Θεομητορικά/ΘΕΟΤΟΚΙΑ ΕΚ ΤΟΥ ΠΕΝΤΗΚΟΣΤΑΡΙΟΥ

ΘΕΟΤΟΚΙΑ ΕΚ ΤΟΥ ΠΕΝΤΗΚΟΣΤΑΡΙΟΥ .

  Εἰς τήν παροῦσαν πνευματικήν  τράπεζαν, πρατίθενται τά ΘΕΟΜΗΤΟΡΙΚΑ ἐδέσματα, , ἤτοι , τά ὡραιότατα , καί μελισταγῆ , καί τερπνότατα τροπάρια ὑμνοῦντες τήν Βασίλισσαν τῶν οὐρανῶν , τήν ΘΕΟΤΟΚΟΝ , ΠΑΝΑΓΙΑΝ ΠΑΡΘΕΝΟΝ ΑΓΝΗΝ , εἰς τό Πεντηκοστάριον , ἤ λεγόμενο : Τριώδιον τῶν ρόδων ·

βιβλίο τό ὁποῖο ἀντικαθιστᾶ  τήν Παρακλητικήν , εἰς τάς ἰεράς ἀκολουθίας τοῦ νυχθημερόν ,  ἀπό τήν Κυριακήν τοῦ Πάσχα , ἕως τῆς ἑορτῆς τῶν Ἁγίων Πάντων  · περίοδον πενήντα ἑπτά ἡμερῶν .

   Ὑμνογράφοι τῶν κανόνων τοῦ Πεντηκοσταρίου , εἶναι ἐν πρώτοις ὁ Ἅγιος Ἰωάννης ὁ Δαμασκηνός ,

Ἅγιος  Κοσμᾶς ὁ Ἁγιοπολίτης , 

Ἅγιος Ἀνδρέας Κρήτης , 

Ἄγιος Ἰωσήφ , Ἀρχιεπ. Θεσσαλονίκης , 

Ἅγιοι Νικηφόρος καί Κάλλιστος Ξανθόπουλοι , 

Ἅγιο : Γερμανός , Θεοφάνης , Ανατόλιος , Πατρ. Κωνστ/λεως .  

   Αἰτούμενοι τήν εὐλογίαν καί φωτισμόν , καί Σκέπην τῆς ΠΑΝΑΓΙΑΣ, ἀρχόμεθα τῶν τροπαρίων προεξαρχούσης τῆς ΚΥΡΙΑΣ καί ΔΕΣΠΟΙΝΗΣ  ἡμῶν ΘΕΟΤΟΚΟΥ·

Εὐλόγησον ΠΑΝΑΓΝΕ ...

         α. Εἰς τήν Κυριακήν τοῦ Πάσχα, καί  καθ ᾿ ὅλην τήν λαμπράν Διακαινήσιμον Ἑβδομάδαν .

                                   ἦχος  α ΄

   Τήν παγκόσμιον δόξαν , τήν ἐξ ᾿ ἀνθρώπων σπαρεῖσαν , καί τόν Δεσπότην Τεκοῦσαν , τήν ἐπουράνιον Πύλην · ὑμνήσωμεν ΜΑΡΙΑΝ τήν ΠΑΡΘΕΝΟΝ , τὼν Ἀσωμάτων τό ἆσμα , καί τῶν πιστῶν τό ἐγκαλλώπισμα · Αὕτη γάρ ἀνεδείχθη οὐρανός , καί ναός τῆς θεότητος , Αὕτη τό μεσότειχον τῆς ἔχθρας καθελοῦσα , εἰρήνην ἀντεισῆξε , καί τό βασίλειον ἠνέωξεν · Ταύτην οὖν κατέχοντες , τῆς πίστεως τήν ἄγκυραν ὑπέρμαχον ἔχομεν , τόν ἐξ ᾿ Αὐτῆς τεχθέντα Κύριον · θαρσείτω τοίνυν , θαρσείτω λαός τοῦ Θεοῦ , καί γάρ αὐτός πολεμήσει τούς ἐχθρούς , ὡς παντοδύναμος .  

   Φυλάξας τά σήμαντρα σῶα Χριστέ , ἐξηγέρθης τοῦ Τάφου , ὁ τάς κλεῖς τῆς ΠΑΡΘΕΝΟΥ  μή λυμηνάμενος ἐν τῷ τόκῳ σου , καί ἀνέωξας ἡμῖν Παραδείσου τάς πύλας .

   Φωτίζου , φωτίζου , ἡ νέα Ἱερουσαλήμ · ἡ γάρ δόξα Κυρίου , ἐπί σέ ἀνέτειλε , χόρευε νῦν καί ἀγάλλου Σιών , Σύ δέ ΑΓΝΗ , τέρπου ΘΕΟΤΟΚΕ , ἐν τῇ ἐγέρσει τοῦ τόκου Σου .

   Χαῖρε ΠΑΡΘΕΝΕ , χαῖρε , χαῖρε Εὐλογημένη , Χαῖρε Δεδοξασμένη , Σός γάρ Υἱός ἀνέστη , τριήμερος ἐκ τάφου .

   Ὁ Ἄγγελος ἐβόα τῇ ΚΕΧΑΡΙΤΩΜΕΝῌ , ΑΓΝΗ ΠΑΡΘΕΝΕ χαῖρε , καί πάλιν ἐρῶ χαῖρε , ὁ Σός Υἱός ἀνέστη , τριήμερος ἐκ τάφου .

   Τό τοῦ Ὑψίστου ἡγιασμένον θεῖον Σκήνωμα χαῖρε , διά Σοῦ γάρ δέδοται ἡ χαρά ΘΕΟΤΟΚΕ τοῖς κραυγάζουσιν  · Εὐλογημένη Σύ ἐν γυναιξίν , ὑπάρχεις ΠΑΝΑΜΩΜΕ ΔΕΣΠΟΙΝΑ .

                                   ἦχος β΄

  Παρῆλθεν ἡ Σκιά τοῦ Νόμου , τῆς χάριτος ἐλθούσης · ὡς γάρ ἡ βάτος οὐκ ἐκαίετο καταφλεγομένη , οὕτω ΠΑΡΘΕΝΟΣ ἔτεκες , καί ΠΑΡΘΕΝΟΣ ἔμεινας · ἀντί στύλου πυρός , δικαιοσύνης ἀνέτειλεν Ἥλιος · ἀντί Μωϋσέως Χριστός , ἡ σωτηρία τῶν ψυχῶν ἡμῶν .

                                        ἦχος γ ΄

   Πῶς μή θαυμάσωμεν , τόν θεανδρικόν Σου    τόκον ΠΑΝΣΕΒΑΣΜΙΕ ; πεῖραν γάρ ἀνδρός μή δεξαμένη  ΠΑΝΑΜΩΜΕ , ἔτεκες ἀπάτορα  Υἱόν ἐν σαρκί , τόν πρό αἰώνων , ἐκ Πατρός γεννηθέντα ἀμήτορα , μηδαμῶς ὑπομείναντα τροπήν ἤ φυρμόν ἤ διαίρεσιν , ἀλλ ᾿ ἑκατέρας οὐσίας τήν ἰδιότητα , σώαν φυλάξαντα · διό ΜΗΤΡΟΠΑΡΘΕΝΕ ΔΕΣΠΟΙΝΑ , αὐτόν ἱκέτευε σωθῆναι , τάς ψυχάς τῶν ὀρθοδόξως ΘΕΟΤΟΚΟΝ ὁμολογούντων Σε. 

                                   ἦχος δ ΄

   Ὁ διά Σέ Θεοπάτωρ Προφήτης Δαυίδ , μελωδικῶς περί Σοῦ προανεφώνησε , τῷ μεγαλεῖᾳ Σοι ποιήσαντι · παρέστη ἡ Βασίλισσα ἐκ δεξιῶν σου · Σέ γάρ Μητέρα , πρόξενον ζωῆς ἀνέδειξεν , ὁ ἀπάτωρ ἐκ Σοῦ ἐνανθρωπῆσαι , εὐδοκήσας Θεός · ἵνα τήν ἑαυτοῦ ἀναπλάσῃ εικόνα , φθαρεῖσαν τοῖς πάθεσιν · καί τό πλανηθέν ὀρειάλωτον εὑρών πρόβατον τῷ Πατρί προσαγάγη , καί τῷ ἰδίῳ θελήματι , ταῖς οὐρανίαις , συνάψει δυνάμεσι , καί σώσῃ ΘΕΟΤΟΚΕ , τόν κόσμον Χριστός , ὁ ἔχων τό μέγα καί πλούσιον ἔλεος .

                                        ἦχος πλ. α ΄

   Ἐν τῇ Ἐυθρᾷ θαλάσσῃ , τῆς Ἀπειρογάμου Νύμφης , εἰκών διεγράφη ποτέ · ἐκεῖ Μωϋσῆς διαιρέτης τοῦ ὕδατος , ἐνθάδε Γαβριήλ ὑπηρέτης τοῦ θαύματος · τότε τόν βυθόν ἐπέζευσεν ἀβρόχως Ἰσραήλ , νῦν δέ τόν Χριστόν ἐγέννησεν ἀσπόρως ἡ ΠΑΡΘΕΝΟΣ · ἡ θάλασσα , μετά τήν πάροδον τοῦ Ἰσραήλ , ἔμεινεν ἄβατος , ἡ ἌΜΕΜΠΤΟΣ , μετά τήν κύησιν τοῦ Ἐμμανουήλ, ἔμεινεν Ἄφθορος · ὁ ὤν καί πρόών , καί φανείς ὡς ἄνθρωπος Θεός , ἐλέησον ἡμᾶς .

   Σαλπίσωμεν φιλέορτοι ἐν ὕμνοις , σκιρτήσωμεν ἐν ὕδατι , καί χορεύσωμεν ἀγαλλόμενοι , τοῖς ἀενάως πλημμυροῦσιν τῆς Ζωηφόρου Πηγῆς · βασιλεῖς καί ἄρχοντες συντρεχέτωσαν , καί Πηγῆς τήν χάριν , προχείτωσαν ἀφθόνως · βασιλεῖς γάρ ἔσωσεν · τούς ἐν κλίνῃ συσχεθέντας δέ , τῇ προσψαύσει ἐξανέστησε · ποιμένες τε καί σύμπαντες , τήν ὀμβροφόρον Νεφέλην , τό σωτήριον Ὕδωρ , συνελθόντες ἀρυσώμεθα · οἱ ἐν νόσοις ἀπαλλαγήν , οἱ ἐν ινδύνοις τήν ρῶσιν , τήν ἀναψυχήν οἱ ἐν δίψει · τά ὄμματά τε οἱ τυφλοί , οἱ κωφεύοντες τήν εὐηκοΐαν , τήν ἰατρείαν οἱ καχεκτοῦντες · οἱ ἐν θανάτοις τήν ζωηφόρον , οἱ πάντες τήν πανταχοῦ πιστοῖς προῤῥέουσαν ὕδατα σωτηρίας , ἀνακροτήσαντες , οὕτως κράξωμεν · ἀείζωα προχέουσα νάματα , ἐκ Πηγῆς ΑΓΝΗ , μή διαλίπης ΠΑΡΘΕΝΕ , πρεσβεύουσα πάντοτε , ὑπέρ τῶν ψυχῶν ἡμῶν .

Ἡ ὅλη ἀκολουθία τῆς Ζωοδόχου Πηγῆς , θά καταχωρηθῆ ξεχωριστά. 

                                   ἦχος πλ. δ ΄

   Ὁ Βασιλεύς τῶν οὐρανῶν  , διά φιλανθρωπίαν , ἐπί τῆς γῆς ὤφθη , καί τοῖς ἀνθρώποις συννεστράφη · ἐκ ΠΑΡΘΕΝΟΥ γάρ ΑΓΝΗΣ , σάρκα προσλαβόμενος , καί ἐκ Ταύτης προελθών μετά τῆς προσλήψεως , εἷς ἐστίν Υἱός , διπλοῦς τήν φύσιν , ἀλλ ᾿ οὐ τήν ὑπόστασιν , διό τέλειον αὐτόν Θεόν , καί τέλειον ἄνθρωπον , ἀληθῶς κηρύττοντες , ὁμολογοῦμεν Χριστόν τόν Θεόν ἡμῶν · ὄν ἱκέτευε Μῆτερ Ἀύμφευτε , ἐλεηθῆναι τάς ψυχάς ἡμῶν .  

   β. Κατά τήν Β ΄ Κυριακήν ἀπό τό Πάσχα , καί καθ ὅλην , ἑβδομάδα .

                                      ἦχος α ΄

   Νοῦς μέν ὁ ἀγέννητος Πατήρ , εἰκονικῶς τοῖς σοφοῖς προηγόρευται · Λόγος δέ συνάναρχος , ὁ συμφυής Υἱός , καί Πνεῦμα Ἅγιον , τό ἐν τῇ ΠΑΡΘΕΝῼ , τοῦ Λόγου κτίσαν τήν σάρκωσιν .

   Ἐκ Σοῦ χρονικῶς ἄνευ σπορᾶς , προῆλθεν ο ὑπερχρονος , ὁμοιωθείς ἡμῖν ὁ ἀνείδεος , καί μίαν φύσιν καί κυριότητα, τοῦ Πατρός ἐδίδαξε , καί Υἱοῦ καί Πνεύματος , ΘΕΟΤΟΚΕ , διό Σε δοξάζομεν . 

   Ὁδήγησον ἡμᾶς ἐν ὁδῷ μετανοίας , ἐκκλίνοντας ἀεί , πρός κακῶν ἀνομίας , καί τόν ὑπεράγαθον , παροργίζοντας Κύριον , ἈΠΕΙΡΟΓΑΜΕ , Εὐλογημένη ΜΑΡΙΑ , καταφύγιον ἀπεγνωσμένων ἀνθρώπων  , Θεοῦ ἐνδιαίτημα .

   Τέτοκας τῆς Τριάδος τόν ἔνα , ΠΑΝΑΧΡΑΝΤΕ , θεαρχικώτατον Υἱόν , σωματωθέντα δι ᾿ ἡμᾶς ἐκ Σοῦ , καί αὐγάζοντας τούς γηγενεῖς  , τῆς τρισηλίου Θεότητος , τῷ ἀνεσπέρῳ φωτί , καί ταῖς λάμψεσιν .

   Ρήσεις πᾶσαι προφητῶν , προδιέγραψαν ἌΧΡΑΝΤΕ , τόν Σόν τόκον , τόν ἀπόρρητον καί ἀνερμήνευτον , ὅν ἡμεῖς ἐγνώκαμεν , μυσταγωγόν τῆς ἑνιαίας καί τρισηλίου Θεότητος . 

   Ἡλίου τοῦ ἀδύτου οἶκος γέγονας , τοῦ κτίσαντος καί τάξαντος , τούς φωστῆρας τούς μεγάλους πανσθενῶς , ἌΧΡΑΝΤΕ ΠΑΡΘΕΝΕ ΘΕΟΝΥΜΦΕ , ἀλλά καί νῦν , τῆς τῶν παθῶν με ρῦσαι κακώσεως .

   Κυβέρνησον ΑΓΝΗ , τήν ἀθλίαν ψυχήν μου , καί οἴκτειρον αὐτήν , ὑπό πλήθους πταισμάτων , βυθῶ ὁλισθαίνουσαν , ἀπωλείας ΠΑΝΑΜΩΜΕ , καί ἐν ὥρᾳ με , τῆς φοβερᾶς τοῦ θανάτου , Σύ ἐξάρπασον , κατηγορούντων δαιμόνων , καί πάσης κολάσεως .

   Ὁ Χερουβίμ θρόνῳ ἐποχούμενος , καί τῶν ἁπάντων βασιλεύς , ἐν γαστρί Σου Παρθενικῆ , ὤκησε ΠΑΝΑΧΡΑΝΤΕ , πάντας ἐκλυτρούμενος ἐκ τῆς φθορᾶς , ὡς φιλάνθρωπος · ἀλλά καί νῦν , ταῖς Σαῖς πρεσβείαιας , μέ περιφρούρησον .

   Ὕψωσεν εἰς οὐρανούς , τήν τῶν ἀνθρώπων προσλαβόμενος φύσιν ἀτρέπτως , ὁ Υἱός Σου ΠΑΝΑΓΝΕ ΘΕΟΤΟΚΕ , ὑπερβολῇ ἀγαθότητος , ρυσάμενος τῆς πάλαι φθορᾶς  · διό Σε εὐχαρίστως ἀνευφημοῦμεν , ὡς τῆς σωτηρίας ημῶν πρόξενον .

   Νεῦσον ταῖς ἡμῶν δεήσεσιν , ὁ ἐν τρισίν θεαρχικαῖς ὑποστάσεσιν , μόνος εἷς Θεός  ἀληθινός , πιστευόμενος , καί παράσχου Σοῖς δούλοις παράκλησιν , πρεσβείαιςτῆς ἈΧΡΑΝΤΟΥ , καί Πανυμνήτου ΘΕΟΜΗΤΟΡΟΣ.

   Σέ τήν φαεινήν λαμπάδα , καί Μητέρα τοῦ Θεοῦ , τήν ἀρίζηλον δόξαν , καί ἀνωτέραν πάντων τῶν ποιημάτων , ἐν ὕμνοις μεγαλύνομεν .

   Θαῦμα θαυμάτων ΚΕΧΑΡΙΤΩΜΕΝΗ , ἐν Σοί θεωροῦσα ἡ κτίσις ἀγάλλεται · συνέλλαβες γάρ ἀσπόρως , καί ἔτεκες ἀφράστως , ὅν ταξιαρχίαι Ἀγγέλων , ὁρᾶν οὐ δεδύνηνται · αὐτόν ὡς Θεόν ἱκέτευε , ὑπέρ τῶν ψυχῶν ἡμῶν .  

   Ἄρρηκτον Τεῖχος κεκτημένοι πιστοί , τήν ΘΕΟΤΟΚΟΝ  ΜΑΡΙΑΝ , δεῦτε προσκυνήσωμεν , καί προσπέσωμεν Αὐτῆ · παρρησίαν γάρ ἔχει πρός τόν τεχθέντα ἐξ ᾿ Αὐτῆς , τοῦ πρεσβεύειν καί σώζειν , ἀπό ὀργῆς καί θανάτου , τάς ψυχάς ἡμῶν .

   Οἱ τήν Σήν προστασίαν κεκτημένοι ἌΧΡΑΝΤΕ , καί ταῖς Σαῖς ἱκεσίαις τῶν δεινῶν ἐκλυτρούμενοι , τῶ Σταυρῶ τοῦ Υἱοῦ Σου , ἐν παντί φρουρούμενοι , κατά χρέος Σε πάντες , εὐσεβῶς μεγαλύνομεν.

   Προφῆται Σε τρανῶς , προκατήγγειλαν ΚΟΡΗ , Μητέρα τοῦ Θεοῦ , καί Ἀπόστολοι θεῖοι , ἐν κόσμῳ ἐκήρυξαν , καί ἡμεῖς ἐπιστεύσαμεν · ὅθεν ἅπαντες εὐσεβοφρόνως τιμῶντες , ἀνυμνοῦμεν Σε , καί ΘΕΟΤΟΚΟΝ κυρίως , ἀεί ὀνομάζομεν .

   Ἡ Ἄσπιλος Ἀμνάς , τόν Άμνόν καί Ποιμένα , κρεμάμενον νεκρόν , ἐπί ξύλου ὁρῶσα , θρηνοῦσα ἐφθέγγετο  μητρικῶς ὀλολύζουσα , πῶς ἐνέγκω Σου , τήν ὑπέρ λόγον Υἱέ Μου , συγκατάβασιν , καί τά ἑκούσια Πάθη , Θεέ Ὑπεράγαθε .

   Τοῦ Γαβριήλ φθεγξαμένου Σοι ΠΑΡΘΕΝΕ τό χαῖρε , σύν τῆ φωνῆ ἐσαρκοῦτο , ὁ τῶν ὅλων Δεσπότης · ἐν Σοί τῇ Ἁγίᾳ Κιβωτῶ , ὡς ἔφη ὁ δίκαιος Δαυίδ , ἐδείχθης Πλατυτέρα τῶν οὐρανῶν , βαστάσασα τόν Κτίστην Σου · δόξα τῷ ἐνοικίσαντι ἐν Σοί, δόξα τῷ προελθόντι ἐκ Σοῦ · δόξα τῷ ἐλευθερώσαντι ἡμᾶς , διά τοῦ τόκου Σου .

  

   γ. Κατά τήν Γ ΄ Κυριακήν ἀπό τό Πάσχα , καί καθ ᾿  ὅλην , τήν ἑβδομάδα .

                                              ἦχος  β ΄

   Ὤ !!! τοῦ μεγίστου μυστηρίου !!! βλέπων τά θαύματα ἀνακηρύττω τήν Θεότητα , οὐκ ἀρνοῦμαι τήν άνθρωπότητα · ὁ γάρ Εμμανουήλ , φύσεως μέν Πύλας ἤνοιξεν ὡς φιλάνθρωπος · ΠΑΡΘΕΝΙΑΣ δέ κλεῖθρα , οὐ διέρρηξεν ὡς Θεός ·ἀλλ ᾿ ὡς ἐκ μήτρας προῆλθεν , ὡς δι ᾿ ἀκοῆς εἰσῆλθεν · οὕτως ἐσαρκώθη ὡς συνελήφθη · ἀπαθῶς εἰσῆλθεν , ἀφράστως ἐξῆλθεν , κατά τόν προφήτην τόν λέγοντα · αὕτη ἡ Πύλη κεκλεισμένη ἔσται , οὐδείς οὐ μή διέλθη , δι ᾿ αὐτῆς , εἰ μή μόνος Κύριος ὁ Θεός Ἰσραήλ , ὁ ἔχων τό μέγα ἔλεος .

   Πάντων θλιβομένων ἡ χαρά , καί ἀδικουμένων προστάτις , καί πενομένων τροφή , ξένων τε παράκλησις , καί βακτηρία τυφλῶν , ἀσθενούντων ἐπίσκεψις , καταπονουμένων , Σκέπη καί αντίληψις , καί ὀρφανῶν βοηθός , Μήτηρ τοῦ Θεοῦ τοῦ Ὑψίστου , Σύ ὑπάρχεις ἌΧΡΑΝΤΕ , σπεῦσον , δυσωποῦμεν , σώζεσθαι τούς δούλους Σου .  

   Πᾶσαν ἀνομίαν ἀφειδῶς , πᾶσαν ἀκρατῶς ἁμαρτίαν , ὁ τάλας ἔπραξα , πάσης κατακρίσεως , ἄξιος πέφυκα · ἀφορμάς μετανοίας μοι , παράσχου ΠΑΡΘΕΝΕ , ὅπως ἀκατάκριτος ἐκεῖ ὀφθήσομαι , Σέ γάρ ἐπιγράφομαι πρέσβυν Σέ ἐπικαλοῦμαι προστάτιν , μή με καταισχύνης ΘΕΟΝΥΜΦΕΥΤΕ .

   Ἄλλο καταφύγιον ΑΓΝΗ , πρός τόν ποιητήν καί Δεσπότην , οὐκ εὐποροῦμεν ἡμεῖς , εἰ μή Σέ ΘΕΟΝΥΜΦΕ · μή ἀπορρίψης ἡμᾶς , τῇ θερμῇ προστασίᾳ Σου , μηδέ καταισχύνης , πόθῳ τούς προστρέχοντας , ὑπό τήν σκέπην Σου · Μήτηρ τοῦ Θεοῦ ἡμῶν σπεῦσον , καί τήν Σήν βοήθειαν δίδου , καί τῆς νῦν ὀργῆς ἡμᾶς διάσωσον .

   Παρῆλθεν ἡ σκιά τοῦ νόμου , τῆς χάριτος ἐλθούσης · ὡς γάρ ἡ βάτος οὐκ ἐκαίετο καταφλεγομένη , οὕτω ΠΑΡΘΕΝΟΣ  ἔτεκες  , καί ΠΑΡΘΕΝΟΣ , ἔμεινας · ἀντί στύλου πυρός , δικαιοσύνης ἀνέτειλεν ἥλιος , ἀντί Μωϋσέως Χριστός , ἡ σωτηρία τῶν ψυχῶν ἡμῶν .

   Ροῦν τόν πρίν τῆς φύσεως ἡμῶν , πεπονθυίας ἄτοπον , καί πρός φθοράν ὀλισθησάσης , ἌΧΡΑΝΤΕ , σαρκωθείς ἐν μήτρᾳ Σου , ὁ Θεός Λόγος , φιλανθρώπως ἀνέστειλε , καί τήν Θεαρχίαν τρίφωτον , ἡμᾶς ἐμυσταγώγησεν . 

   Ὁ πᾶσαν τήν ὑπόστασην οὐσιώσας , τῆς κτίσεως , ἐν μήτρᾳ Σου οὐσιώθη , ἀπείρῳ ἀγαθότητι ΘΕΟΤΟΚΕ , καί φῶς τρισήλιον πᾶσι ἀνέτειλεν , τῆς μιᾶς Θεότητος καί κυριότητος .

   ΠΑΡΘΕΝΕ ΑΓΝΗ , ἐλέησον τούς δούλους Σου  καί ρῦσαι πυρός , καί πάσης κολάσεως , ἐν νυκτί κραυγάζοντας Καί ἡμέρᾳ τῷ Υἱῷ  Σου , ἌΧΡΑΝΤΕ , μή ὑπερίδης τήν ποίμνη Σου , πρεσβείαις Χριστέ , τῆς Τεκούσης σε. 

   Ναόν Σε καθαρόν καί ἄχραντον , ἈΕΙΠΑΡΘΕΝΕ ΘΕΟΤΟΚΕ , ὁ Παντουργός εὕρηκεν , μόνη σαφῶς ἐκ τοῦ αἰῶνος , ἐν 

ᾦ  κατοικήσας ἀνεμόρφωσεν , τήν τῶν ἀνθρώπων φύσιν , ὡς παντοδύναμος .

   Συνεκτικός κατ ᾿ οὐσίαν ὑπάρχων ὁ Θεός Λόγος , πάντων τῶν αἰώνων ἐν τῇ γαστρί Σου , ΠΑΡΘΕΝΟΜΗΤΟΡ , συνεσχέθη ἀφράστως , τούς ἀνθρώπους ἀνακαλούμενος , πρός τό ἑνικόν , τῆς μίας θεότητος .

   Ἀποῤῥήτως ΠΑΡΘΕΝΕ ὁ Ὕψιστος , ἄνθρωπος ἐγένετο ἐκ Σοῦ  τόν ἄνθρωπον ὁλικῶς ἐνδυσάμενος καί φωτί τρισηλίῳ κατηύγασε . 

   Εὐσπλαγχνίας κυήσασα Πηγήν , συμπαθής Σύ ὑπάρχεις ΘΕΟΤΟΚΕ , Σύ γάρ εἶ τῶν πιστῶν , μόνη ἀντίληψις , Σύ τῶν λυπουμένων ἡ παράκλησις , διό Σοι νῦν ἅπαντες , ἐν πίστει προσπίπτομεν , εὑρεῖν λύσιν δεινῶν , οἱ πλουτοῦντες Σε μόνην βοήθειαν .

   Ἰθύνειν ἡμᾶς , καί ὑψοῦν πρός οὐρανούς , μή διαλίπεις τούς Σέ φιλοῦντας , ὁ δι ᾿ ἄφατον φιλανθρωπίαν , γενόμενος ἄνθρωπος , ἐν μήτρᾳ ΠΑΡΘΕΝΟΥ , καί θεώσας τόν ἄνθρωπον , καί θρόνῳ δόξης , τῷ Πατρί καθεζόμενος . 

   Πάντα ὑπέρ ἔννοιαν , πάντα ὑπερένδοξα , τά Σά ΘΕΟΤΟΚΕ μυστήρια , τῇ ἁγνείᾳ ἐσφραγισμένῃ καί Παρθενίᾳ φυλαττομένη , Μήτηρ έγνώσθης ἀψευδής , Θεό Τεκοῦσα ἀληθινόν , αὐτόν ἱκέτευε , σωθῆναι τάς ψυχάς ἡμῶν .

   Ὑπερδεδοξασμένη ὑπάρχεις ΘΕΟΤΟΚΕ ΠΑΡΘΕΝΕ , ὑμνοῦμεν Σε · διά γάρ τοῦ Σταυροῦ τοῦ Υἱοῦ Σου , κατεβλήθη ὁ ἅδης , καί ὁ θάνατος τέθνηκεν · νεκρωθέντες ἀνέστημεν , καί ζωῆς ἠξιώθημεν , τόν Παράδεισον ἐλάβομεν , τήν ἀρχαίαν ἀπόλαυσιν · διό εὐχαριστοῦντες δοξολογοῦμεν , ὡς κραταιόν , Χριστόν τόν Θεόν ἡμῶν , καί μόνον πολυέλεον .

     Κανών τῆς ΘΕΟΤΟΚΟΥ Ἀναστάσιμος , ἦχος α΄

   Θανατώσεως τόν ὅρον ἀνεμόχλευσας τήν αἰωνίαν ζωήν , κυοφορήσασα Χριστόν , τόν ἐκ τάφου ἀναλάμψαντα σήμερον , καί τόν κόσμον φωτίσαντα .

   Ἀναστάντα κατιδοῦσα Σόν Υἱόν καί Θεόν , χαίροις σύν Ἀποστόλοις , ΘΕΟΧΑΡΙΤΩΤΕ ΑΓΝΗ , καί τό χαῖρε πρωτουργῶς , ὡς πάντων χαρᾶς , αἰτία εἰσδέδεξαι , ΘΕΟΜΗΤΟΡ ΠΑΝΑΜΩΜΕ . 

   Ἐπί τήν ἀκήρατον ζωήν ἐπανέρχομαι σήμερον ἀγαθότητι , τοῦ γεννηθέντος ἐκ Σοῦ , καί πᾶσιν τοῖς πέρασιν ΑΓΝΗ , τό φέγγος ἀστράψαντος .

   Θεόν ὅν ἐκύησας ΓΝΗ , ἐκ νεκρῶν καθώς εἶπεν ἐξεγειρόμενον , θεασαμένη ΑΓΝΗ , χόρευε , καί τοῦτον ὡς Θεόν , ἌΧΡΑΝΤΕ μεγάλυνε .

  Ὁ διαπλάσας τόν Ἀδάμ , τόν Σόν προπάτορα ΑΓΝΗ , πλάττεται ἐκ Σοῦ , καί θανάτῳ τῷ  οἰκείῳ ἔλυσε , τόν δι ᾿ ἐκείνου θάνατον σήμερον , καί κατηύγασε πάντας , ταῖς θεϊκαῖς ἀστραπαῖς τῆς ἀναστάσεως . 

   Ὅν ἀπεκύησας Χριστόν , ὡραιότατον ἐκ νεκρῶν , λάμψαντα ΑΓΝΗ καθορῶσα , ἡ καλή καί ἄμωμος ἐν γυναιξί , ὡραία τε , σήμερον εἰς πάντων σωτηρίαν , σύν Ἀποστόλοις χαίρουσα δόξαζε .

   Φωτίζεται θείαις ἀκτῖσιν , καί ζωηφόροις ταῖς τῆς Ἀναστάσεως τοῦ Υἱοῦ Σου , ΘΕΟΜΗΤΟΡ ἌΧΡΑΝΤΕ , καί χαρμονῆς ἐμπίπλαται , τῶν εὐσεβῶν ἡ ὁμήγυρις .

   Οὐκ ἤνοιξας Πύλας ΠΑΡΘΕΝΟΥ , ἐν τῶ σαρκοῦσθαΙ , μνήματος οὐκ ἔλυσας τάς σφραγίδας , Βασιλεῦ τῆς κτίσεως  ὅθεν ἐξαναστάντα Σε , θεασαμένη ἠγάλλετο .

   Ἀνῆκται τό πάλαι κρατούμενον , τῷ θανάτῳ καί φθορᾷ , διά τοῦ σαρκωθέντος , ἐκ Σῆς Ἀχράντου γαστρός , πρός τήν ἄφθαρτον καί ἀΐδιον ζωήν , ΘΕΟΤΟΚΕ ΠΑΡΘΕΝΕ . 

   Κατῆλθεν ἐν τοῖς κατωτάτοις τῆς γῆς , ὁ λαγόσι Σου ΑΓΝΗ , κατελθών καί οἰκήσας , καί σαρκωθείς ὑπέρ νοῦν , καί συνήγειρε ἑαυτῷ , τόν Ἀδάμ ἀναστάς ἐκ τοῦ τάφου .

    Νεκρώσας ὁ Υἱός Σου τόν θάνατον , ΠΑΝΑΜΩΜΕ , σήμερον , πᾶσι τοῖς θνητοῖς , τήν διαμένουσαν ζωήν , εἰς αἰῶας αἰώνων δεδώρηται , διό Σέ υμνοῦμεν ὡς τῆς σωτηρίας πάντων αἰτίαν .

   Ὁ πάσης βασιλεύων τῆς κτίσεως , γενόμενος ἄνθρωπος ὤκησεν τήν Σήν , ΘΕΟΧΑΡΙΤΩΤΕ νηδύν · καί σταυρόν ὑπομείνας καί θάνατον , ἀνέστη θεοπρεπῶς , συνεγείρας ἡμᾶς ὡς παντοδύναμος .

   Ἦλθεν διά Σοῦ εἰς τόν κόσμον ὁ Κτίστης , ΠΑΡΘΕΝΕ ΘΕΟΤΟΚΕ , καί τήν γαστέρα τοῦ ἅδου διαρρήξας θνητοῖς , τήν ἀνάστασιν ἡμῖν ἐδωρήσατο , διό Σε ὑμνοῦμεν εἰς πάντας τούς αἰῶνας .

   Ὅλον καθελών τοῦ θανάτου τό κράτος , ὁ Υἱός Σου ΠΑΡΘΕΝΕ , ἐν τῇ αὐτοῦ Ἀναστάσει , ὡς Θεός κραταιός , συνανύψωσεν ἡμᾶς καί ἐθέωσεν · διό ἀνυμνοῦμεν Σε πόθῳ εἰς αἰῶνας .

   Συμφώνως ΠΑΡΘΕΝΕ , Σέ μακαρίζομεν πιστοί , χαῖρε , Πύλη Κυρίου · χαῖρε Πόλις ἔμψυχος , χαῖρε , δι ᾿ ἧς ἡμῖν σήμερον ἔλαμψεν φῶς τοῦ ἐκ Σοῦ τεχθέντος , τῆς ἐκ νεκρῶν ἀναστάσεως . 

   Εὐφραίνου , ἀγάλλου , ἡ θεία Πύλη τοῦ φωτός · ὁ γάρ δύνας ἐν τάφῳ , Ἰησοῦς ἀνέτειλεν , λάμψας ἡλίου φαιδρότερον , καί τούς πιστούς , πάντας καταυγάσας , ΘΕΟΧΑΡΙΤΩΤΕ ΔΕΣΠΟΙΝΑ .

                                          ἦχος β ΄

   Τήν ἀρχαίαν ἀράν , ἐν γαστρί Σου λύσασα ΣΕΜΝΗ , ἀνεβλάστησας ἡμῖν τήν ἀφθαρσίαν βρέφος Τεκοῦσα · οὗτος ὁ Θεός ἡμῶν , εἰ καί σάρκα φορεῖ .

   Παρεστῶσα τῷ Σταυρῷ , ἡ Ἀμνάς σου Ἰησοῦ  , κλαυθμῷ ἐβόα · ποῦ πορεύη Υἱέ ; ποῦ ἀπέρχῃ ὁ Ἀμνός , ὁ ὑπέρ πάντων σφαγείς ;

   Μακαρία εἶ ΣΕΜΝΗ , ἡ ἐκ ρίζης Ἰεσσαί , ἐξ ' ἦς ἡ ράβδος , καί τό ἄνθος Χριστός , κατά σάρκα δι ᾿ ἡμᾶς ἀναβλαστήσασα . 

   Τόν ἐν γαστρί Σου σκηνώσαντα , ἀλοχεύτως Τεκοῦσα , ΜΗΤΡΟΠΑΡΘΕΝΕ ΑΓΝΗ , ἀκαταπαύστως ἱκέτευε , ὡς ΘΕΟΤΟΚΟΣ , λῦσαι μου τά δεσμά τῶν πολλῶν ἐγκλημάτων , δύνασαι γάρ ὅσα θέλεις βοηθεῖν . 

   Σέ τήν ἀσπόρως κυήσει , γεννήσασαν ὑπέρ φύσιν , Χριστόν τόν μόνον Δεσπότην , ἀνυμνοῦμεν οἱ πιστοί .

   Γαστρί ἀγεωργήτως συνέλλαβες  ΑΓΝΗ , τῆς ἀφθαρσίας τόν βότρυν ὡς ἄμπελος , ἐξ ᾿ οὗ τῆς ἀθανασίας οἱ κρουνοί , ὡς οἶνον ἡμῖν πηγάζουσιν , τήν αἰώνιον ζωήν .

   Ἐν τῇ γαστρί Σου ἌΧΡΑΝΤΕ , πῶς ἐχώρησας βρέφος , ὅν τρέμουσιν αἱ Δυνάμεις, τῶν Ἀγγέλων ὡς Θεόν ; εἰ μή ὡς ἠβουλήθη , ὡς οἶδεν , ἐσκήωσε , πάντας θέλων σῶσαι , τούς ἐξ ᾿ Ἀδάμ γγενεῖς , λύσας τόν Ἀδάμ  τῆς ἀρᾶς ἐκείνης , τῆς διά βρώσεως πικρᾶς . 

   Ἐν τῇ γαστρί Σου ΑΓΝΗ , τόν ἀείζωον Ἄρτον  , φυραθέντα ἀφύρτως , ἐν φυράματι ἡμῶν , ἐγέννησας ἀτρέπτως , ἕνα Χριστόν , τόν Θεόν ἐν δυσί ταῖς οὐσίαις . 

   Τήν ὑπερφυῶς σαρκί συλλαβοῦσαν ἐν γαστρί , τόν ἐκ Πατρός ἀχρόνως προεκλάμψαντα Λόγον , ἐν ὕμνοις ἀσιγήτοις , μεγαλύνομεν πιστοί .

   Εὐφραινάσθω Ἰεσσαί  , χορευέτω καί Δαυίδ , ἰδού γάρ ἡ ΠΑΡΘΕΝΟΣ , ἡ θεόφυτος ράβδος , ἐβλάστησεν τό ἄνθος  , τό ἀείζωον Χριστόν .

   Εὐσπλαγχνίας ὑπάρχουσα Πηγή , συμπαθείας ἀξίωσον ἡμᾶς ΘΕΟΤΟΚΕ , βλέψον εἰς λαόν τόν ἁμαρτήσαντα , δεῖξον ὡς ἀεί τήν δυναστείαν Σου · εἰς Σέ γάρ ἐλπίζοντες , τό χαῖρε βοῶμεν Σοι , ὡς ποτέ ὁ Γαβριήλ , ὁ τῶν Ἀσωμάτων Ἀρχιστράτηγος . 

   Τούς νόμους λαθοῦσα τῆς φύσεως , τῷ θείῳ τόκῳ , τήν ΠΑΡΘΕΝΙΑΝ συνήρμοσας , μόνη γάρ ἔτεκες , τόν πρό Σοῦ γεννηθέντα ἀχρόνως · διό Σε ΘΕΟΤΟΚΕ μεγαλύνομεν .   

   Παρεστῶσα τῷ Στυαρῷ , ἡ ἀσπόρως Τεκοῦσα σε , καί μή φέρουσα ἀδίκως πάσχοντα , ὠλοφύρετο κλαυθμῷ καί ἀνεβόα σοι · πῶς πάσχεις , ὁ τῇ φύσει ἀπαθής , γλυκύτατε Υἱέ ; ὑμνῶ σου , τήν ἄκραν αγαθότητα .  

   Θείας γεγόναμεν κοινωνοί φύσεως διά Σοῦ ΘΕΟΤΟΚΕ ΑΕΙΠΑΡΘΕΝΕ , Θεόν γάρ ἡμῖν , σεσαρκωμένον ἔτεκες · διό κατά χρέος Σε πάντες , εὐσεβῶς μεγαλύνομεν .

   Ἡ ΠΑΡΘΕΝΟΣ , καί Μήτηρ σου Χριστέ , ἐπί ξύλου ὁρῶσα σε νεκρόν ἠπλωμένον , κλαίουσα πικρῶς , Υἱέ Μου ἔλεγεν · τί τό φοβερόν τοῦτο μυστήριον , ὁ πᾶσιν δωρούμενος ζωήν , ἑκουσίως ἐν Σταυρῷ , πῶς θνἠσκεις, θάνατον ἐπονείδιστον ; 

δ. Κατά τήν Δ Κυριακή τοῦ πάσχα καί καθ ᾿ ὅλην τήν ἑβδομάδαν .            

                                 ἦχος γ ΄    

   Μέγιστον θαῦμα ! ΠΑΡΘΕΝΟΣ Τεκοῦσα , καί τό τεχθέν , Θεός πρό αἰώνων · προφανής ὁ τόκος , καί τό τελούμενον ὑπέρ φύσιν , · Ὤ μυστηρίου φρικώδους !!! ὄ καί νοούμενον , ἄφραστον μένει , καί θεωρούμενον , οὐ καταλαμβάνεται · Μακαρία εἶ Σύ Ἄχραντε ΚΟΡΗ , Ἀδάμ τοῦ γηγενοῦς θυγάτηρ , καί τοῦ Θεοῦ τοῦ Ὑψίστου φανεῖσα Μήτηρ · αὐτόν ἱκέτευε , σωθῆναι τάς ψυχάς ἡμῶν .

   Μεγάλης διά Σοῦ εὐεργεσίας ἌΧΡΑΝΤΕ , τυχόντες σύν Ἀγγέλοις , τόν τόκον Σου δοξάζομεν , τόν καταξιώσαντα ἐν μήτρᾳ Σου τεχθῆναι , δι ᾿ ἄκραν εὐσπλαγχνίαν , καί ἀναπλάσατα τῶν ἀνθρώπων τό γένος .

   Σέ πάντες καταφύγιον , καί θείαν σκέπην ΑΓΝΗ , ἁμαρτωλοί ἐν βίῳ , κεκτήμεθα ΠΑΡΘΕΝΕ , ἱκετεύομεν οὖν πάντες τήν Σήν εὐσπλαγχνίαν  · μή ἀποστῆς ἀφ ᾿ ἡμῶν δεόμεθα , ἀλλ ᾿ ἐλέει καί σῶζε .

   Τό χαῖρε  ΘΕΟΤΟΚΕ Μήτηρ ἈΕΙΠΑΡΘΕΝΕ , οἱ χοϊκοἰ Σου δοῦλοι προσφέρομεν ἀξίως , σύν τῷ Γαβριήλ τῷ θείῳ ταξιάρχῃ · καί γάρ χαρᾶς πρόξενος , καί ἀγαλλίαμα , Σύ ἐγένου , τῶ κόσμῳ .

   Πῶς μή θαυμάσωμεν , τόν θεανδρικον Σου τόκον ΠΑΝΣΕΒΑΣΜΙΕ ; πεῖραν γάρ ἀνδρός , μή δεξαμένη ΠΑΝΑΜΩΜΕ , ἔτεκες ἀπάτορα Υἱόν ἐν σαρκί , τόν πρό αἰώνων ἐκ Πατρός γεννηθέντα ἀμήτορα , μηδαμῶς ὑπομείναντα τροπήν  , ἤ  φυρμόν , ἤ διαίρεσιν , ἀλλ ᾿ ἑκατέρας οὐσίας τήν ἰδιότητα σώαν φυλάξαντα · διό ΜΗΤΡΟΠΑΡΘΕΝΕ ΔΕΣΠΟΙΝΑ , αὐτόν ἱκέτευε σωθῆναι , τάς ψυχάς τῶν ὀρθοδόξως , ΘΕΟΤΟΚΟΝ ὁμολογούντων Σε. 

                                ἦχος πλ. α ΄

   Ναός καί Πύλη ὑπάρχεις , Παλάτιον καί Θρόνος τοῦ Βασιλέως , ΠΑΡΘΕΝΕ ΠΑΝΣΕΜΝΕ · δι ᾿ ἧς ὁ λυτρωτής μου Χριστός ὁ Κύριος , τοῖς ἐν σκότει καθεύδουσιν ἐπέφανεν , Ἥλιος ὑπάρχων Δικαιοσύνης , φωτίσαι θέλων , οὕς ἔπλασεν , κατ ᾿ εἰκόναν ἰδίαν , χειρί τῇ ἑαυτοῦ · διό ΠΑΝΥΜΝΗΤΕ , ὡς μητρικήν παρρησίαν πρός αὐτόν κεκτημένην , ἀδιαλείπτως πρέσβευε , σωθῆναι τάς ψυχάς ἡμῶν .

                                        ἦχος γ ΄

   Ὡς φιλάνθρωπος φύσει , τήν τῶν ἀνθρώπων οὐσίαν προσηλειφώς Θεοῦ Λόγε , τό τρισσόν ἔλαμψας μοναρχικώτατον φῶς , Δεδοξασμένην τοῖς πᾶσιν , δείξας τήν Τεκοῦσαν σε , ΠΑΡΘΕΝΟΝ ἌΧΡΑΝΤΟΝ .

    Ἀπό τοῦ θρόνου κατῆλθεν τοῦ ὑψηλοῦ , ὁ Χριστός , τόν ἄνθρωπον ἀνυψῶν , ὡς φιλάνθρωπος , διά Σοῦ ΠΑΝΑΧΡΑΝΤΕ , καί τό τρισήλιον φῶς ἔλαμψεν πᾶσι . 

   Ὁ ὑπερούσιος , Θεός καί Κύριος , ἐκ Σοῦ σεσάρκωται , δι ᾿ ἀγαθότητα · τό καθ ᾿ ἡμᾶς οὐσιωθείς , καί μείνας ὅπερ πέφυκεν · ὅθεν καί θεάνθρωπον , τοῦτον σέβοντες ΠΑΝΑΓΝΕ , Σέ τήν Ἀπειρόγαμον , ΘΕΟΤΟΚΟΝ κηρύττομεν , δοξάζοντες τό μέγιστον θαῦμα, τῆς Σῆς ἀσπόρου κυήσεως . 

   Νυμφῶνα φωτοφόρον καί καθαρόν , ΠΑΡΘΕΝΕ γεγονυῖα Θεοῦ , Σέ ὑμνοῦμεν πόθῳ καί μακαρίζομεν · ἐκ Σοῦ γάρ ἐτέχθη Χριστός , ἐν οὐσίαις καί θελήσεσιν διτταῖς , ὁ εἷς τῆς Τριάδος , καί τῆς δόξης ὤν Κύριος .

   Ἄνοιξον τάς πύλας μοι τοῦ φωτός , τοῦ κυηθέντος ἐκ νηδύος Σου ἌΧΡΑΝΤΕ , ἵνα βλέπω τρίφωτον ἀκτῖνα τῆς Θεότητος , καί δοξαζω Σε τήν ὁλόφωτον ΔΕΣΠΟΙΝΑ .

   Θαῦμα μέγιστον πῶς συνεσχέθη !!! ὁ ἀχώρητος ἐν τῇ γαστρί Σου , καί ἐσαρκώθη καί ἐφάνη ὡς ἄνθρωπος , μή ὑπομείνας φυρμόν , ἤ διαίρεσιν , τῆς θεϊκῆς καί ἀτρέπτου Θεότητος , ΚΟΡΗ ΠΑΝΑΓΝΕ , διό ΘΕΟΤΟΚΟΝ Σε πιστῶς , κηρύττομεν ἀεί καί δοξάζομεν .

   Ἐφάνη ἐπί τῆς γῆς , γενόμενος ἄνθρωπος , ὁ παντουργός ἀγαθοπρεπῶς , ἐκ ΠΑΡΘΕΝΙΚΗΣ καί Ἄχράντου Σου γαστρός , καί ἡμᾶς ἐθέωσεν , Εὐλογημένη ΠΑΝΑΓΝΕ , ΘΕΟΤΟΚΕ ΠΑΝΑΧΡΑΝΤΕ .   

    Χρησμοί προφητῶν , τόν Σόν τόκον , πόῤῥωθεν ἰδόντες ΘΕΟΤΟΚΕ ἀνευφήμουν , ὡς ἀσπόρως , καί ὑπέρ φύσιν , γεννηθέντα ΔΕΣΠΟΙΝΑ · καί συμφώνως Σέ ὑμνοῦμεν , καί δοξολογοῦμεν ὀρθοδόξως εἰς αἰῶνας .

   Ναόν με δεῖξον τῆς μοναρχικῆς , καί τριφεγγοῦς σου θεαρχίας φωτοειδῆ , καθαρῶς λατρεύειν σε τόν κτίστην τῶν ὅλων , καί τῆς ἀφράστου δόξης θεωρόν , πρεσβείαις τῆς μόνης ΘΕΟΤΟΚΟΥ , Ἥν ἐπαξίως ὡς ὙΠΕΡΕΝΔΟΞΟΝ μεγαλύνομεν .

   Τήν ὡραιότητα τῆς ΠΑΡΘΕΝΙΑΣ Σου , καί τό ὑπέρλαμπρον , τό τῆς Ἁγνείας Σου , ὁ Γαβριήλ καταπλαγείς , ἐβόα Σοι ΘΕΟΤΟΚΕ · ποῖον Σοι ἐγκώμιον προσαγάγω ἐπάξιον ; τί δέ ὀνομάσω Σε , ἀπορῶ καί ἐξίσταμαι · διό ὡς προσετάγην βοῶ Σοι · χαῖρε , ἡ ΚΕΧΑΡΙΤΩΜΕΝΗ .

   Τά ἐπουράνια  , πόθῳ ἠγάλλοντο , καί τά ἐπίγεια , τρόμῳ ἐξίσταντο , ὅτε ἡ ἄχραντος φωνή , ἐπῆλθε Σου ΘΕΟΤΟΚΕ · μία γάρ πανήγυρις ἀμφοτέρεις ἐπέλαμψεν , ὅτι τόν Πρωτόπλαστον , ἐκ θανάτου ἐρρύσατο , διό σύν τῶ Ἀγγέλῳ βοῶμεν Σοι · χαῖρε ΑΓΝΗ ΠΑΡΘΕΝΟΜΗΤΩΡ .

   Τήν τιμῶσαν ταύτην , ΑΓΝΗΝ Πόλιν Σου  πάντοτε πιστῶς , περίσωζε κινδύνων , ἁλώσεως , βαρβάρων , πολέμου ἐμφυλίου , καί μαχαίρας , καί πάσης ἄλλης ἀπειλῆς .

   Ἄσπορον ἔσχες σύλληψιν καί ὑπέρ νοῦν τοκετόν    ΠΑΡΘΕΝΟΜΗΤΟΡ  ἌΧΡΑΝΤΕ · ἔργον φρικῶδες , θαῦμα μέγιστον , Ἀγγέλοις τιμώμενον , βροτοῖς δοξαζόμενον , ΚΟΡΗ ΔΕΣΠΟΙΝΑ .

   Ἡ ΑΓΝΗ πῶς θηλάζεις ; πῶς δέ ἐγέννησας βρέφος , τοῦ Αδάμ ἀρχαιότερον , πῶς ἐν ἀγκάλαις φέρεις Υἱόν , τόν ἐπί ὤμων Χερουβικῶν ; ὡς ἐπίστται , ὡς οἶδεν , ὁ τό πᾶν οὐσιώσας . 

   Τήν ἄσπορον λοχείαν Σου ΑΓΝΗ , τήν ἀκατάλληπτον ὑμνοῦμεν Σου γέννησιν · μακαρίζοντες ὡς Μητέρα Σε τοῦ ποιητοῦ πάντων καί ΔΕΣΠΟΙΝΑ . 

   Ὁ πάντα θείῳ νεύματι φέρων , κρατεῖται ΘΕΟΤΟΚΕ ΠΑΡΘΕΝΕ , ἐν ταῖς ἀγκάλαις ταῖς Σαῖς , πάντας ἡμᾶς ἁρπάζων χειρός , δουλείας τοῦ πονηροῦ , ὡς οἰκτίρμων . 

   ΠΑΡΘΕΝΕΥΕΙΣ Τεκοῦσα ὑπέρ λόγον , τόν πρό πάντων αἰώνων γεννηθέντα , ἐκ τοῦ ἀνάρχου Πατρός ἀῤῥεύστως , διά τοῦτο ΑΓΝΗ , ἀεί Σέ μακαρίζομεν .

   Τόμον Σε πάλαι ἐθεάσατο ὁ Ἡσαΐας , ΑΕΙΠΑΡΘΕΝΕ , ἐν ᾧ δακτύλῳ τοῦ Πατρός , Λόγος ἄχρονος ἐγρέγραπτο , ἐκ πάσης ἀλογίας σώζων ἡμᾶς , τούς λόγους Σε ἱερεῖς ἀνυμνοῦντας . 

   Φωτοφόρου προῆλθεν νηδύος Σου , μέγας Ἥλιος Χριστός , καί τόν κόσμον ἐφώτισεν ἌΧΡΑΝΤΕ , ἐπιλάμψεσι φαιδραῖς , καί τό σκότος ἐξῆρε , τό τῆς παραβάσεως · ὅθεν ὑμνοῦμεν Σε , πάντων ὡς αἰτίαν τῶν καλῶν ΘΕΟΝΥΜΦΕΥΤΕ .

   Καταφυγή καί δύναμις ἡμῶν ΘΕΟΤΟΚΕ , ἡ κραταιά βοήθεια τοῦ κόσμου , ταῖς πρεσβείαις Σου σῶζε τούς δούλους Σου , ἐκ πάσης ἀνάγκης , Μόνη Ευλογημένη . 

                                 ἦχος δ ΄

   Ὁ φύσει ζωοποιός καί ἐκ ΠΑΡΘΕΝΟΥ , γεννηθείς Κύριος , πᾶσι πιστοῖς δεδώρηται , τήν ἀθανασίαν ὡς εὔσπλαγχνος .  

   Νέμεις πλουσίως τήν χάριν , τοῖς Σέ ὑμνοῦσιν , καί τόν ἐκ Σοῦ τεχθέντα προαιώνιον Λόγον , Μῆτερ ἈΠΕΙΡΟΓΑΜΕ , πταισμάτων  τήν ἄφεσιν , τούτοις αἰτουμένη ΠΑΝΑΧΡΑΝΤΕ .

   Νοῦς ἀρχαγγελικός οὐκ ἰσχύει , νοῆσαι σου , τόν ἄφραστον ἐκ ΠΑΡΘΕΝΟΥ , καί Πανάχραντον τόκον , Σωτήρ μου πολυέλεε .

   Γενοῦ μοι προστασία , καί τεῖχος ἀκράδαντον , τῶν κοσμικῶν με σκανδάλων , λυτρουμένη μόνη ΘΕΟΓΕΝΝΗΤΟΡ , καί ταῖς θείαις φωτοχυσίαις  καταλαμπρύνουσα .

   Τό τοῦ Ὑψίστου θεῖον σκήνωμα , χαῖρε · διά Σοῦ γάρ δέδοται ἡ χαρά , ΘΕΟΤΟΚΕ τοῖς κραυγάζουσιν · Εὐλογημένη Σύ ἐν γυναιξίν , ὑπάρχεις ΠΑΝΑΜΩΜΕ ΔΕΣΠΟΙΝΑ .

   Ἰδού νῦν ἐξέλιπεν σαφῶς , ἐκ τῆς φυλῆς Ἰούδα ἄρχων ἡγούμενος · Σύ γάρ ΠΑΝΑΜΩΜΕ τέτοκας , τά αὐτῶν πρίν ἀποκείμενα , τήν προσδοκίαν τῶν ἐθνῶν , Χριστόν τόν Θεόν , διό καί Σοί ψαλλομεν · Εὐλογημένη εἶ ἡ τόν Χριστόν κυήσασα .

   Ὡς ρίζαν πηγήν καί αἰτίαν , τῆς ἀφθαρσίας Σε ΠΑΡΘΕΝΕ , πάντες οἱ πιστοί πεπεισμένοι , ταῖς εὐφημίαις καταγεραίρομεν , Σύ γάρ τήν ἐνυπόστατον , ἀθανασίαν ἡμῖν ἔβλυσας .

                                      ἦχος πλ. δ ΄

   Μόνη ἐχώρησας τόν κτίστην τόν ἴδιον , ΘΕΟΓΕΝΝΗΤΟΡ ἐν γαστρί , καί σαρκί ἐκύησας ἀφράστως , καί ΠΑΡΘΕΝΟΣ ἔμεινας , μηδέν τῆς λυμανθείσης , τοῦτον ΑΓΝΗ , ὡς Υἱόν Σου καί Θεόν , ἀπαύστως πρέσβευε , ὑπέρ τῆς ποίμνης Σου ἀεί .

   Εἷς τῆς Τριάδος ὤν , γενόμενος σάρξ ὡράθης , οὐ τρέψας , Κύριε , τήν οὐσίαν , οὐδέ φλέξας  τῆς Τεκούσης , τήν ἄφθορον γαστέρα , Θεός ὤν ὅλος καί πῦρ .

   Ἡ ἐν γαστρί Σου τόν Θεόν , ἀπεριγράπτως κυήσασα ΘΕΟΝΥΜΦΕ ΠΑΡΘΕΝΕ ΑΓΝΗ , μή παύση πρεσβεύουσα ὑπέρ ἡμῶν , ὅπως διά Σοῦ ρυσθῶμεν , τῶν περιστάσεων , πρός Σέ γάρ ἀεί καταφεύγομεν .

   Γέγονεν ἡ κοιλία Σου Ἁγία Τράπεζα , ἔχουσα τόν οὐράνιον ῎Αρτον , ἐξ ᾿ οὗ πᾶς ὁ τρώγων , οὐ θνήσκει , ὡς ἔφησεν , ὁ τοῦ παντός ΘΕΟΓΕΝΝΗΤΟΡ τροφεύς .

   ΠΑΡΘΕΝΟΝ μερά τόκον ὑμνοῦμεν Σε , ΠΑΡΘΕΝΟΝ καί Μητέρα δοξάζομεν , Σέ μόνην ΑΓΝΗ , ΘΕΟΝΥΜΦΕ ΚΟΡΗ , ἐκ Σοῦ γάρ ὄντως Θεός ἐσαρκώθη , ζωοποιήσας ἡμᾶς .

   Ἐν γαστρί Σου ἐχώρησας , τόν ἀχώρητον Λόγον , ἐκ μαζῶν Σου ἐθήλασας , τοῦ κόσμου τόν τροφέα , ἀγκάλαις ἐβάστασας , τόν παροχέα ἡμῶν ΘΕΟΓΕΝΝΗΤΟΡ ΑΓΝΗ .

   Πῶς ἐγέννησας εἰπέ , τόν ἐκ Πατρός ἀχρόνως προεκλάμψαντα , καί σύν Ἁγίῳ Πνεύματι , ὑμνούμενον  ; ἤ ὡς οἶδεν , ὀμόνος εὐδοκήσας , ἐκ Σοῦ Τεχθῆναι ΘΕΟΤΟΚΕ .

   Ἐχώρησας ἐν γαστρί Σου ΠΑΡΘΕΝΟΜΗΤΟΡ , τόν ἕνα τῆς Τριάδος , Χριστόν τόν Ζωοδότην , ὅν ὑμνεῖ πᾶσα φύσις καί τρέμουσιν οἱ ἄνω θρόνοι · αὐτόν δυσώπει ΠΑΜΜΑΚΑΡΙΣΤΕ , σωθῆναι τάς ψυχάς ἡμῶν .

   Ἀλλότριον τῶν μητέρων ἡ παρθενία, καί ξένον ταῖς παρθένοις ἡ παιδοποιΐα , ἐπί Σοί  ΘΕΟΤΟΚΕ , ἀμφότερα ὠκονομήθη , διό Σε πᾶσαι αἱ φυλαί τῆς γῆς , ἀπαύστως μακαρίζομεν .

                                   ἦχος γ ΄

   Προφῆται προεκήρυξαν , Ἀπόστολοι ἐδίδαξαν , Μάρτυρες       ὡμολόγησαν , καί ἡμεῖς ἐπιστεύσαμεν, ΘΕΟΤΟΚΟΝ κυρίως Σε ὑπάρχουσαν , διό καί μεγαλύνομεν , τόν τόκον Σου τόν ἄφραστον .

   Ράβδον δυνάμεως κεκτημένοι , τόν Σταυρόν τοῦ Υἱοῦ Σου ΘΕΟΤΟΚΕ , ἐν αὐτῶ καταβάλλομεν τῶν ἐχθρῶν τά φρυάγματα , οἱ πόθῳ Σε ἀπαύστως μεγαλύνοντες . 

   Σέ τήν μεσιτεύσασαν , τήν σωτηρίαν τοῦ γένους ἡμῶν ,  ἀνυμνοῦμεν ΘΕΟΤΟΚΕ ΠΑΡΘΕΝΕ · ἐν τῆ σαρκί γάρ τῇ ἐκ Σοῦ προσληφθείσῃ ὁ Υἱός Σου και Θεός ἡμῶν , τό διά Σταυροῦ καταδεξάμενος πάθος , ἐλυτρώσατο ημᾶς , ἐκ φθορᾶς ὡς φιλάνθρωπος .

  ε. Κατά τήν  Ε ΄Κυριακήν τοῦ Πάσχα , καί καθ ᾿ ὅλην τήν Ἑβδομάδαν .

                                      ἦχος δ ΄

   Ἀσπόρως συνέλαβες , καί ἐκύησας ἀφράστως , τόν καθελόντα δυνάστας από θρόνων , καί ὑψοῦντα ταπεινούς , καί ἐγείροντα κέρας χρηστῶν αὐτοῦ , τούς δοξαζοντας;Χριστοῦ τόν Σταυρόν , καί τήν τήν Ταφήν , καί τήν ἔνδοξον Ἀνάστασιν ·διό Σε ΘΕΟΤΟΚΕ , τήν πρόξενον τῶν τοσούτων ἀγαθῶν , ἀσιγήτοις ἐν ὠδαῖς μακαρίζομεν , ὡς πρεσβεύουσαν ἀεί , τοῦ σωθῆναι τάς ψυχάς ἡμῶν.

   Ὁ ἐξ ἀνάρχου Πατρός ἀχρόνως , διά συγκατάβασιν καί σωτηρίαν βροτῶν , Θεός ὤν ἄνθρωπος γέγονεν , ἵνα παράσχῃ , τῷ Πρωτοπλάστῳ νῦν τόν Παράδεισον · ἅμα καί τήν ἅπασαν φύσιν λυτρώσηται , ἐκ τῆς ἀπάτης τοῦ ὄφεως · καί τήν εἰκόναν πεσοῦσαν σώσῃ ὡς εὐδιάλλακτος · ὅθεν ΜΗΤΕΡΑ ἀπειργάσατο , Νυμφοτόκον ΑΓΝΗΝ , τήν ἀμόλυντον · ἥν ὡς ἄγκυραν πάντες τῶν ψυχῶν ἡμῶν κεκτήμεθα .

   Σωματωθέντα τόν Κτίστην τῶν ἁπάντων , ἔσχες ἐν τῇ μήτρᾳ Σου ΘΕΟΜΑΚΑΡΙΣΤΕ , ἀναμορφοῦντα τόν ἄνθρωπον , τόν πρίν πεσόντα , τῇ παραβάσει διά τοῦ ὄφεως · Θεόν γάρ ἐγέννησας , σαρκί ἀφράστως ἡμῖν , καί τῆς φθορᾶς ἠλευθέρωσας , τήν φύσιν πᾶσαν , παλαιωθεῖσαν διά τοῦ τόκου Σου · διό ὑμνοῦμεν καί δοξάζομεν , Σοῦ τήν χάριν ΠΑΡΘΕΝΕ Ἀνύμφευτε , δυσωποῦντες ρυσθῆναι , διά Σοῦ κολάσεως .

   Ἵνα Σου πᾶσι τό πλῆθος τοῦ ἐλέους , καί τῆς ἀγαθότητος ἀνακαλύψῃς ἡμῖν , τό ἀδιόριστον πέλαγος , τάς ἁμαρτίςας , τῶν ἱκετῶν Σου πάσας ἐξάλειψον · ἔσχες γάρ ΠΑΝΑΜΩΜΕ , ὡς Μήτηρ οὖσα Θεοῦ , τήν ἐξουσίαν τῆς φύσεως καί διεξάγεις , πάντα ὡς θέλεις , τῇ δυναστείᾳ Σου · καί γάρ ἡ χάρις ἡ τοῦ Πνεύματος , τοῦ Ἁγίου σαφῶς ἐνοικοῦσα ἐν Σοί , συνεργεῖ Σοι ἐν πᾶσιν , ἀενάως ΠΑΜΜΑΚΑΡΙΣΤΕ .

   Ὁ διά Σέ θεοπάτωρ προφήτης Δαυίδ , προφητικῶς περί Σοῦ προανεφώνησε , τά μεγαλεῖα Σοι ποιήσαντι · παρέστη ἡ Βασίλισσα ἐκ δεξιῶν σου · Σέ γάρ Μητέρα πρόξενον ζωῆς ἀνέδειξεν , ὁ ἀπάτωρ ἐκ Σοῦ ἐνανθρωπῆσαι , εὐδοκήσας Θεός · ἵνα τήν ἑαυτοῦ ἀναπλάση εἰκόνα , φθαρεῖσαν τοῖς πάθεσιν , καί τό πλανηθέν ὀρειάλωτον εὑρών πρόβατον , τῷ Πατρί προσαγάγῃ , καί τῶ ἰδίῳ θελήματι , ταῖς οὐρανίαις συνάψῃ δυνάμεσι , καί σώσῃ ΘΕΟΤΟΚΕ , τόν κόσμον Χριστός , ὁ ἔχων τό μέγα καί πλούσιον ἔλεος .

   Ἀφράστως , τόν ποιητήν γεγέννηκας , τῶν ὅλων ΠΑΝΑΓΝΕ , τῆς παλαιᾶς λυτρούμενον ἀρᾶς , τούς βροτούς καί θανάτου φθορᾶς · καί διά Σου ΘΕΟΤΟΚΕ ἐπέγνωμεν  , ἕνα Θεόν τρισυπόστατον .

   Στοιχειοθέντος τοῦ Υἱοῦ Σου σοφαῖς εἰσηγήσεσιν , ἑνικήν καί τριλαμπήν τήν θεαρχίαν δοξάζομεν , καί Σέ μακαρίζομεν τήν ἈΕΙΠΑΡΘΕΝΟΝ .

   Πολλαῖς περιστάσεσιν καί συμφοραῖς τῶν δεινῶν , ΠΑΡΘΕΝΕ κυκλούμενοι , καί πρός ἀπόγνωσιν , ἀεί περιπίπτοντας , μόνην Σε σωτηρίαν , καί ἐλπίδα καί τεῖχος , ἔχομεν ΘΕΟΤΟΚΕ , καί πρός Σέ κατά χρέος , ἐν πίστει καί νῦν προστρέχομεν , σῶσον τούς δούλους Σου .

   Ὁπτανόμενος τοῖς πάλαι , τυπικῶς προκατήγγειλεν , τήν ἐκ Σοῦ ΠΑΡΘΕΝΕ σάρκωσιν ὁ Λόγος · ἀλλα ᾿ ὕστερον , ἐπιφανείς τοῖς ἀνθρώποις , τρισυπόστατον μίαν ἀρχήν ἐφανέρωσεν .

   Θεῶσαι βουλόμενος , τόν πρίν φθαρέντα ἄνθρωπον , ὁ δι ᾿ ἀγαθότητα ΠΑΡΘΕΝΕ , πλάσας καί δείξας , εἰκόνα θείας μορφῆς , ἄνθρωπος ἐγένετο ἐκ Σοῦ , καί μίαν τρισάριθμον Θεαρχίαν κατήγγειλεν .

   Ἠξίωσε μορφωθῆναι σαφῶς τό ἡμέτερον , ἐν ΠΑΡΘΕΝΟΥ , ὁ Υἱός τοῦ Θεοῦ ὡς φιλάνθρωπος , καί τῆς θείας δόξης , κοινωνούς τούς ἀνθρώποις ἐποίησε .

   Τόν χρόνον ἐπέκεινα , καί πρό αἰώνω Θεόν , ἐν χρόνῳ ἐκύησας ὑπερφυῶς ἐν σαρκί , Θεάνθρωπον ἌΧΡΑΝΤΕ · ὅθεν Σε ΘΕΟΤΟΚΟΝ , ἀληθῶς καί κυρίως , πάντες ὁμολογοῦντες , ἐκτενῶς Σοι βοῶμεν · τῆς δόξης τῆς αἰωνίου πάντας ἀξίωσον .

   Ὁ κατ ᾿ οὐσίαν ἀθεώρητος Λόγος καί παντουργός , ὤφθης τοῖς ἀνθρώποις , ἄνθρωπος , ἐξ ᾿ ἉΓΝΗΣ ΘΕΟΜΗΤΟΡΟΣ , τόν ἄνθρωπον ἀνακαλούμενος ,πρός μετουσίαν τῆς θεότητος .

   Σῶσον τούς εἰς Σέ πιστεύοντας Κύριε , καί καταγγέλοντας , ἄναρχον , ἀΐδιον οὐσίαν μίαν , τρία δέ πρόσωπα , θεαρχικά καί σύμμορφα σῆς κυριότητος , καί τῆς θείας δόξης σου ἀξίωσον , ταῖς λιταῖς τῆς ΑΓΝΗΣ ΘΕΟΜΗΤΟΡΟΣ. 

   Νοῦς μέν ὁ ἀγέννητος Πατήρ , καί Λόγος σύμμορφος , καί Πνεῦμα σύνθρωνον  οὐσία , δύναμις , ὕπαρξις , ὑπερούσιε , ἀνέκφραστε , μεγαλουργέ Τριάς μονάς, φρούρει τήν ποίμνην σου , ταῖς πρεσβείαις τῆς ΘΕΟΤΟΚΟΥ , ὡς φιλάνθρωπος .

   Τό ἀπ ᾿ αἰῶνος ἀπόκρυφον , καί Ἀγγέλοις ἄγνωστον μυστήριον , διά Σοῦ ΘΕΟΤΟΚΕ , τοῖς ἐπί γῆς πεφανέρωται, Θεός ἐν ἀσυγχύτῳ ἑνώσει σαρκούμενος , καί Σταυρόν ὑπέρ ἡμῶν καταδεξάμενος , δι οὗ ἀναστήσας τόν πρωτόπλαστον , ἔσωσεν ἐκ θανάτου τάς ψυχάς ἡμῶν . 

   Κατεπλάγη Ἰωσήφ , τό ὑπέρ φύσιν θεωρῶν , καί ἐλάμβανεν εἰς νοῦν , τόν ἐπί πόκον ὑετόν , ἐν τῇ ἀσπόρῳ συλλήψει Σου ΘΕΟΤΟΚΕ · βάτον ἐν Σινᾷ ἀκατάφλεκτον , ράβδον Ἀαρών τήν βλαστήσασαν , καί μαρτυρῶν ὁ Μνήστωρ Σου καί φύλαξ , τοῖς ἱερεῦσιν ἐκράυγαζεν ·ΠΑΡΘΕΝΟΣ τίκτει καί μετά τόκον , πάλι ν μένει ΠΑΡΘΕΝΟΣ .

   Χαῖρε Θρόνε πύρινε , χαῖρε Λυχνία πάγχρυσε · χαῖρε φωτός Νεφέλη , χαῖρε Παλάτιον τοῦ Λόγου , καί νοητή Τράπεζα , ἄρτον ζωῆς ἀξίως , Χριστόν βαστάσασα .

   Ἀνερμηνεύτως συλλαβοῦσα ἐν τῇ γαστρί Σου , τόν τῶν ὄλων Θεόν ΠΑΡΘΕΝΟΜΗΤΟΡ · ὑπέρ ἔννοιαν καί λόγον τέτοκας , μείνασα ΠΑΡΘΕΝΟΣ , ὡς πρό τοῦ τόκου ΘΕΟΝΥΜΦΕ . 

   Ἀκατάφλεκτον Βάτον Σε , ὁ νομοθέτης ἑώρα πάλαι · Δανιήλ δέ Ὄρος Ἅγιον κατενόει , μόνη ΜΗΤΡΟΠΑΡΘΕΝΕ ΔΕΣΠΟΙΝΑ. 

   Σέ Πύλην ἀδιόδευτον , καί Χώραν ἀγεώργητον , καί Κιβωτόν τό Μάννα φέρουσααν , καί Στάμνον καί Λυχνία , καί Θυμιατήριον , τοῦ ἀΰλου ἄνθρακος , ὀνομάζομεν ΑΓΝΗ . 

   ΠΑΡΘΕΝΟΝ μετά τόκον ὑμνοῦμεν Σε , ΠΑΡΘΕΝΟΝ καί Μητέραν δοξάζομεν , Σέ μόνην ΑΓΝΗ , ΘΕΟΝΥΜΦΕ ΚΟΡΗ , ἐκ Σοῦ γάρ , ὄντως Θεός ἐσαρκώθη , καινοποιήσας ἡμᾶς .

   ΠΑΡΘΕΝΟΝ μόνην τίκτουσαν , καί νηδύν ἄφθορον τηρήσασα , ὑμνοῦμεν Σε ΑΓΝΗ , Θρόνον Κυρίου , καί Πύλην καί Ὄρος , καί νοητήν Λυχνία , Νυμφῶνα ὁλόφωτον τοῦ Θεοῦ , καί Σκηνήν δόξης σαφῶς , Κιβωτόντε καί  Στάμνον καί Τράπεζαν .

   Μετά λοχείαν φρικτήν , ΠΑΡΘΕΝΟΣ ΑΓΝΗ διεφυλάχθης , ΑΓΙΑ ΘΕΟΤΟΚΕ , διό Σε ἅπασαι , Ἀγγέλων χορεῖαι , καί τῶν ἀνθρώπων γενεαί ἅπασαι , ἀσιγήτοις ἀνυμνοῦσιν φωναῖς , χωρίον καθαρόν τοῦ ἀχωρήτου .

   Ἄνθρακι καθαίρεται , ὁ Ἡσαΐας προκηρύττων τόν νοητόν ἄνθρακαν σαρκούμενον ΠΑΡΘΕΝΕ , ἐκ Σοῦ ὑπέρ ἔννοιαν , καταφλέγουσα πάντα τῶν βροτῶν τά ὑλώδη ἁμαρτήματα , καί θεοῦντα δι ᾿ οἶκτον , τήν φύσιν ἡμῶν ΠΑΝΑΜΩΜΗΤΕ . 

 Φωτός γενομένη , οἰκητήριον ΑΓΝΗ , κατάυγασον τάς κόρας τῆς ψυχῆς μου , ἀμαυρωθείσας πολλαῖς , μεθοδείαις τοῦ ἐχθροῦ , καί βλέψαι ἀξίωσον τρανῶς , τό ἀναλάμψαν φέγγος , ἐκ Σοῦ ὑπέρ ἔννοιαν , καθαρᾷ καρδίᾳ .

   Τεῖχος ἀκαταμάχητον , ἡμῶν τῶν Χριστιανῶν , ὑπάρχεις ΘΕΟΤΟΚΕ ΠΑΡΘΕΝΕ , πρό Σέ γάρ καταφεύγοντες , ἄτρωτοι διαμένομεν , καί πάλιν ἁμαρτάνοντες , ἔχομεν Σε πρσβεύουσαν ,  διό βοῶμεν Σοι · χαῖρε , ΚΕΧΑΡΙΤΩΜΕΝΗ , ὁ Κύριος μετά Σοῦ .

   Φοβερόν τό μυστήριον καί τό θαῦμα παραδοξον , !!! πῶς ἡ ΠΑΡΘΕΝΟΣ σέ τόν κτίστην τῶν ἁπάντων ἐβάστασε , καί μετά τόν τόκον πάλιν , σῴα καί ΠΑΡΘΕΝΟΣ διέμεινεν · ὁ τεχθείς ἐξ ᾿ Αὐτῆς , τήν πίστιν στήριξον , τά ἔθνη πράϋνον , καί τόν κόσμον εἰρήνευσον ὡς φιλάνθρωπος .

   ΠΑΡΘΕΝΕ ΠΑΝΑΜΩΜΕ  τόν Ὑπεράγαθον , Θεόν ἡ κυήσασα , σύν Ἀποστόλοις αὐτόν , ἀπαύστως ἱκέτευε , ἄφεσιν τῶν πταισμάτων , καί διόρθωσιν βίου , δοῦναι ἡμῖν πρό τέλους , τοῖς ἐν πίστει καί πόθῳ , ὑμνοῦσι Σε κατα χρέος , μόνη ΠΑΝΥΜΝΗΤΕ .

   Σταυρῷ σε ὑψούμενον ὡς ἐθεάσατο , ἡ ἌΧΡΑΝΤΟΣ Μήτηρ σου Λόγε Θεοῦ μητρικῶς , θρηνοῦσα ἐφθέγγετο · τί τό καινόν καί παράδοξον θαῦμα  Υἱέ Μου ; πῶς ἡ ζωή τῶν ὅλων , ὁμιλεῖς τῷ θανάτῳ ; ζωῶσαι θέλων ὡς εὔσπλαγχνος .

   

  στ. Κατά τήν  ΣΤ ΄Κυριακήν τοῦ Πάσχα , καί  καθ ᾿ ὅλην τήν ἑβδομάδαν .

                                            ἦχος πλ. α ΄

Τήν Θεοπρεπῆ καί Σεβάσμιον ΚΟΡΗΝ τιμήσωμεν , τήν ὑπέρτιμον τῶν Χερουβείμ · ὁ γάρ δημιουργός τῶν ὅλων , ἐνανθρωπῆσαι βουληθείς , ἐν Αὐτῇ ᾥκησεν ἀφράστως · Ὤ !!! ξένων πραγμάτων , καί παραδόξων μυστηρίων !!! τίς οὐκ ἐκπλαγῇ , τοῦτο ἀκουτισθείς  ; ὅτι Θεός , ἄνθρωπος γέγονεν καί τροπή ἐν αὐτῷ οὐχ ὑπῆρξε · καί τῆς ΠΑΡΘΕΝΙΑΣ Πύλας διῆλθεν καί μείωσις ἐν αὐτῇ , οὐχ ὑπελείφθη , καθώς ὁ Προφήτης λέγει , ἄνθρωπος ταύτην οὐ διοδεύσει ποτέ , εἰ μή μόνος Κύριος , ὁ Θεός Ἰσραήλ , ὁ ἔχων τό μέγα ἔλεος .

   Χαίροις τῶν Προφητῶν ἡ σφραγίς , τῶν θεηγόρων Ἀποστόλων τό κήρυγμα · Θεόν γάρ τόν ὄντως ὄντα , σεσαρκωμένον ἡμῖν , ὑπέρ νοῦν καί λόγον ἀπεκύησας · δι ᾿ οὗ τήν ἀρχαίαν , ἀπολαυόντες εὐγένειαν , καί παραδείσου τῆς τρυφῆς ἀπολαύοντες , Σέ τήν πρόξενον , τῆς ταύτης λαμπρότητος , ὕμνοις καταγεραίρομεν , καί πρέσβυν εὐπρόσδεκτον , Σέ ΠΑΝΑΓΙΑ πλουτοῦντες , τῆς ἀϊδίου ἐντεύξεως , ζωῆς τοῦ Υἱοῦ Σου , διανέμοντος πλουσίως τό μέγα ἔλεος .

   Χαίροις , ὁ λογικός Οὐρανός , ἐν ᾦ σωματικῶς Θεός κατεσκήνωσεν · ἡ Στάμνος τοῦ θείου μάννα · ἡ τοῦ Ἡλίου Λαμπάς · τοῦ Θεοῦ τό Ὄρος τό κατάσκιον · Παστάς θεοχώρητος , Ζωοπάροχε Τράπεζα · χρυσῆ Λυχνία  · Φωτοφόρε Παράδεισε · Βάτε ἄφλεκτε · Κιβωτέ ἁγιάσματος · κλῖμαξ ἡ ἐπουράνιος · Νεφέλη ἡ ἔμψυχος ` Ράβδος ἐκ ῥίζης ΠΑΡΘΕΝΕ , τοῦ Ἱεσσαί ἡ βλαστήσασα · Χριστόν ἐκδυσώπει , ταῖς ψυχαῖς ἡμῶν δοθῆναι τό μέγα ἔλεος .

   Χαίροις , Ἡ τόν Υἱόν τοῦ Θεοῦ , ἀνερμηνεύτως συλλαβοῦσα ΠΑΝΑΜΩΜΕ , καί τοῦτον τεκοῦσα σάρκα  , τήν καθ ᾿ ἡμᾶς ἀληθῶς , ἐκ τῶν Σῶν Αἱμάτων προσλαβόμενον · ψυχήν νοεράν τε , καί αὐτεξούσιον ἔχοντα · ἀνελλιπῶς γάρ τόν Ἀδάμ ἐνδυσάμενος · διεσώσατο , άναπλάσας τόν ἄνθρωπον · ὅθεν ἐν δύο φύσεσιν , ἡμῖν καταγγέλεται τῶν ἑκατέρων δεικνύων , ἐν ἑαυτῷ τήν ἐνέργειαν , Χριστός · ὅν δυσώπει , τοῖς ὑμνοῦσι Σε δοθῆναι τό μέγα ἔλεος .

   Ἐν τῇ Ἐρυθρᾷ θαλάσσῃ , τῆς Ἀπειρογάμου Νύμφης , εἰκών διεγράφη ποτέ · ἐκεῖ Μωϋσῆς διαιρέτης τοῦ ὕδατος , ἐνθάδε Γαβριήλ , ὑπηρέτης τοῦ θαύματος · τότε τόν βυθόν ἐπέζευσεν ἀβρόχως Ἰσραήλ , νῦν δέ τόν Χριστόν ἐγέννησεν , ἀσπόρως ἡ ΠΑΡΘΕΝΟΣ · ἡ θάλασσα , μετά τήνπάροδον τοῦ Ἰσραήλ , ἔμεινεν ἄβατος · ἡ ἌΜΕΜΠΤΟΣ , μετά τήν κύησιν τοῦ Ἐμμανουήλ , ἔμεινεν ἄφθορος · ὁ ὤν καί προών , καί φανείς ὡς ἄνθρωπος Θεός ἐλέησον ἡμᾶς .

                                   ἦχος δ ΄

Νεῦσον παρακλήσεσιν , Σῶν ἱκετῶν ΠΑΝΑΜΩΜΕ , παύουσα δεινῶν ἡμῶν ἐπαναστάσεις · πάσης θλίψεως ἡμᾶς ἀπαλλάτουσα · Σέ γάρ μόνην ἀσφαλῆν καί βεβαίαν προστασίαν Σε ἔχοντες , μή αἰσχυνθῶμεν ΔΕΣΠΟΙΝΑ , Σέ προσκαλούμενοι · σπεῦσον εἰς ἱκεσίαν , τῶν Σοί πιστῶς βοώντων · Χαῖρε ΔΕΣΠΟΙΝΑ , προστασία καί Σκέπη , καί σωτηρία τῶν ψυχῶν ἡμῶν .

                                   ἦχος πλ. α ΄

   Χαῖρε Πύλη Κυρίου ἡ ἀδιόδευτος , χαῖρε , τεῖχος καί σκέπη τῶν προστρεχόντων εἰς Σέ · χαῖρε ἀχείμαστε λιμήν καί ἀπειρόγαμε , ἡ τεκοῦσα ἐν σαρκί , τόν ποιητήν Σου καί Θεόν , πρεσβεύουσα μή ἐλλείπῃς · ὑπέρ τῶν ἀνυμνούντων καί προσκυνούντων τόν τόκον Σου . 

   Ὥσπερ ἐπί τόν πόκον , κατῆλθεν ἀψοφητί , οὐρανόθεν ΠΑΡΘΕΝΕ , ὁ ὑετός ἐν μήτρᾳ Σου , ὁ θεῖος καί ἔσωσεν , ξηρανθεῖσαν ἅπασαν , τῶν ἀνθρώπων φύσιν Ἄχραντε .

   Ἐφάνης τῷ Μωϋσῇ ἐν βάτῳ , ὡς ἄγγελος , βουλῆς τῆς μεγάλης τοῦ Παντοκράτορος , σοῦ τήν ἐκ ΠΑΡΘΕΝΟΥ προδηλῶν , σάρκωσιν Θεοῦ Λόγε , δι ᾿ ἧς ἡμᾶς μετεστοιχειώσας , καί πρός οὐρανόν ἀνεβίβασας .

   ΠΑΝΑΓΙΑ ΠΑΡΘΕΝΕ , ἡμᾶς ἐλέησον , τούς προσφεύγοντας πίστει πρός Σέ τήν εὔσπλαγχνον , καί αἰτουμένους τήν θερμήν Σου νῦν ἀντίληψιν , δύνασαι γάρ ὡς Ἀγαθή , τούς πάντας σώζειν , ὡς οὖσα Μήτηρ Θεοῦ τοῦ Ὑψίστου , ταῖς Μητρικαῖς Σου πρεσβείαις , ἀεί χρωμένη ΘΕΟΧΡΙΤΩΤΕ . 

   Τό ὄρος τό δασύ καί κατάσκιον , ὅ εἶδε πρίν ὁ Ἀββακούμ , ἐξ ᾿ οὗ προῆλθεν ὁ Ἅγιος , τόν δυσθεώρητον τόκον , ἐδήλου Σῆς ΠΑΡΘΕΝΕ συλλήψεως .

   Ὡς κατεῖδε πάλαι Σε , ΑΓΝΗ , ΠΑΝΑΧΡΑΝΤΕ , ὁ ὑποφήτης , βλέπουσα Πύλην , πρός τό φῶς τό ἄδυτον , εὐθύς Σέ ἐπέγνω , Θεοῦ κατοικητήριον .

   Τῶν πταισμάτων λύτρωσιν , καί κινδύνων εὐσπλαγχνε Θεέ , ἑνικέ καί τρίφωτε πατάπεμψον τοῖς ὑμνηταῖς , πρεσβείαις τῆς ΘΕΟΜΗΤΟΡΟΣ .

   Ἀπορήσας ἐκ πάντων πρός Σέ κατέφυγον , τήν ἐλπίδαν ἁπάντων καί τό προσφύγιον , ἁμαρτωλῶν καί ταπεινῶν , κράζων τό ἤμαρτον · ἀλλ ᾿ ἐπιμένω τοῖς κακοῖς , ἀναισθητῶν ὁ ἄθλιος · ἐλέησον με πρό τέλους , ἐπίστρεψον με καί ρῦσαι , πάσης κολάσεως τόν ἀνάξιον .

   Ράδαμνον ἐβλάστησας , τοῦ Πατρός συνάναρχον , ἄνθος τῆς Θεότητος , βλαστόν συναΐδιον , ΠΑΡΘΕΝΕ τόν διδόντα , τήν ζωήν πᾶσιν ἀνθρώποις .

   Ἤστραψας ἡμῖν , τῆς τρισηλίου θεότητος , τόν ἕνα ΠΑΝΥΜΝΗΤΕ , Χριστόν τόν Κύριον , πάντας μυοῦντα , τήν μίαν θεαρχία , ἐν τρισίν προσώποις , ὑμνεῖν Σε ἐπαξίως . 

   Ὡς ΑΓΝΗ καί ἌΜΩΜΟΣ , καί ΠΑΡΘΕΝΟΣ , τέτοκας Υἱόν , λυτρούμενον ἡμᾶς ἀπό πειρασμῶν , Θεόν ἀναλλοίωτον , ἀλλά καί νῦν ἡμῖν , ἄφεσιν πταισμάτων , τοῦτον δοῦναι καθικέτευε .

   Χαῖρε , ἅγιον ὄρος καί θεοβάδιστον · χαῖρε , ἔμψυχε βάτε καί αηατάφλεκτε  · χαῖρε , ἡ μόνη πρός Θεόν κόσμου γέφυρα , ἡ μετάγουσα θνητούς πρός τήν αἰώνιον ζωήν , χαῖρε ἀκήρατε ΚΟΡΗ · ἡ ἀπειράνδρως τεκοῦσα , τήν σωτηρίαν τῶν ψυχῶν ἡμῶν .

   Ἀπειρόγαμε Νύμφη ΘΕΟΓΕΝΝΗΤΡΙΑ , ἡ τῆς Εὔας τήν λύπην χαροποιήσασα · ἀνυμνοῦμεν οἱ πιστοί καί προσκυνοῦμεν Σε , ὅτι ἀνήγαγες ἡμᾶς ἐκ τῆς ἀρχαίας ἀρᾶς  , καί νῦν δυσώπει ἀπάυστως , ΠΑΝΥΜΝΗΤΕ  ΠΑΝΑΓΙΑ , εἰς τό σωθῆναι ἡμᾶς .

   Μήτραν Ἀπειρόγαμον , τήν Σήν κατώκησεν ΑΓΝΗ , Κύριος διά σπλάγχνα οἰκτιρμῶν , σῶσαι βουλόμενος , τόν φθαρέντα ἄνθρωπον , ταῖς μεθοδείαις τοῦ ἐχθροῦ , αὐτόν οὖν ἱκέτευε , τήν πόλιν ταύτην σώζεσθαι  πάσης ἁλώσεως καί ἐχθρῶν ἐπιδρομῆς .

   Παρθενικῆς ἀπό γαστρός ἀπεκύησας , Θεόν σεσαρκωμένον  ὅν αἴτησαι ΠΑΝΑΓΙΑ ΠΑΡΘΕΝΕ , κατοικτειρῆσαι ἡμᾶς .

   Τόν τόκον Σου ἌΧΡΑΝΤΕ , δοξολογοῦμεν , μακαρίζοντες πίστει Σε ΠΑΝΑΜΩΜΕ , ὡς Θεοῦ τῶν ὅλων λοχεύτριαν .

   Πῶς τέτοκας , μή γνοῦσα , ΠΑΡΘΕΝΟΜΗΤΟΡ ΑΓΝΗ , πεῖραν ἀνδρός ΘΕΟΧΑΡΙΤΩΤΕ ; πῶς τρέφεις τόν τήν κτίσιν τρέφοντα , μόνος ὡς ἐπίσταται αὐτός , ὁ τοῦ παντός ποιητής καί  Θεός . 

   Τά μεγαλεῖα Σου ΑΓΝΗ , τίς διηγήσεται ; Θεόν γάρ ἐν σαρκί ἔτεκες ὑπερφυῶς , κόσμον διά Σοῦ ρυόμενον  ΠΑΡΘΕΝΕ ΠΑΝΑΜΩΜΕ , ἀπό πάσης  ἁμαρτίας .

   Μετά τήν κύησιν , ΠΑΡΘΕΝΟΣ, ὤφθης ΑΓΝΗ · Θεόν γάρ ἐγέννησας , καινοτομήσαντα φύσεις ἌΧΡΑΝΤΕ , τῇ δυνάμει αὐτοῦ · ὅν ἐκδυσώπει ἀεί τοῦ σωθῆναι ἡμᾶς .

   ΠΑΡΘΕΝΕ ΑΧΡΑΝΤΕ ΘΕΟΧΑΡΙΤΩΤΕ , τόν Σόν δυσώπει Υἱόν διαπαντός , μή με καταισχῦναι ἐν ἡμέρᾳ τῆς δίκης , ἀλλά συναριθμῆσαι , τοῖς ἐκλεκτοῖς προβάτοις .

   Φανεῖσα Πλατυτέρα οὐρανῶν  ΠΑΡΘΕΝΕ ΑΓΝΗ , ἐχώρησας Θεόν σωματικῶς , τόν ἀπερίγραπτον , καί ἐκύησας , πάντων εἰς ἀπολύτρωσιν , τῶν πίστει ἀδιστάκτῳ ἀνυμνούντων Σε . 

   Σέ τήν ὑπερ νοῦν καί λόγον Μητέρα Θεοῦ , τήν ἐν χρόνῳ τόν ἄχρονον ἀφράστως κυήσασαν , οἱ πιστοί  ὁμοφρόνως μεγαλύνομεν .

   Μετά Ἀγγέλων τά οὐράνια , μετά ἀνθρώπων τά ἐπίγεια , ἐν φωνῇ ἀγαλλιάσεως , ΘΕΟΤΟΚΕ βοῶμεν Σοι · Χαῖρε Πύλη τῶν οὐρανῶν Πλατυτέρα , χαῖρε μόνη , τῶν γηγενῶν σωτηρία · χαῖρε ΣΕΜΝΗ , χαῖρε ΚΕΧΑΡΙΤΩΜΕΝΗ , ἡ Τεκοῦσα Θεόν σεσαρκωμένον .

   Μήτηρ Θεοῦ ΠΑΝΑΓΙΑ , τό τεῖχος τῶν Χριστιανῶν ρῦσαι λαόν Σου , συνήθως κραυγάζοντά Σοι ἐκτενῶς · ἀντιτάχθητι αἰσχροῖς καί ἀλαζόσι λογισμοῖς , ἵνα βοῶμεν Σοι , χαῖρε , ἡ ΚΕΧΑΡΙΤΩΜΕΝΗ . 

   Φωτοφόρον ὄχημα , τοῦ Ἡλίου τοῦ νοητυοῦ , γεγένησαι ἀληθῶς , ἌΧΡΑΝΤΕ ΑΓΝΗ , δι ᾿ οὗ οἱ καθήμενοι , ἐν τῷ σκότει , ἔβλεψαν τό φῶς , τό τῆς ἐπιγνώσεως ,  , κατά χρέος Σε δοξαζοντες .

   ἌΧΡΑΝΤΕ Μῆτερ Θεοῦ , τόν σαρκωθέντα ἐκ Σοῦ , καί ἐκ τῶν κόλπων τῶν πατρικῶν μή ἐκφοιτήσαντα  Θεόν , ἀπαύστως πρέσβευε , ἐκ πάσης περιστάσεως , σῶσαι οὕς ἔπλασεν .

   Ἱκέτευε ἀπαύστως ΑΓΝΗ , τόν προελθόντα ἐκ λαγόνων Σου , ρυσθῆναι πλάνης διαβόλου , τούς ὑμνοῦντας Σε Μητέρα Θεοῦ .

   Ἡ ΠΑΡΘΕΝΟΣ ἔτεκεν καί τά Μητέρων  οὐκ ἔγω · ἀλλά Μήτηρ μέν ἐστίν , ΠΑΡΘΕΝΟΣ δέ διέμεινεν · Ἥν ἀνυμνοῦντες , χαῖρε ,ΘΕΟΤΟΚΕ κραυγάζοντες .

   ΠΑΡΘΕΝΟΝ μετά τόκον ὑμνοῦμεν Σε , ΘΕΟΤΟΚΕ · Σύ γάρ τόν Θεόν Λόγον , σαρκί τῷ κόσμῳ ἐκύησας .

   Βάτον Σε ἀκατάφλεκτον , καί ὄρος καί κλίμακα ἔμψυχον , καί πύλην οὐράνιον , ἀξίως δοξάζωμεν , ΜΑΡΙΑ ἔνδοξε , Ὀρθοδόξων καύχημα .

   Ὁ ἐκ ΠΑΡΘΕΝΟΥ τεχθείς , Ἥν ΘΕΟΤΟΚΟΝ ἀπειργάσω , Εὐλογηένη ΠΑΝΑΓΝΕ , σωτῆραν κυήσασα .

   Τῶν Χερουβείμ Ὑπερτέρα , ἀνεδείχθης ΘΕΟΤΟΚΕ ΑΓΝΗ , ἐν τῇ γαστρί Σου , τόν τούτοις  ἐπωχούμενον βαστάσασα , ὅν σύν Ἀσωμάτοις , βροτοί δοξολογοῦμεν . εἰς πάντας τούς αἰῶνας .

   Χαῖρε , ΘΕΟΤΟΚΕ , Μήτηρ Χριστοῦ τοῦ Θεοῦ , ὅν ἐκύησας σήμερον ἐκ γῆς ἀνιπτάμενον σύν Ἀγγέλοις  ὁρῶσα ἐμεγάλυνες .

                                         ἦχος δ ΄

   Δεσπότην ἐκύησας πάντων ΠΑΝΑΜΩΜΕ ΔΕΣΠΟΙΝΑ , τόν Πάθος ἑκούσιον καταδεξάμενον , καί ἀνελθόντα πρός τόν αὐτοῦ Πατέρα , ὅν περ οὐ κατέλιπε , κἄν σάρκα εἴληφεν .

   Θανάτου τεκοῦσα καθαιρέτην τόν μόνον ἀθάνατον Θεόν , ΠΑΡΘΕΝΟΜΞΤΟΡ ΠΑΝΑΓΝΕ , τοῦτον ἀεί ἱκέτευε , τά θανατοῦντα πάθη με , ἀπονεκρῶσαι κί σῶσον με .

   Μακαρία ἡ κοιλία Σου ΠΑΝΑΜΩΜΕ γέγονε · τόν γάρ τήν κοιλίαν τοῦ ἅδου παραδόξως κενώσαντα  ἀνερμηνεύτως χωρῆσαι κατηξίωσαι ·ὅν ἱκέτευε , σῶσαι ἡμᾶς τούς ὑμνοῦντας Σε. 

   ΠΑΡΘΕΝΟΝ φυλάξας Σε μετά τόκον ἄφθορον , ἄνεισι Χριστός πρός τόν Πατέρα ΘΕΟΓΕΝΝΗΤΟΡ , ὅν οὐ κατάλιπε , εἰ καί σάρκα εἴληφεν ἐκ Σοῦ , ἔννουν τε καί ἔμψυχον , δι ᾿ ἔλεος ἄφατον .

   Ὑμνοῦμεν ΚΟΡΗ τήν σύλληψιν , ὑμνοῦμεν Σου τήν ἄρρητον γέννησιν , δι ᾿ ἧς ἐρρύσθημεν καταφθορᾶς , καί κακώσεως , καί ζοφερᾶς τοῦ ἅδου καθείρξεως .

   Ὤ !!! θαυμάτων παραδόξων πῶς ἐχώρησας Θεόν ἀχώρητον !!! ΘΕΟΧΑΡΙΤΩΤΕ , τόν σάρκα πτωχεύσαντα  , καί μετά δόξης πολλῆς , εἰς οὐρἀνια ἀναληφθέντα σήμερον , καί ζωώσαντα ἀνθρώποις .

   Ἰδού ὁ Υἱός Σου ΘΕΟΤΟΚΕ , σκυλεύσας Σταυρῷ αὐτοῦ τόν θάνατον , ἀνέστη τριήμερος , καί τοῖς Μαθηταῖς αὐτοῦ , ἐμφανισθείς ἀνέδραμε , πρός τά οὐράνια ` μεθ ᾿ οὗ προσκυοῦμεν Σε , καί ὑμνοῦμεν δοξολογοῦντες Σε εἰς αἰῶνας .

   Φῶς τό ἐκ Φωτός , ἐκλάμψαν ΠΑΝΑΜΩΜΕ , ἐκ Σοῦ ἀνέτειλε , καί τήν ἀμαυρότητα , τῆς ἀθεΐας πᾶσαν διέλυσεν καί τούς νυκτί καθεύδοντας ἐωταγώγησεν ` διά τοῦτο πάντες κατά χρέος Σε , εἰς αἰῶνας ἀεί μακαρίζομεν .

   Χαίροι ἌΝΑΣΣΑ , ΜΗΤΡΟΠΑΡΘΕΝΟΝ κλέος , ἅπαν γάρ εὐδίνητον εὔλαλον στόμα , ρητρεῦον οὐ σθένει Σε μέλπειν ἀξίως , ἰλιγγιᾷ δέ νοῦς ἅπας Σου τόν τόκον νοεῖν , ὅθεν Σε συμφώνως ΠΑΡΘΕΝΕ δοξάζομεν .

 ζ. Κατά τήν Ζ ΄Κυριακήν τοῦ Πάσχα , καί καθ ᾿ ὅλην τήν αὐτήν ἑβδομάδαν .

                                   ἦχος πλ. β ΄

   Ἄξιον ἐστίν ὡς ἀληθῶς , μακαρίζειν Σε τήν ΘΕΟΤΟΚΟΝ · τήν Σήν γάρ Ἄχραντον ὑποδύς γαστέρα , ὁ πάντων δημιουργός , ἐγένετο σάρξ · οὐ τραπείς τήν φύσιν , οὐδέ φαντάσας τήν οἰκονομίαν ` ἀλλά τῇ ἐκ Σοῦ ληφθείσῃ λογικῶς ἐμψυχωμένη σαρκί , καί ἐν αὐτῷ , τό εἶναι λαβούσῃ , ἑνωθείς καθ ᾿ ὑπόστασιν · ὅθεν εὐσεβῶς ἐν δύο φύσεσιν ἐπιδηλουμέναις , τήν διαφοράν ποιούμεθα · αὐτόν ἱκέτευε , ΣΕΜΝΗ ΠΑΝΑΓΙΑ , καταπέμψαι ἡμῖν εἰρήνην , καί μέγα ἔλεος .

   Ὅρκῳ ὡς ὑπέσχετο , τῷ Σῷ προπάτορι πάλαι , Θεός ὁ ὑπέρχρονος , ἐπ ᾿ ἐσχάτων τῶν χρόνων τετελείωκε , προελθών ἌΧΡΑΝΤΕ , ἐκ γαστρός Σου θείας · καί γάρ ὄντως ἐξανέτειλεν , ἐκ Σοῦ ὁ Κύριος , ὁ δρακί συνέχων τά πέρατα , ὅν περ κᾀμοί εὐΐλατον , ποίησον ἐν ὥρᾳ τῆς κρίσεως · ΠΑΡΘΕΝΕ ΜΑΡΙΑ , αὐτοῦ τῆς βασιλείας με τυχεῖν , δι ᾿ ἀρετῶν ἀνυψώσεως καί παθῶν νεκρώσεως

   Νοός καθαρότητι , ὁ Ἡσαΐας ΠΑΡΘΕΝΕ , πόρρωθεν προέφησε , ποιητήν τῆς κτίσεως , τεξομένην Σε , ὦ !!! ΣΕΜΝΗ ΠΑΝΑΓΝΕ !!! Σύ γάρ ὤφθης μόνη , ἐξ ᾿ αἰῶνος ΠΑΝΑΜΩΜΗΤΟΣ · διό Σου δέομαι , τήν μεμολυσμένην καρδίαν μου , καθάρισον , καί λάμψεως θείας κοινωνόν με ἀνάδειξον , ΚΟΡΗ τοῦ Υἱοῦ Σου , καί στάσεως αὐτοῦ τῆς δεξιᾶς , ὅταν καθίσῃ ὡς γέγραπται , κρῖναι κόσμον ἅπαντα .  

   Θανάτου κατάλυσις , διά τοῦ τόκου Σου ὤφθη · Σύ γάρ ΚΟΡΗ πέφυκας , τῆς ζωῆς ἀφθάρτου ἐνδιαίτημα · διό Σου δέομαι , ἐν σοροῖς τοῦ ἅδου , τῶν παθῶν μου κατακείμενον  Σύ ἐξανάστησον , καί πρός εὐφροσύνη καί ζώωσιν , ΠΑΡΘΕΝΕ χειραγώγησον  , πρός τήν μακαρίαν ἀντίδοσιν , καί τῆς ἀνωλέθρου , καί θείας καταξίωσον χαρᾶς , ἔνθα τρυφή ἡ ἀΐδιος , ἔνθα φῶς ἀνέσπερον .

   Τίς μή μακαρίσει Σε ΠΑΝΑΓΙΑ ΠΑΡΘΕΝΕ ; τίς μή ἀνυμνήσει Σου τόν ἀλόχευτον τόκον ; ὁ γάρ ἀχρόνως ἐκ Πατρός ἐκλάμψας Υἱός μονογενής , ὁ αὐτός ἐκ Σοῦ τῆς ΑΓΝΗΣ προῆλθεν , ἀχράστως σαρκωθείς · φύσει Θεός ὑπάρχων , καί φύσει γενόμενος ἄνθρωπος δι ᾿ ἡμᾶς , οὐκ εἰς δυάδα προσώπων τεμνόμενος , ἀλλ ᾿ ἐν δυάδι φύσεων , ἀσυγχύτως γνωριζόμενον · αὐτόν ἱκέτευε , ΣΕΜΝΗ ΠΑΜΜΑΚΑΡΙΣΤΕ , ἐλεηθῆναι τάς ψυχάς ἡμῶν .

   Ἐκ τῆς γαστρός Σου προῆλθεν ὁ νοητός , ΘΕΟΤΟΚΕ Ἥλιος καί κατηύγασεν ημᾶς , τριφαοῦς Θεότητος αὐγαῖς · ὅν ὑμνοῦντες εὐσεβῶς , Σέ μακαρίζωμεν . 

   Νομήν ἀνέστειλε φθορᾶς , ἄνθρωπος κατ ᾿ οὐσίαν γεγονώς ὁ Θεός μου , ἐν τῇ μἠτρᾳ Σου ΑΓΝΗ , καί τούς γενάρχας τό πρίν , καταδίκης μόνος ἠλευθέρωσεν . 

ΔΕΣΠΟΙΝΑ ΑΓΝΗ , ἐπίβλεψον οὐρανόθεν , ἴδε τῶν ἐμῶν τρυμάτων τάς ἀλγηδόνας , καί σπλαγχνήσθητι ΠΑΝΑΜΩΜΕ , 

καί ἴασαι τοῦ συνειδότος τόν καύσωνα , τῷ Σῷ ἐλέει δροσίζουσα , καί βοῶσα τοῖς δούλοις Σου · Ἐγώ εἰμί μεθ ᾿ ὑμῶν , καί οὐδείς καθ ᾿ ὑμῶν .

   Ὁ φύσει ἄκτιστος Θεός , ἀΐδιος , τήν κτιστήν τῶν ἀνθρώπων προσηλειφώς , φύσιν ἀνεμόρφωσεν , ἐν τῇ ἁγίᾳ Σου γαστρί , ΘΕΟΤΟΚΕ ΑΕΙΠΑΡΘΕΝΕ . 

   Ὁ πάντα φέρων καί συντηρῶν , τῇ παντοδυνάμῳ Σου χειρί , Λόγε Θεοῦ ἀναλλοίωτε , φρούρει καί συντήρει τούς Σέ δοξάζοντας , πρεσβείαις , τῆς Τεκούσης σε ΘΕΟΜΗΤΟΡΟΣ .

   Ἐν Σοί κατεσκήνωσεν ΑΕΙΠΑΡΘΕΝΕ σαφῶς , ὁ συνοχεύς καί Κύριος τῶν ἁπάντων , καί μίαν τρισσολαμπῆ , μορφήν τῆς Θεότητος , προσκυνεῖν τούς ἀνθρώπους εἰσηγήσατο .

   Ὁ Θεός ὁ ὑπερούσιος , προσήλειφεν ἌΧΡΑΝΤΕ ἐκ γαστρός Σου ΑΓΝΗ , τό ἡμέτερον φιλανθρώπως φύραμα σαφῶς , καί πάντας ἐδίδαξε βοᾶν · Εὐλογημένη Σύ εἶ ἡ Θεόν σαρκί κυήσασα .

   Βλέψον εἰς ἡμᾶς ΠΑΝΥΜΝΗΤΕ ΘΕΟΤΟΚΕ  , λάμψον φωτισμόν καρδίαις ἐσκοτισμέναις , καί καταύγασον τήν ποίμνην Σου ΠΑΝΑΧΡΑΝΤΕ · ὅσα γάρ θέλεις καί δύνασαι · ὡς Μήτηρ οὖσα τοῦ Κτίστου Σου · καί βόησον τοῖς αἰτοῦσι Σε · Ἐγώ εἰμί μεθ ᾿ ἡμῶν , καί οὐδείς καθ ᾿ ὑμῶν . 

   Ἰατρόν τοῖς ἀνθρώποις ΠΑΝΑΧΡΑΝΤΕ τέτοκας , παντοδύναμον Λόγον , Χριστόν τόν Κύριον , τῆς προγονικῆς πληγῆς πάντας ἰώμενον , τούς δοξολογοῦντας Σε Μητέρα Θεοῦ .

   Σαφῶς τόν ἄνθρωπον πρίν διέπλασεν ὁ Σός Υἱός ΠΑΡΘΕΝΕ καί φθαρέντα ἀνέπλασεν , διά Σοῦ ΠΑΝΥΜΝΗΤΕ , καί θείου φωτός , αἴγλης τῆς ἀνεσπέρου , πάντας ἐπλήρωσε , τούς Σέ ΘΕΟΤΟΚΟΝ , ἀληθῶς πίστει δοξάζοντας . 

   Ὁ τήν Εὐλογημένην καλέσας Σου Μητέρα , ἦλθες ἐπί τό Πάθος ἑκουσίᾳ βουλῇ , λάμψας ἐν τῷ σταυρῷ , ἀναζητῆσαι θέλων τόν Ἀδάμ , λέγων τοῖς Ἀγγέλοις · συγχάρηταί μοι , ὅτι εὑρέθη ἡ ἀπολομένη δραχμή · ὁ πάντας σαφῶς οἰκονομήσας δόξα Σοι .

   ΘΕΟΤΟΚΕ ΠΑΡΘΕΝΕ  , ἱκέτευε τόν Υἱόν Σου , τόν ἑκουσίως προσπαγέντα ἐν Σταυρῷ καί ἀναστάντα ἐκ νεκρῶν , Χριστόν τόν Θεόν ἡμῶν , σωθῆναι τάς ψυχάς ἡμῶν .

   Τόν Ἑαυτῆς δεξαμένην Δημιουργόν , ὡς αὐτός ἠθέλησεν , ἐξ ᾿ ἀσπόρου Σου γαστρός , ὑπέρ νοῦν σαρκούμενον ΑΓΝΗ , τῶν κτισμάτων ἀληθῶς , ἐδείχθης ΔΕΣΠΟΙΝΑ . 

   Πεποικιλμένη τῇ δόξῃ τῇ θεϊκῇ , ἡ Σεπτή ΒΑΣΙΛΙΣΣΑ , τῷ Υἱῷ τῷ Ἑαὐτῆς , καί Θεῷ παρίσταται ἡμῖν , σωτηρίαν ψυχικήν καθικετεύουσα .

   Τοῦ θείου τόκου Σου ΑΓΝΗ , πᾶσα φύσεως τάξιν , ὑπερβαίνει τό θαῦμα · Θεόν γάρ ὑπερφυῶς , συνέλαβες ἐν γαστρί , καί τεκοῦσα μένεις ΑΕΙΠΑΡΘΕΝΟΣ .

   Οὐ σθένει λόγος Σε βροτῶν , οὐδέ γλῶσσα ΠΑΡΘΕΝΕ , εὐφημεῖν Σε ἀξίως · ἐκ Σοῦ γάρ ἄνευ σπορᾶς , ὁ Ζωοδότης Χριστός , σαρκωθῆναι ΠΑΝΑΓΝΕ ηὐδόκησεν .

   Ὡς ὄντως ἄφθεγκτα , καί ἀκατάληπτα , τά τῆς Σῆς θεοπρεποῦς , πέφυκε κυήσεως , τοῖς ἐπί γῆς καί οὐρανοῦ , ἈΕΙΠΑΡΘΕΝΕ μυστήρια .

   Νεκρόν με ἔδειξεν , φυτοῦ ἀπόγευσις · τῆς ζωῆς γάρ τό ξύλον ἐκ Σοῦ φανέν , ΠΑΝΑΓΝΕ ἀνέστησε , καί Παραδείσου τῆς τρυφῆς , κληρονόμον με κατέστησεν .

   Τούς ΘΕΟΤΟΚΟΝ Σε ἐκ ψυχῆς ΔΕΣΠΟΙΝΑ τοῦ κόσμου Ἀγαθή , ὁμολογοῦντας διάσωσον ·Σέ γάρ προστασίαν ἀκαταμάχητον , κεκτήμεθα , τήν ὄντως ΘΕΟΓΕΝΝΗΤΡΙΑΝ .

   Λυχνίαν ΠΑΝΑΓΝΕ φαεινήν , πᾶσιν ἀπαυγάζουσα Χριστόν , δικαιοσύνης τόν Ἥλιον , Σέ εἰδότες , μόνη ΘΕΟΓΕΝΝΗΤΟΡ ΑΓΝΗ , τήν Σήν νῦν προστασίαν ἐπικαλούμεθα .

   Ἡ ΠΑΝΑΓΝΟΣ ΔΕΣΠΟΙΝΑ , ἡ Τεκοῦσα τοῖς βροτοῖς , τόν κυβερνῆτιν Κύριον , τῶν παθῶν μου τό ἄστατον καί δεινόν , κατεύνασον τάραχον , καί γαλήνην παράσχου τῇ καρδίᾳ μου .

   Ὁ μέγας προέγραψεν ἐν προφήταις Μωϋσῆς , Σέ Κιβωτόν καί Τράπεζαν , καί Λυχνίαν καί Στάμνον , συμβολικῶς , σημαίνων , τήν σάρκωσιν , τἠν ἐκ Σοῦ , τοῦ Ὑψίστου ΜΗΤΡΟΠΑΡΘΕΝΕ .

   Διά Σοῦ Μῆτερ ΠΑΡΘΕΝΕ , φῶς ἀνέτειλε πάσῃ τῇ οἰκουμένῃ φαιδρόν ·τόν γάρ Κτίστην Σύ τῶν ἁπάντων τέτοκας Θεόν , ὅν αἴτησαι , ΠΑΝΑΓΙΑ ἡμῖν καταπεμφθῆναι , τοῖς πιστοῖς τό μέγα ἔλεος .

   Ναενίας τρεῖςἡ κάμινος οὐκ ἔφλεξεν , γέννησιν προτυποῦσαν τήν Σήν · τό γάρ θεῖον πῦρ Σε μή φλέξαν , ὤκησεν ἐν Σοί , καί πάντας ἐφώτισε βοᾶν · Εὐλογημένη ἡ Θεόν σαρκί κυήσασα .

   Ἐκ φωτός φωτοδότην Λόγον ΑΓΝΗ συνέλαβες , καί τεκοῦσα ἀφράστως τοῦτον , δεδόξασαι · Πνεῦμα γάρ ἐν Σοί , ΚΟΡΗ θεῖον ἐσκήνωσεν , ὅθεν Σε ὑμνοῦμεν εἰς πάντας τούς αἰῶνας .

   Τῶν Χερουβίμ Ὑπερτέρα ἀνεδείχθης ΘΕΟΤΟΚΕ , ἐν γαστρί Σου , τόν τούτοις ἐποχούμενον ἐβάστασας , ὅν σύν Ἀσωμάτοις , βροτοί δοξολογοῦμεν σύν Σοί , εἰς πάντας τούς αἰῶνας .

   Μυστικῶς ἐν εἰκόνι προεθεάσαντο , οἱ προφῆται Σε πάντες Λόγον κυήσασα · σάρκα γάρ ἐκ Σοῦ λαβών , οὗτος προῆλθεν διπλοῦς , διό Σε ὑπερυψοῦμεν , εἰς πάντας τούς αἰῶνας .

   Νεκροῖς ἀνάστασιν νῦν δεδώρηται , διά τῆς Σῆς ἀφράστου καί ἀῤῥήτου κυήσεως , ΘΕΟΤΟΚΕ ΔΕΣΠΟΙΝΑ · ζωή γάρ ἐκ Σοῦ , σάρκα περικειμένη , πᾶσιν ἐξέλαμψεν , καί τό τοῦ θανάτου ἀμειγές , σαφῶς διέλυσεν .

    ἦχος πλ. δ ΄.   Σέ καί τεῖχος καί λιμένα ἔχομεν καί πρέσβυν εὐπρόσδεκτον , πρός ὅν ἔτεκες Θεόν , ΘΕΟΤΟΚΕ Ἀνύμφευτε , τῶν πιστῶν ἡ σωτηρία . 

                                         ἦχος πλ. β. ΄

   Ὁ ἐκ πλευρᾶς διαπλάσας Εὔα τό πρίν , τήν ἡμῶν προμήτορα , ἐξ ᾿ Ἀχράντου Σου γαστρός , σάρκα περιβάλλεται , δι ᾿ἧς τοῦ θανάτου τήν ἰσχύν , ΑΓΝΗ διέλυσεν .

   Οὐκ ἔστιν ἄμεμπτος ὡς Σύ ΠΑΝΑΓΝΕ ΘΕΟΜΗΤΟΡ , μόνη γάρ ἐξ ᾿ αἰῶνος , τόν Θεόν τόν ἀληθῆ , συνέλαβες ἐν γαστρί , τοῦ θανάτου λύσαντα τήν δύναμην .

   ΠΑΝΑΓΙΑ ΠΑΡΘΕΝΕ , τόν χρόνον τῆς ζωῆς μου , μή ἐγκαταλίπης με , ἀνθρωπίνη προστασία , μή καταπιστεύσης με , ἀλλ ᾿ ΑΥΤΗ ἀντιλαβοῦ , καί ἐλήσοόν με . 

   Δοχεῖον Ἄχραντον , Ναόν Πανάμωμον , Κιβωτόν Παναγίαν , Παρθενικόν , τόπον Ἁγιάσματος , Σέ καλλονήν τοῦ Ἰακώβ , ὁ Δεσπότης ἐξελέξατο .

   Ἰσχύς καί ὕμνησις ὁ ἐκ Σοῦ , ΔΕΣΠΟΙΝΑ τοῦ κόσμου γεννηθείς , καί σωτηρία ἐγένετο , τοῖς ἀπολλυμένοις , ἐκ τῶν τοῦ ἅδου πυλῶν , ρυόμενος , τούς πίστει Σέ μακαρίζοντας .

   Εἰς γῆν ἀπεστράφημεν , παραβάντες τοῦ Θεοῦ , τήν ἐντολήν τήν ἔνθεον · διά Σοῦ δέ ΠΑΡΘΕΝΕ , πρός οὐρανόν , ἐκ γῆς ἀνυψώθημεν , τήν φθοράν τοῦ θανάτου ἐκτινάξαντες .

   Ὑπερτέρα πάσης κτίσεως ΠΑΝΑΜΩΜΕ , γέγονας , συλλαβοῦσα Θεόν , τόν συντρίψαντα θανάτου τάς πύλας , καί μοχλούς συνθλάσαντα · ὅθεν Σε ΑΓΝΗ , ὑμνολογοῦμεν οἱ πιστοί , ὡς ΘΕΟΜΗΤΟΡΑ .

    Μακαρίζομεν πάντες Σέ ΠΑΜΜΑΚΑΡΙΣΤΕ , τήν τόν Λόγον τόν ὄντως ὄντα μακάριον , σάρκα δι ᾿ ἡμᾶς γεγονότα γεννήσασαν , διό Σε ὑμνοῦμεν ΑΓΝΗ εἰς τούς αἰῶνας .

   Σκηννήν Ἁγίαν ΑΓΝΗ γινώσκομεν , καί Κιβωτόν καί Πλάκα Σε τοῦ νόμου τῆς χάριτος , διά Σοῦ γάρ ἄφεσις δεδώρηται , τοῖς δεδικαιωμένοις , διά τοῦ Αἵματος , Τοῦ σωματωθέντος , ἐκ τῆς Σῆς γαστρός ΠΑΝΑΜΩΜΕ .

   Θεόν ἀνθρώποις ἰδεῖν ἀδύνατον , ὅν οὐ τολμᾶ Ἀγγέλων ἀτενίσαι τά τάγματα · διά Σοῦ δέ ΠΑΝΑΓΝΕ , ὡράθη βροτοῖς , Λόγος σεσαρκωμένος , ὅν μεγαλύνοντες , σύν ταῖς οὐρανίαις στρατιαῖς Σέ μακαρίζομεν .

   ΑΓΝΗ ΠΑΡΘΕΝΕ  τοῦ κόσμου καταφυγή , καί στεῤῥά Ὑπέρμαχε , ἱκεσίαις Σου θερμαῖς , ὑπέρ πάντων πρέσβευε τῶν Σέ , κεκτημένων ἐν ἀνάγκαις τεῖχος ἄῤῥηκτον .

   Ἐλπίς τοῦ κόσμου Αγαθή , ΔΕΣΠΟΙΝΑ ΘΕΟΤΟΚΕ , μή ἀπώσῃ τούς πόθῳ Σοί προστρέχοντας ἀεί , ἀλλ ᾿ ἱκεσίαις ταῖς Σαῖς , πάσης ῥῦσαι ζάλης τούς τιμῶντας Σε . 

   ἦχος πλ. δ. ΄   Χαριστήριον αἶνον χρεωστικῶς , ὡς ἡ χήρα εκείνη δύο λεπτά, προσφέρω Σοι ΔΕΣΠΟΙΝΑ , ὑπέρ πασῶν τῶν χαρίτων Σου · Σύ γάρ ὤφθης σκέπη , ὁμοῦ καί βοήθεια , πειρασμῶν καί θλίψεων , ἀεί μέ ἐξαίρουσα · ὅθεν ὡς ἐκ μέσου , φλογιζούσης καμίνου , ρυσθείς τῶν θλιβόντων με ἐκ καρδίας κραυγάζω Σοι · ΘΕΟΤΟΚΕ βοήθει μοι · πρεσβεύουσα Χριστῷ τῷ Θεῷ , τῶν πταισμάτων ἄφεσιν δοθῆναι μοι , Σέ γάρ ἔχω ἐλπίδα ὁ δοῦλος Σου .

   ἦχος πλ. β ΄  Ἁγίων Ἅγιον Θεόν κυήσασα , ΠΑΝΑΓΙΑ ΠΑΡΘΕΝΕ , θείαις λιταῖς , τοῦτον νῦν δυσώπησον , σκηναῖς Ἁγίων ἐν τρυφῇ , κατατάξαι οὕς μετέστησεν .

   Σέ πάντες ἌΧΡΑΝΤΕ βοηθόν , ζῶντες καί θανόντες εὐσεβῶς , φυλαί καί γλῶσσαι κεκτήμεθα, ὅθεν τῆς ἐκεῖσε τυχεῖν ἀνέσεως , αἰτούμεθα πρεσβείαις Σου πρός Κύριον .

   Ἡ ΠΑΝΑΓΝΟΣ ΔΕΣΠΟΙΝΑ , ἡ τεκοῦσα τοῖς βροτοῖς , τόν Κυβερνήτην Κύριον , τῶν παθῶν μου τόν ἄστατον καί δεινόν , κατεύνασον τάραχον , καί γαλήνην παράσχου τῇ καρδίᾳ μου .

   Μόνη πέφυκας ΑΓΝΗ τοῦ κόσμου γέφυρα , μετάγουσα βροτούς πρός Θεόν · τούς τόν βίον οὖν , τῇ πρός Σέ ἐλπίδι καί στοργῇ , τελέσαντας Μ[ΗΤΕΡ Θεοῦ , πάσης ἀνάγκης καί φθορᾶς , σῶζε πρεσβείαις Σου .

   Ἔλυσας μόνη τήν ἀράν , ΠΑΡΘΕΝΕ ἌΧΡΑΝΤΕ  τήν τῆς Εὔας ἀληθῶς , ζωήν δέ τοῖς ἐπί γῆς ἐπήγασας · διό πρεσβείαις ταῖς Σαῖς , τοῦ βίου τοῦ προσκαίρου λυθέντας , τῆς ζωῆς τῆς αἰωνίου , καταξίωσον πάντας , ὅπως Σέ ὑμνοῦμεν , εἰς πάντας τούς αἰῶνας .

   ὙΠΕΡΑΓΙΑ ΔΕΣΠΟΙΝΑ , τοῦ κόσμου ΠΑΡΘΕΝΕ , Σύ πάντων Σκέπη , ζώντων καί θανόντων χρηματίζεις , καί γαλήνη , δόξα , καί τρυφή , καί ἄνεσις τῶν Σέ προστάτιν , καί βοηθόν , καί ρύστιν πλουτούντων Ἀγαθή · ὅθεν αὐτούς διάσωσον , πάντας ταῖς ἱκεσίαις Σου .

   Ὁ γλυκασμός τῶν Ἀγγέλων , τῶν θλιβομένων ἡ χαρά , Χριστιανῶν ἡ προστάτις , ΠΑΡΘΕΝΕ Μήτηρ Κυρίου , ἀντιλαβοῦ μου καί ῥῦσαι , τῶν αἰωνίων βασάνων .

   Ὤφθης ἐδιαίτημα , θεοπρεπές ΠΑΝΑΓΙΑ , καί Θεόν ἐχώρησας , καί Θεόν ἐγέννησας ἈΠΕΙΡΟΓΑΜΕ , καί βροτοῖς ὁρώμενον , καί δυσίν οὐσίαις , ἐν μιᾷ δέ ὑποστάσει ΑΓΝΗ · αὐτόν δυσώπησον , τόν μονογενῆ καί πρωτότοκον , τόν Σέ ΠΑΡΘΕΝΟΝ Ἄμωμον , καί μετά τόν τόκον φυλάξαντα · ψυχάς ἀναπαῦσαι , τῶν πίστει κοιμηθέντων ἐν φωτί , ἐν ἀκηράτῳ φαιδρότητι , καί μακαριότητι .

η. Κατά τήν τελευταίαν Κυριακήν τοῦ Πεντηκοσταρίου , ἤτοι , τήν τῶν Ἁγίων Ἁπάντων .

                                  ἦχος πλ. δ ΄

   Πῶς Σε μακαρίσωμεν ΘΕΟΤΟΚΕ ; πῶς δέ ἀνυμνήσωμεν Ὑπερευλογημένη , τό ἀκατάληπτον μυστήριον τῆς κυοφορίας Σου ; τῶν αἰώνων γάρ ὁ ποιητής , καί τῆς ἡμετέρας δημιουργός φύσεως , τήν ἰδίαν εἰκόναν οἰκτείρας , καθῆκεν ἑαυτόν , εἰς κένωσιν τήν ἀνεξιγχνίαστον · ὁ ὤν έν τοῖς ἀΰλοις κόλποις τοῦ Πατρός , ἐν μήτρᾳ Σου ΑΓΝΗ κατεσκήνωσεν , καί σάρξ ἀτρέπτως ἐγένετο ἐκ Σοῦ ἈΠΕΙΡΟΓΑΜΕ  , μείνας ὅπερ ὑπῆρχε φύσει , Θεός · διό αὐτόν προσκυνοῦμεν  , Θεόν τέλειον καί ἄνθρωπον τέλειον , τόν αὐτόν ἐν ἑκατέρᾳ μορφῇ · ἑκατέρα γάρ φύσις ἐστίν ἐν αὐτῷ ἀληθῶς · διπλᾶ δέ πάντα κηρύττομεν , τά φυσικά αὐτοῦ ἰδιώματα , κατά τήν διπλόην τῶν οὐσιῶν  , δύο σέβοντες τάς ἐνεργείας , καί τά θελήματα · ὁμοούσιος γάρ ὤν τῶ Πατρί , αὐτεξουσίως θέλει  καί ἐνεργεῖ ὡς ἄνθρωπος ·αὐτόν ἱκέτευε , ΣΕΜΝΗ ΠΑΜΜΑΚΑΡΙΣΤΕ , τοῦ σωθῆναι τάς ψυχάς ἡμῶν .

   Χαῖρε ΘΕΟΤΟΚΕ ΠΑΝΣΕΜΝΕ , χαῖρε πηγήν τήν ζωήν , τοῖς πιστοῖς ἡ πηγάζουσα · χαῖρε πάντων ΔΕΣΠΟΙΝΑ , καί ΚΥΡΙΑ τῆς κτίσεως · Εὐλογημένη χαῖρε ΠΑΝΑΜΩΜΕ · Δεδοξασμένη χαῖρε ΠΑΝΑΧΡΑΝΤΕ · χαῖρε Παλάτιον · χαῖρε θεῖον Σκήνωμα , χαῖρε ΑΓΝΗ · χαῖρε ΜΗΤΡΟΠΑΡΘΕΝΕ  χαῖρε ΘΕΟΝΥΜΦΕ .

   Χαῖρε ΘΕΟΜΗΤΟΡ ἌΧΡΑΝΤΕ , χαῖρε πιστῶν ἡ ἐλπίς , χαῖρε κόσμου καθάρσιον , χαῖρε πάσης θλίψεως , ρυομένη τούς δούλους Σου · ἡ τῶν ἀνθρώπων χαῖρε παράκλησις · ἡ ζωηφόρος χαῖρε ἀντίληψις  · χαῖρε προπύργιον τῶν προσκαλουμένων Σε · χαῖρε Θεοῦ θεῖον ἐνδιαίτημα , καί ὄρος ἅγιον .

   Χαῖρε ΘΕΟΤΟΚΕ ΔΕΣΠΟΙΝΑ , χαῖρε ἡ μόνη ἐλπίς , τῶν βροτῶν καί ἀντίληψις · χαῖρε καταφύγιον καί Λυχνία ἀείφωτος · ἠγλαϊσμένον , χαῖρε λαμπάδιον · ἡγιασμένον , χαῖρε Παλάτιον · χαῖρε Παράδεισε · χαῖρε θεῖον σκήνωμα , χαῖρε Πηγή · βρύουσα τά νάματα , τῶν προστρεχόντων Σοι .

   ἦχος πλ. α ΄ Ναός καί πύλη ὑπάρχεις , Παλάτιον καί Θρόνος τοῦ Βασιλέως , ΠΑΡΘΕΝΕ ΠΑΝΣΕΜΝΕ · δι ᾿ ἧς ὁ λυτρωτής μου Χριστός ὁ Κύριος , τοῖς ἐν σκότει καθεύδουσιν ἐπέφανεν , Ἥλιος ὑπάρχων δικαιοσύνης , φωτίσαι θέλων , οὕς ἔπλασεν , κατ ᾿ εἰκόνα ἰδίαν  , χειρί τῇ ἑαυτοῦ · διό ΠΑΝΥΜΝΗΤΕ, ὡς Μητρικήν παρρησίαν πρός αυτόν κεκτημένη , ἀδιαλείπτως πρέσβευε , σωθῆναι τάς ψυχάς ἡμῶν . 

   ἦχος πλ. β ΄. Ὁ ποιητής καί λυτρωτής μου ΠΑΝΑΓΝΕ , Χριστός ὁ Κύριος , ἐκ τῆς Σῆς νηδύος προελθών ἐμέ ἐνδυσάμενος , τῆς πρώην κατάρας τόν Ἀδάμ ἠλευθέρωσεν ·διό Σοι ΠΑΝΑΓΝΕ , ὡς τοῦ Θεοῦ Μητρί τε καί ΠΑΡΘΕΝῼ ἀληθῶς , βοῶμεν ἀσιγήτως , τό χαῖρε τοῦ Ἀγγέλου · χαῖρε ΔΕΣΠΟΙΝΑ , χαρά καί Σκέπη , καί προστασία τῶν ψυχῶν ἡμῶν .

   ἦχος δ . ΄.  Τό ἀπ ᾿ αἰῶνος ἀπόκρυφον , καί Ἀγγέλοις ἄγνωστον μυστήριον , διά Σοῦ ΘΕΟΤΟΚΕ , τοῖς ἐπί γῆς πεφανέρωται · Θεός , ἐν ἀσυγχύτῳ ἑνώσει σαρκούμενος , καί σταυρόν ὑπέρ ἡμῶν καταδεξάμενος , δι ᾿ οὗ ἀναστήσας τόν πρωτόπλαστον , ἔσωσεν ἐκ θανάτου τάς ψυχάς ἡμῶν .

   

                                    ἦχος πλ. δ. ΄

   Ἀπειρογάμως τόν Χριστόν ἐκύησας , τόν καθ ᾿ ἡμᾶς  δι ᾿ ἡμᾶς , εἰληφότα φύσιν  ΠΑΝΑΓΝΕ , καί ἄτρεπτον κατ ᾿ ἄμφω διαμείναντα · ὅν δυσώπει ἀπαύστως , ἁμαρτιῶν μοι δωρήσασθαι  καί τῶν πειρασμῶν ἀπολύτρωσιν .

   Ναός ἐδείχθης καθαρός , ΠΑΡΘΕΝΟΜΗΤΟΡ ΜΑΡΙΑ , τοῦ τά πάντα πανσθενῶς καί πανσόφως , ὑποστήσαντος Χριστοῦ , καί τάξαντος καί φέροντος , ὅν ἐξιλέωσαί μοι , ταῖς Μητρικαῖς Σου δεήσεσιν .

   Τόν ἀναλλοίωτον Θεόν ἡ τετοκυῖα , ἀλλοιουμένην εἰς ἀεί τῇ ἁμαρτίᾳ , ταῖς προσβολαῖς τοῦ δολίου , καί τῇ ραθυμίᾳ , στερέωσον τήν καρδίαν μου Ἀγαθή , πρεσβείαις ταῖς Μητρικαῖς Σου , ὄπως κἀγώ , εὐχαρίστως κραυγάζω Σοι · ΘΕΟΓΕΝΝΗΤΟΡ ΜΑΡΙΑΜ , ἐλέησον τήν ποίμνην Σου , ἥν ἐκτήσω ΠΑΝΑΜΩΜΕ .

   Ὡραίαν Σε ΠΑΝΑΓΝΕ , μόνην εὑράμενος , ἐξ ᾿ αἰῶνος Λόγος ὁ προάναρχος , τήν Ἰακώβ ΚΟΡΗ καλλονήν , καί ἐν Σοί σκηνώσας , δι ᾿ εὐσπλαγχνίαν ἀνέπλασεν , τήν φύσιν τῶν ἀνθρώπων , ὅν δυσώπει ἀπαύστως , ἀπό πάσης ρυσθῆναι με θλίψεως . 

   ΜΗΤΡΟΠΑΡΘΕΝΕ ΚΟΡΗ , ΠΑΝΑΓΝΕ ΠΑΝΑΜΩΜΕ ΘΕΟΧΑΡΙΤΩΤΕ , ταῖς Σαῖς ἱκεσίαις , τόν Υἱόν Σου , καί Θεόν καί Κύριον , ἐξιλέωσαί μοι , καί τῶν παθῶν καί τῶν πταισμάτων , τόν Σόν δοῦλον ἐκλύτρωσαι τάχιον .

   Ναός ἐδείχθης Θεοῦ , τοῦ ἀχωρήτου ΠΑΝΑΧΡΑΝΤΕ · ναόν κἀμέ τῆς αὐτοῦ , δεῖξον θείας χάριτος , ΠΑΝΑΓΙΑ ΔΕΣΠΟΙΝΑ , ταῖς Σαῖς ἱκεσίαις , καί συντήρησον ἀλώβητον .

   Εὐχαριστοῦμεν Σοι ἀεί ΘΕΟΤΟΚΕ , καί μεγαλύνομεν ΑΓΝΗ καί προσκυνοῦμεν , ἀνυμνοῦντες τόν τόκον Σου Κεχαριτωμένη  · βοῶντες ἀκαταπαύστως σῶσον ἡμᾶς, ΠΑΡΘΕΝΕ Παντελεῆμον ὡς Ἀγαθή , καί δαιμόνων ἐξάρπασον , λογοθεσίου φοβεροῦ , ἐν ὥρᾳ τῆς ἐτάσεως , μή αἰσχυνθῶμεν οἱ δοῦλοι Σου .

   Νενέκρωμαι ΠΑΝΑΓΝΕ , τῆς ἁμαρτίας πιών τό φάρμακον , καί προστρέχω Σοι πίστει , τῇ τετοκυῖᾳ  τόν ἀρχηγόν τῆς ζωῆς · ταῖς Σαῖς πρεσβείαις , τόν δοῦλον Σου ζώωσον , καί πειρασμῶν καί παθῶν , λύτρωσαι μόνη ΑΓΝΗ .

   Ἐπί τῆς γῆς ἀνέτειλεν , ὁ ἀνέσπερος ἡλιος , διά τῆς ἐκ Σοῦ Παρθενικῆς γεννήσεως , ΠΑΝΑΧΡΑΝΤΕ ΔΕΣΠΟΙΝΑ , καί τούς βροτούς ἀπήλλαξε , τῆς εἰδωλικῆς καί ζοφερᾶς σκοτομήνης , διό καί νῦν με μᾶλλον , τῆς αὐτοῦ Θεαρχίας , καταύγασον ταῖς αἴγλαις , καί φρούρει τόν Σόν δοῦλον .

   Νηδύν Χριστέ Σωτήρ μου Παρθενικήν , ἐνοικίσας ἐφάνης τῷ κόσμῳ σου θεανδρικῶς , ἄτρεπτος , ἀσύγχυτος ἀληθῶς , καί καθυπέσχου πάντοτε , μετά τῶν Σῶν δούλων εἶναι σαφῶς , διό τῆς Σέ Τεκούσης , πρεσβείαις τήν εἰρήνην , πάσῃ τῇ ποίμνῃ σουπρυτάνευσον . 

   Ὁ δι ᾿ ἡμᾶς γεννηθείς ἐκ ΠΑΡΘΕΝΟΥ , καί Σταύρωσιν ὑπομείνας ἀγαθέ , ὁ θανάτῳ , τόν θάνατον σκυλεύσας , καί ἔγερσιν δείξας ὡς θεός , μή παρίδης οὕς ἔπλασας τῆ χειρί Σου , δεῖξον τήν φιλανθρωπίαν σου ἐλεῆμον , δέξαι τήν Τεκοῦσαν σε ΘΕΟΤΟΚΟΝ , πρεσβεύουσαν ὑπέρ ἡμῶν , καί σῶσον Σωτήρ ἡμῶν , λαόν ἀπεγνωσμένον .

   Ἐπί Σοί χαίρει , Κεχαριτωμένη , πᾶσα ἡ κτίσις , Ἀγγέλων τό σύστημα, καί ἀνθρώπων τό γένος , ἡγιασμένε Ναέ , καί παράδεισε λογικέ , Παρθενικόν καύχημα, ἐξ ' ἧς Θεός ἐσαρκώθη , καί Παιδίον γέγονεν , ὁ πρό αἰώνων Θεός · τήν γάρ Σήν μήτραν Θρόνον ἐποίησεν , καί τήν Σήν γαστέρα , Πλατυτέραν οὐρανῶν ἀπειργάσατο · ἐπί Σοί χαίρει , ΚΕΧΑΡΙΤΩΜΕΝΗ , πᾶσα ἡ κτίσις , δόξα Σοι .

   Δεδοξασμένα περί Σοῦ λελάληνται , ἐν γενεαῖς γενεῶν , ἡ τόν Θεόν Λόγον , ἐν γαστρί χωρήσασα  ΑΓΝΗ δέ διαμείνασα , ΘΕΟΤΟΚΕ ΜΑΡΙΑ · διό Σε πάντες γεραίρομεν , τήν μετά Θεόν , προστασίαν ἡμῶν .

   ἌΧΡΑΝΤΕ ΘΕΟΤΟΚΕ , ἡ σεσαρκωμένον τόν ἀΐδιον  καί Ὑπέρθεον Λόγον , ὑπέρ φύσιν τεκοῦσα , ὑμνοῦμεν Σε .

   Βότρυν Σε ζωηφόρον , τόν τῆς παγκοσμίου , ἀποστάζοντα γλυκασμόν σωτηρίας , ἡ ΠΑΡΘΕΝΟΣ  Χριστέ ἀπεκύησε . 

   Γνώμην ἀνδρείαν αἱ Παρθένε ΠΑΝΑΓΝΕ , ἀναλαβοῦσαι σαφῶς , μαρτυρικούς ἄθλους , ἀκλινῶς ὑπέμειναν , καί ψαλμικῶς ὀπίσω Σου , τῷ Υἱῷ Σου ΠΑΡΘΕΝΕ , ἐνθέως συναγαλλόμεναι , τῷ παμβασιλεῖ προσηνέχθησαν . 

   Τῶν Χερουβίμ καί Σεραφίμ , ἐδείχθης Ὑψηλοτέρα , ΘΕΟΤΟΚΕ · Σύ γάρ μόνη , ἐδέξῳ , τόν ἀχώρητον Θεόν , ἐν Σῇ γαστρί Ἀμόλυντε , διό πιστοί Σε πάντες , ὕμνοις ἀεί μκαρίζομεν . 

   Δός ἡμῖν βοήθεια , ταῖς ἱκεσίαις Σου ΠΑΝΑΓΝΕ , τάς προσβολάς , ἀποκρουομένη , τῶν δεινῶν περιστάσεων .

   Εὔας τῆς προμήτορος , Σύ ἐπανόρθωσις γέγονας , τό ἀρχηγόν τῆς ζωῆς , τῷ κόσμῳ , ΘΕΟΤΟΚΕ κυήσασα .

   Παρθενικῆς ἀπό γαστρός , τόν ἐκ Θεοῦ Θεόν Λόγον , ἀπεγέννησας ἡμῖν , ΘΕΟΜΗΤΟΡ · ὅν νεάνιδες ἁγναί , θεοπρεπῶς ἐπόθησαν , καί Σοῦ ὁπίσω πᾶσαι , τούτῳ σαφῶς ἠκολούθησαν .

   Τήν οὐράνιον Πύλην καί Κιβωτόν , τό πανάγιον Ὄρος , τήν Φωταυγῆ , Νεγφέλη ὑμνήσωμεν , τήν οὐράνιον κλίμακα, τόν Λογικόν Παράδεισον , τῆς Εὔας τήν λύτρωσιν , τῆς οἰκουμένης πάσης , τό μέγα κειμήλιον · ὅτι σωτηρία ἐν Αὐτῇ διεπράχθη , τῷ κόσμῳ καί ἄφεσις , τῶν ἀρχαίων ἐγκλημάτων · διά τοῦτο βοῶμεν Αὐτῆ · πρέσβευε , τῷ Σῶ Υἱῷ καί Θεῷ , τῶν πταισμάτων ἄφεσιν δωρήσασθαι  , τοῖς εὐσεβῶς Σέ προσκυνοῦσι , καί τόν πανάγιον τόκον Σου .

   Σύ τῶν πιστῶν , καύχημα πέλεις Ἀνύμφευτε , Σύ προστάτις , Σύ καί καταφύγιον , Χριστιανῶν , τεῖχος καί λιμήν · πρός γάρ τόν Υἱόν Σου ἐντεύξεις φέρεις ΠΑΝΑΜΩΜΕ , καί σώζεις ἐκ κινδύνων , τούς ἐν πίστει καί πόθῳ , ΘΕΟΤΟΚΟΝ ἀεί Σέ γινώσκοντας .

   Ἡ τόν στάχυν βλαστήσασα , τόν ζωοποιόν ἀνήροτος ἄρουρα , τόν παρέχοντα τῷ κόσμῳ ζωήν , ΘΕΟΤΟΚΕ , σῶζε τούς ὑμνοῦντας Σε .

   ΘΕΟΤΟΚΟΝ ΣΕ ΠΑΝΑΓΝΕ , οἱ πεφωτισμένοι πάντες κηρύττομεν · τόν γάρ Ἥλιον ἐκύησας , τῆς Δικαιοσύνης ἈΕΙΠΑΡΘΕΝΕ .

   Νύμφη Θεοῦ γέγονας ΘΕΟΓΕΝΝΗΤΡΙΑ · τόν γάρ τούτου Λόγον προαιώνιον , σωματικῶς τέτοκας ἡμῖν , ἐν ᾧ καί γυναῖκες , ἁγίως πολιτευσάμεναι , καί ἄθλοις παμποικίλοις διά Σοῦ κοσμηθεῖσαι , τήν προμήτορος πτῶσιν ἀνώρθωσαν . 

   Μητρικήν παῤῥησίαν , τήν πρός τόν Υἱόν Σου κεκτημένοι ΠΑΝΑΓΝΕ , συγγενοῦς προνοίας , τῆς ἡμῶν μή παρίδης δεόμεθα , ὅτι Σέ καί μόνην , Χριστιανοί , πρός τόν Δεσπότην , ἱλασμόν εὐμενῆ προβαλλόμεθα .

   Κατεύνασον τόν ἄστατον κλύδωνα , τῶν παθῶν μου , ἡ Θεόν κυήσασα , τόν κυβερνήτην καί Κύριον .

   Λατρεύουσι τόν τόκον Σου , ἌΧΡΑΝΤΕ ΘΕΟΤΟΚΕ , Ἀγγέλων τά τάγματα , καίτῶν βροτῶν τά συστήματα .

   Ὑπερθαύμαστον τόκον , τόν Σόν ἀγαπήσασι γυναῖκες πάνσεμναι , τά τερπνά τοῦ βίου , εἰς οὐδέν ἐλογίσαντο ΠΑΝΑΓΝΕ , τῆς αὐτοῦ καί μόνης , ἐρωτικῶς ἐπιθυμοῦσαι , ἀγλαΐας καί θείας ἐλλάμψεως . 

   'Ρυσθείημεν τῶν δεινῶν , πταισμάτων ταῖς ἱκεσίαις Σου ΘΕΟΓΕΝΝΗΤΟΡ ΑΓΝΗ , καί τύχοιμεν ΠΑΝΑΓΝΕ , τῆς θείας ἐλλάμψεως , τοῦ ἐκ Σοῦ ἀφράστως , σαρκωθέντος Υἱοῦ τοῦ Θεοῦ .

   Ναόν Σε τοῦ Θεοῦ καί Κιβωτόν , καί Παστάδα ἔμψυχον , καί Πύλην οὐράνιον , ΘΕΟΤΟΚΕ , οἱ πιστοί καταγγέλομεν .

   Ξοάνων καταλύτης ὡς Θεός , γεγονώς ὁ τόκος Σου , ΜΑΡΙΑ ΘΕΟΝΥΜΦΕ , προσκυνεῖται , σύν Πατρί καί τῷ Πνεύματι .

   Μητέρα παναληθῆ , Θεοῦ Σε πάντες γινώσκομεν , δι ᾿ ἧς φύσις γυναικῶν , ῥυσθεῖσα ΠΑΝΑΜΩΜΕ , Χριστοῦ ὑπερήθλησεν , ἀρετῆς τε πάσης , εὐσεβῶς γέγονεν ἔμπλεως .

   ΠΑΡΘΕΝΙΚΗΣ ἐκ νηδύος , σαρκωθείς ἐπεφανης εἰς σωτηρίαν ἡμῶν , διό σου τήν Μητέρα , εἰδότες ΘΕΟΤΟΚΟΝ , εὐχαρίστως κραυγάζομεν · Εὐλογημένη ΠΑΝΑΓΝΕ , ἡ Θεόν σαρκί κυήσασα . 

   Ῥάβδος ἔφυς ΠΑΡΘΕΝΕ , Ἰεσσαί ἐκ τῆς ῥίζης ἡ ΠΑΜΜΑΚΑΡΙΣΤΟΣ , καρπόν ἀνθηφοροῦσα , σωτήριον τοῖς πίστει , τῷ Υἱῷ Σου κραυγάζουσιν · ὁ τῶν Πατέρων ἡμῶν Θεός εὐλογητός σοι .

   ΜΑΡΙΑΝ τήν Ἄχραντον , καί ΠΑΝΑΓΙΑΝ ΑΓΝΗΝ ΘΕΟΓΕΝΝΗΤΡΙΑΝ , αἱ νεάνιδες πᾶσαι , χορείαν θείαν ἅμα στησάμεναι , μεγαλοφώνως ἀγάλλου , βοήσατε , ἡ τῆς χαρᾶς τήν πηγήν ἡμῶν βλυστάνουσαν .

   Τῶν ἐναντίων τάς θελκτικάς καί φλογώδεις , καθ ᾿ ἡμῶν κατάσβεσον βολίδας , ὅπως Σέ ὑμνοῦμεν ΑΓΝΗ , εἰς τούς αἰῶνας 

   Ὑπερφυῶς τόν Δημιουργόν , καί Σωτῆρα , Θεόν Λόγον τέτοκας ΠΑΡΘΕΝΕ , ὅθεν Σέ ὑμνοῦμεν , εἰς πάντας τούς αἰῶνας . 

   Μετ ᾿ εὐφροσύνης ἅπασαι , γυναικῶν αἱ θεόφρονες , αἱ τελειωθεῖσαι ἐν Χριστῷτῷ Πνεύματι , ΠΑΡΘΕΝΟΝ τήν Ἄχραντον , καί ἀληθῆ Μητέρα Θεοῦ , τήν ἐκ τῆς κατάρας , τῆς προμήτορος Εὔας , ἡμᾶς λυτρωσαμένην , τανῦν περικυκλοῦσαι , καί Σέ ὐμνοῦσιν ΑΓΝΗ εἰς τούς αἰῶνας . 

   Ἐξέστη ἀπί τούτῳ ὁ οὐρανός , καί τῆς γῆς κατεπλάγη τά πέρατα , ὄτι Θεός , ὤφθη τοῖς ἀνθρώποις σωματικῶς , καί ἡ γαστήρ Σου γέγονεν , εὑρυχωροτέρα τῶν οὐρανῶν · διό Σε ΘΕΟΤΟΚΕ , Ἀγγέλων καί ἀνθρώπων ταξιαρχίαι μεγαλύνουσιν .

   Ὡράθης , ὦ ΠΑΡΘΕΝΕ  Μήτηρ Θεοῦ , ὑπέρ φύσιν τεκοῦσα ἐν σώματι τόν ἀγαθόν , Λόγον ἐκ καρδίας τῆς ἑαυτοῦ , ὅν ὁ Πατήρ ἠρεύξατο , πάντων πρό αἰώνων ὡς ἀγαθός , ὅν νῦν καί τῶν σωμάτων , ἐπέκεινα νοοῦμεν , εἰ καί τό σῶμα περιβέβληται .

   Χαρᾶς καί εὐφροσύνης , πλήρης Σου ἡ μνήμη , τοῖς προσιοῦσιν ἰάματα βρύουσαν , καί εὐσεβῶς ΘΕΟΤΟΚΟΝ Σέ καταγγέλοντας .

   Ψαλμοῖς Σε ἀνυμνοῦμεν , ΚΕΧΑΡΙΤΩΜΕΝΗ , καί ἀσιγήτως , τό χαῖρε προσάγομεν · Σύ γάρ ἐπήγασας πᾶσιν , τήν ἀγαλλίασιν .

   Ὡράθης διεστώτων συναπτική ·διά Σοῦ γάρ Ἀγγέλοις ὁμόσκηνοι , ἐν οὐρανοῖς , ἄνθρωποι γεγόνασι ἀληθῶς , καί μαρτυροῦσιν τάγματα πάντων τῶν Ἁγίων νῦν σύν αὐτοῖς , ὑμνοῦντες τόν Σόν τόκον  , ΠΑΡΘΕΝΕ ΘΕΟΤΟΚΕ , ἐν αἰωνίοις μελωδήμασι .

   Ὁ ἄνω δοξαζόμενος , θεϊκῶς ὑπ ᾿ Ἀγγέλων , κόλπων πατρώων ἌΧΡΑΝΤΕ , μή ἐκστάς ἀπορρήτως , τοῖς κάτω συανεστράφη , Σύ δέ ταύτης ὑπῆρξας , τῆς σωτηρίας πρόξενος , ἐξ ᾿ ἁγνῶν Σου Αἱμάτων , τούτῳ ΑΓΝΗ , ὑπέρ λόγον σάρκα δανεισαμένη , ὅν αἴτησαι τοῖς δούλοις Σου , λύτρον δοῦναι πταισμάτων .

 Δόξα Σοι Μῆτερ τοῦ Θεοῦ , δόξα Σοι ΠΑΝΑΓΙΑ ...

εὐχαριστοῦντες , προσκυνοῦμεν Σε , Μητέρα τοῦ Ὑψίστου .

ΔΕΣΠΟΙΝΑ τοῦ κόσμου , 

Βασίλισα τῶν Ἀγγέλων ·

ΚΥΡΙΑ τῆς κτίσεως , 

προσκυνοῦμεν Σε ΑΓΝΗ ΠΑΡΘΕΝΕ ΔΕΣΠΟΙΝΑ , 

ἌΧΡΑΝΤΕ ΘΕΟΤΟΚΕ .