαίων συνευφραίνῃ συστήμασι , καί θείων Ἀσωμάτων στρατεύμασιν · ὅθεν σε πάντες μεγαλύνομεν .

Ἡ μνήμη σου σήμερον ἡμῖν ἀνέτειλε ,τοῦ ἡλίου τηλαυγέστερον , φέγγει πλουσίων χαρισμάτων , ἡμᾶς καταφαιδρύνουσα πάνσεμνε , καί ζόφον παθημάτων ἐξαίρουσα , ἥν ἐκτελοῦντας ἡμᾶς φύλαττε .

ΘΕΟΤΟΚίΟΝ

ΜΑΡΙΑ ΚΥΡΙΑ τοῦ παντός , παντίοις με δουλωθέντα ΑΓΝΗ πλημμελήμασι , Σύ ἐλευθέρωσον · Σύ γάρ , τόν ἐλευθερωτήν πάντων τέτοκας , δουλείας τόν ἡμᾶς λυτρωσάμενον , τῆς ἁμαρτίας θείῳ νεύματι .

Καταβασία : Ἅπας γηγενής .

☦

Συναπτή , καί τό Ἐξαποστειλάριον .Τοῖς Μαθηταῖς συνέλθωμεν.

Χρεωστικῶς ὑμνήσωμεν , τήν θεόληπτον Ἄνναν · τήν ΘΕΟΤΟΚΟΝ αὕτη γάρ, τήν ΠΑΡΘΕΝΟΝ ΜΑΡΙΑΝ , κυήσασα παρ ᾿ ἐλπίδα , ἀγχιστεύς κατά σάρκα , Χριστοῦ τοῦ λυτρωτοῦ ἡμῶν , ἀνεδείχθη τοῦ ταύτην θεοπρεπῶς , προσλαβόμενος σήμερον ἐν ὑψίστοις , ὑπέρ ἡμῶν πρεσβεύουσαν , καί εἰρήνης τοῦ κόσμου . δίς.

☦

Εἰς τούς αἴνους ἱστῶμεν εἰς στίχους δ ΄καί ψάλλομεν .

Στιχηρά προσόμοια , ἦχος α ΄. Τῶν οὐρανίων ταγμάτων .

Μνήμην τελοῦμεν αἰσίαν , σέ ἀνυμνοῦμεν Χριστέ , τόν παραδόξως ἄνναν , ἐκ ζωῆς τῆς προσκαίρου , πρός τήν ἄληκτον δόξαν μεταστήσαντα νῦν , ὡς μητέρα ὑπάρχουσαν , τῆς σέ τεκούσης ἀσπόρως ὑπερφυῶς , ΘΕΟΤΟΚΟΥ καί ΠΑΡΘΕΝΟΥ Μητρός . (δίς )

Μνήμην ἁγίαν τελοῦντες , τῶν Προπατόρων Χριστοῦ , Ἰωακείμ καί Ἄννης τῶν σεπτῶν καί ἀμέμπτων , δοξάζομεν ἀπαύστως τόν λυτρωτήν , καί οἰκτίρμονα Κύριον , τόν μεταστήσαντα τούτους πρός τήν ζωήν , τήν ἀγήρω καί ἀνόλεθρον .

Πρός τάς ἀΰλους χορείας καί τῶν δικαίων σκηνάς , ἔνθα Ἀγγέλων τάξεις ἔνθα φῆμος Ἁγίων , χαρά ἑορταζόντων ἄγεται νῦν , τῶν δικαίων τά πνεύματα , Ἰωακείμ καίτῆς Ἄννης · οὕς εὐσεβῶς , εὐφημοῦντες μακαρίσωμεν .

Δόξα ...Καί νῦν ... ἦχος β ΄

Δεῦτε φιλοπάρθενοι πάντες , καί τῆς Ἁγνείας ἐρασταί , δεῦτε ἑορτάσωμεν Ἄννης τήν σεβασμίαν Κοίμησιν · καί γάρ ἔτεκεν ὑπερφυῶς , τήν Πηγήν τῆς Ζωῆς , ΜΑΡΙΑΝ τήν Θεόπαιδα , ἐξ ᾿ ἧς ἐτέχθη ὁ Λυτρωτής , ὁ φωτίζων καί ἁγιάζων τάς ψυχάς ἡμῶν .

☦

Δοξολογία μεγάλη .Ἀπολυτίκιον τῆς Ἁγίας

Ἐκτενής, Πληρωτικά, ὦραι ,καί ἡ τάξις τῆς ἀπολύσεως .

☦

ΕΝ Τῌ ΘΕΙᾼ ΛΕΙΤΟΥΡΓΙᾼ

Τυπικά.Μακαρισμοί , καί δ΄τροπάρια ἐν τῆς γ ΄ᾠδῆς καί δ ΄τροπάρια ἐκ τῆς Ϛ ΄ᾠδῆς΄κανόνος τῆς ἀκολουθίας ......

Εἴσοδος , ἀπολυτίκιον , καί κοντάκιον : Δόξα ...τῆς Ἁγίας ..Καί νῦν..Προστασία τῶν Χριστιανῶν .

☦

Ἀποστολικόν ἀνάγνωσμα

Προκείμενον ἦχος δ ΄ ψαλμός ξζ ΄ 36 ΄

Θαυμαστός ὁ Θεός ἐν τοῖς Ἁγίοις αὐτοῦ .

Στιχος : Ἐν Ἐκκλησίαις εὐλογεῖτε τόν Θεόν .

Πρός Γαλάτας ἐπιστολῆς Παύλου τό Ἀνάγνωσμα (κεφ.δ΄22-27)

Ἀλληλοίϊα , Ἀλληλοὐϊα , ἀλληλούϊα .

☦

Εὐαγγελικόν Ἀνάγνωσμα ἐκ τοῦ κατά Λουκᾶν Εὐαγγελίου

Κεφ η ΄ 16-21

☦

Ἡ καθ ᾿ ἑξῆς λειτουργία τοῦ Ἁγίου Χρυσοστόμου .

Κοινωνικόν .

Ψαλμός λβ . 1

Ἀγαλλιᾶσθε δίκαιοι ἐν Κυρίῳ , τοῖς εὐθέσι πρέπει αἴνεσις .

☦☦☦☦☦☦☦

Πανηγυρική ἑορτή , ἀκολουθία , καί δικαίως , ἀφοῦ τιμῶμεν τήν Μητέρα , τῆς Μητέρας του Κυρίου .

Δέν ἦτο χωρίς λόγο ἡ εὔνοια τοῦ Θεοῦ στούς Ἁγίους καί δικαίους Προπάτορας Ἰωακείμ κί Ἄννης .

Προικισμένοι μέ ὅλες τίς ἀρετές , καί σώφρονα βίον , ἀπέκτησαν τό μοναδικόν προνόμιον στήν ἱστορία τοῦ κόσμου , να γίνουν γεννήτορες , τῆς ΠΑΝΑΓΙΑΣ , ζοῦσαν ἐν ὁσιότητι καί δικαιοσύνη .

Μετά τήν ἀφιέρωσην τῆς ΠΑΝΑΓΙΑΣ εἰς;τόν ναόν , ἔζησαν μέ προσευχές, δεήσεις, ἐλεημοσύνες , ἕως ὅτου ὁ Κύριος ἐκάλεσε εἰς τήν αἰώνιον ζωήν , ἔνθα πάντων ἐστίν εὐφραινομένων ἡ κατοικία.

Δόξα Σοι Μῆτερ τοῦ Θεοῦ...

Δόξα Σοι ΠΑΝΑΓΙΑ ...

Εὐχαριστοῦντες , προσκυνοῦμεν Σε Μητέρα τοῦ Ὑψίστου ...

ἔγγραφον ἐν Ἱεραποστολῇ , ,βκ ΄Δεκ. κη ΄ 28-12-2020.

εὐλογεῖτε .

Μία Ποίμνη,Μία Ἐκκλησία,Μία ἀποστολή..Μοναχικός ἀπόπλους εἰς τήν Ν.Ἀφρικήν..Ἃγ.Νεκτάριος-Ὃσ.Παΐσιος

ΚΥΛΙΟΜΕΝΟ ΜΥΝΗΜΑ

Σελίδες

Κυριακή 28 Φεβρουαρίου 2021

Θεομητορικά/Ἀκολουθία Συλλήψεως καί Κοιμήσεως Ἁγίας Ἂννης

Δεν υπάρχουν σχόλια:

Δημοσίευση σχολίου